വേശ്യാവൃത്തി തെരഞ്ഞെടുക്കേണ്ടിവന്നെന്ന് ശ്വേത
ഹൈദരാബാദ്: വേശ്യാവൃത്തി അല്ലാതെ മറ്റൊരു മാര്ഗമില്ലാത്തതുകൊണ്ടാണ് അതിലേക്ക് തിരിഞ്ഞതെന്ന് പ്രമുഖ തെന്നിന്ത്യന് നടി ശ്വേതാ ബസുവിന്റെ വെളിപ്പെടുത്തല്. വേശ്യാവൃത്തിക്കിടെ ബന്ജാര ഹില്സിലെ ഒരു ഹോട്ടലില് വെച്ച് കഴിഞ്ഞദിവസം ശ്വേതയേയും ഒരു ബിസിനസുകാരനെയും ശ്വേതയുടെ ഇടനിലക്കാരനെയും അറസ്റ്റ് ചെയ്തിരുന്നു.
ഇതുമായി ബന്ധപ്പെട്ട പോലീസ് ചോദ്യം ചെയ്യലിലാണ് ശ്വേത തന്റെ നിസ്സഹായത വെളിപ്പെടുത്തിയത്. തന്റെത് പാരമ്പര്യമായി നല്ല കുടുംബമായിരുന്നു. സിനിമയില് എത്തിയതോടെ ജീവിതരീതി ഉയര്ന്നു. എന്നാല് ഇടയ്ക്കുവെച്ച് അവസരങ്ങള് കുറഞ്ഞതോടെ സാമ്പത്തികമായി വളരെയധികം ബുദ്ധിമുട്ടിലായി. അങ്ങിനെയാണ് പെണ്വാണിഭ സംഘത്തിനൊപ്പം ചേരുന്നത്.
കുടുംബത്തിന്റെ സാമ്പത്തിക വിഷമസ്ഥിതിയില് അവരെ സഹായിക്കാന് മറ്റൊരു മാര്ഗം തനിക്ക് മുന്നിലില്ലായിരുന്നു. ഇപ്പോള് ഓര്ക്കുമ്പോള് അബന്ധമായി തോന്നുന്നുവെങ്കിലും അപ്പോള് അത് ശരിയായിരുന്നെന്ന് അവര് പറഞ്ഞു. താന് മാത്രമല്ല, മറ്റു ചില നായികമാരും ഈ രംഗത്ത് സജീവമാണെന്ന് ശ്വേത പോലീസിനോട് പറഞ്ഞു. എന്നാല് നടിമാരുടെ പേരുകള് വെളിപ്പെടുത്താന് ശ്വേത തയ്യാറായില്ല.
മെട്രോ നഗരങ്ങളില് ബിസിനസ് രാഷ്ട്രീയ പ്രമുഖരുടെ എസ്കോര്ട് ഗേളായി ശ്വേത പലപ്പോഴും ചുറ്റാറുണ്ട്. മണിക്കൂറുകള്ക്ക് ലക്ഷങ്ങളാണ് പ്രതിഫലം. സിനിമയില് അഭിനയിച്ചു കിട്ടുന്നതിലും എത്രയോ ഇരട്ടി ഇരുപത്തിമൂന്നുകാരിയായ ശ്വേത വേശ്യാവൃത്തിയിലൂടെ സമ്പാദിക്കുന്നു. ഒരു പിടി മികച്ച ചിത്രങ്ങളാല് ശ്രദ്ധേയയായ ശ്വേത ബാലതാരത്തിനുള്ള ദേശീയ അവാര്ഡ് കരസ്ഥമാക്കിയ നടിയാണ്.
നടി ശ്വേത ബസുവിനെ അനാശാസ്യത്തിനിടെ പിടികൂടി
ശ്വേത ബസു പുതിയ ചിത്രങ്ങള് കാണാം....