ട്രെയിനിലെ എസി കോച്ചില്‍ പ്രമുഖ നടിയുടെ ബാഗ് എലി കടിച്ചുപറിച്ചു, നടി കഷ്ടിച്ചു രക്ഷപ്പെട്ടു!

By Desk

Updated: Wednesday, September 28, 2016, 10:21 [IST]

മുംബൈ: റെയില്‍വേ മന്ത്രി സുരേഷ് പ്രഭുവിന് വ്യത്യസ്തമായ ഒരു പരാതി. മൈക്രോ ബ്ലോഗിങ് സൈറ്റായ ട്വിറ്ററിലൂടെ നടി നിവേദിത ഷറഫാണ് പരാതി അറിയിച്ചിരിക്കുന്നത്. ട്രെയിനിലെ എലി ശല്യത്തെക്കുറിച്ചാണ് നിവേദിതയ്ക്ക് പരാതി പറയാനുള്ളത്.

Read Also: വിചിത്രമായ ഒരു കേസ്... സെക്‌സ് ടോയിലും ഒളിക്യാമറ... എല്ലാം വീഡിയോയിലായി.. യുവതിക്ക് പറ്റിയ പറ്റ്!

ഫസ്റ്റ് ക്ലാസ് കോച്ചില്‍ യാത്ര ചെയ്യുകയായിരുന്ന നടിയുടെ ബാഗ് എലി കടിച്ചുപറിച്ചു എന്നതാണ് പരാതി. തന്റെ തലയുടെ അടുത്താണ് ബാഗ് വെച്ചിരുന്നത് എന്നാണ് നിവേദിത ഷറഫ് പറയുന്നത്. ബാഗ് കരണ്ട് മുറിച്ച എലി നടിയെ എങ്ങാനും കടിച്ചിരുന്നെങ്കില്‍ എന്താകുമായിരുന്നു സ്ഥിതി...

നിവേദിത ഷറഫ്

മറാത്തി, ഹിന്ദി ഭാഷകളിലെ തിരക്കേറിയ നടിയായിരുന്നു നിവേദിത ജോഷി ഷറഫ് എന്ന നിവേദിത ഷറഫ്. 1980 കളിലും 90 കളിലും സിനിമാ ഇന്‍ഡസ്ട്രിയിലെ സജീവ ഘടകമായിരുന്നു ഇവര്‍.

അരങ്ങേറ്റം 1977 ല്‍

1977 ലെ അപ്‌നാപന്‍ എന്ന ചിത്രത്തിലൂടെയാണ് സിനിമാ രംഗത്തെത്തിയത്. 1991 ലാണ് അവസാനമായി അഭിനയിച്ചത്. മറാത്തി - ഹിന്ദി നടനായ അശോക് ഷറഫാണ് ഭര്‍ത്താവ്.

ബാഗ് കടിച്ചുപറിച്ചു

സെപ്തംബര്‍ 22ന് ലാത്തൂര്‍ എക്‌സ്പ്രസിലെ ഫസ്റ്റ് ക്ലാസ് കോച്ചില്‍ യാത്ര ചെയ്യുകയായിരുന്ന തന്റെ ബാഗ് എലി കടിച്ചുപറിച്ചു എന്നായിരുന്നു നിവേദിത ഷറഫിന്റെ ട്വീറ്റ്.

എങ്ങനെ പേടിക്കാതിരിക്കും

സംഭവം നടക്കുമ്പോല്‍ താന്‍ ഉറങ്ങുകയായിരുന്നു എന്നാണ് നിവേദിത പറയുന്നത്. തലയ്ക്ക് അടുത്തായിരുന്നു ബാഗ് വെച്ചിരുന്നത്. ഫസ്റ്റ് ക്ലാസ് കോച്ചില്‍ പോലും എലി ശല്യം എന്ന് പറഞ്ഞാല്‍...

പരാതി റെയില്‍ മന്ത്രിക്ക്

റെയില്‍വേ മന്ത്രി സുരേഷ് പ്രഭുവിനെ ടാഗ് ചെയ്തിട്ടാണ് നിവേദിത ഈ ട്വീറ്റ് ചെയ്തത്. തെളിവിനായി എലി കരണ്ട ബാഗിന്റെ ചിത്രവുമുണ്ട്. ഭക്ഷ്യ സാധനങ്ങള്‍ കൊണ്ടുവരുന്നതാണ് തീവണ്ടിയില്‍ എലി പെരുകാന്‍ ഒരു കാരണമെന്ന് അധികൃതര്‍ പറയുന്നു.