കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നീയൊരു പുരുഷനാണോ? പിതാവിന് പിന്നാലെ സഹോദരനെതിരെയും ആഞ്ഞടിച്ച് നടി വനിതാ വിജയകുമാർ

  • By Desk
Google Oneindia Malayalam News

ചെന്നൈ: തമിഴ്നടൻ വിജയകുമാറും മകളും തമ്മിലുള്ള തർക്കം കൂടുതൽ രൂക്ഷമാകുന്നു. വിജയകുമാറിനെതിരെ ഗുരുതര ആരോപണങ്ങൾ ഉന്നയിച്ചതിന് പിന്നാലെ സഹോദരൻ അരുൺ വിജയിക്കെതിരെയും ആഞ്ഞടിച്ച് നടി വനിത. പിതാവ് തന്നെ ഉപദ്രവിച്ചപ്പോൾ വിജയ് പ്രതികരിക്കാത്തതാണ് വനിതയെ ചൊടിപ്പിച്ചത്.

മകൾ മരിച്ചതറിയാതെ ബാലഭാസ്കർ വെന്റിലേറ്ററിൽ തുടരുന്നു; ഭാര്യ ലക്ഷ്മിയെ ശസ്ത്രക്രിയയ്ക്ക് വിധേയയാക്കിമകൾ മരിച്ചതറിയാതെ ബാലഭാസ്കർ വെന്റിലേറ്ററിൽ തുടരുന്നു; ഭാര്യ ലക്ഷ്മിയെ ശസ്ത്രക്രിയയ്ക്ക് വിധേയയാക്കി

പോലീസിനെയും ഗുണ്ടകളെയും ഉപയോഗിച്ച് വിജയകുമാർ തന്നെ വീട്ടിൽ നിന്നും തല്ലിയിറക്കി വിട്ടുവെന്ന ആരോപണവുമായി വനിത രംഗത്തെത്തിയിരുന്നു. വനിതയും മാതാപിതാക്കളും സഹോദരങ്ങളുമെല്ലാം തെന്നിന്ത്യയിലെ പ്രമുഖ താരങ്ങളാണ്. പിതാവ് തന്നോട് പ്രതികാരം ചെയ്യുകയാണെന്ന് വനിത മാധ്യമങ്ങളോട് പ്രതികരിച്ചിരുന്നു.

പരാതി നൽകി

പരാതി നൽകി

വനിതയ്ക്ക് വിജയകുമാർ വീട് വാടകയ്ക്ക് നൽകിയിരുന്നു. എന്നാൽ സമയപരിധി കഴിഞ്ഞിട്ടും വീടൊഴിയുന്നില്ലെന്ന് ചൂണ്ടിക്കാട്ടി വിജയകുമാർ വനിതയ്ക്കെതിരെ പോലീസിൽ പരാതി നൽകുകയായിരുന്നു.

 ഷൂട്ടിംഗിന്

ഷൂട്ടിംഗിന്

ഷൂട്ടിംഗിനായാണ് വനിതയ്ക്കും സുഹൃത്തുക്കൾക്കും വീട് വാടകയ്ക്ക് നൽകിയിരുന്നത്. ഷൂട്ടിംഗ് കഴിഞ്ഞ് ഒരാഴ്ചയ്ക്ക് ശേഷവും വീടൊഴിയാൻ തയാറാകാത്തതിനെ തുടർന്നാണ് വിജയകുമാർ മധുരവോയൽ പോലീസിൽ പരാതി നൽകിയത്. സിനിമാ ചിത്രീകരണത്തിനായി വാടകയ്ക്ക് നൽകുന്ന വീടാണിത്.

ഇറക്കി വിട്ടു

ഇറക്കി വിട്ടു

വിജയകുമാറിന്റെ പരാതിയെ തുടർന്ന് പോലീസ് സ്ഥലത്തെത്തി നടിയെ ഒഴിപ്പിക്കുകയായിരുന്നു. നടിക്കൊപ്പമുണ്ടായിരുന്ന എട്ട് സുഹൃത്തുക്കളെ കസ്റ്റഡയിൽ എടുക്കുകയും ചെയ്തു. പോലീസിനെയും ഗുണ്ടകളെയും ഉപയോഗിച്ച് വിജയകുമാർ തന്നെയും സുഹൃത്തുക്കളെയും തല്ലിയിറക്കുകയായിരുന്നുവെന്നായിരുന്നു വനിത ആരോപിച്ചത്.

വില്ലൻ

വില്ലൻ

സിനിമകളിൽ കാണാറുള്ള വില്ലൻമാരെക്കാൾ ക്രൂരമായയാണ് അച്ഛൻ പെരുമാറുന്നത്. സ്വത്തോ പണമോ താൻ ആവശ്യപ്പെട്ടിട്ടില്ല, വീട്ടിൽ താമസിച്ചതിനാണ് തല്ലി ഇറക്കിവിട്ടത്. സിനിമാ നടി ആയതിനാൽ തനിക്ക് വേറെ വീട് വാടകയ്ക്ക് കിട്ടുന്നില്ല, എവിടെ പോകണമെന്ന് അറിയില്ലെന്നും വനിത മാധ്യമങ്ങളോട് പറഞ്ഞിരുന്നു.

സഹോദരനെതിരെയും

സഹോദരനെതിരെയും

മൂത്ത സഹോദരിയായ തന്നെ അച്ഛൻ ബലം പ്രയോഗിച്ച് ഇറക്കി വിട്ടിട്ടും അരുൺ ഒരക്ഷരം പോലും മിണ്ടാൻ തയാറായില്ലെന്നാണ് വനിത ആരോപിക്കുന്നത്. തമിഴിലെ മുൻനിര നായകനടനാണ് വിജയ്. സഹോദരിയുടെ ആരോപണത്തോട് വിജയ് ഇതുവരെ പ്രതികരിച്ചിട്ടില്ല.

പണം

പണം

പണത്തെക്കുറിച്ച് മാത്രമാണ് എല്ലാവരും ചിന്തിക്കുന്നത്. അന്യഗ്രഹത്തിൽ ജീവിക്കുന്നത് പോലെയാണ് എല്ലാവരും പെരുമാറുന്നത്. ഇത്രയും വലിയ പ്രശ്നങ്ങൾ കുടുംബത്തിൽ നടക്കുമ്പോഴും ജിമ്മിൽ പോയതിന്റെയും പുതിയ കാറിന്റെയുമൊക്കെ ചിത്രങ്ങൾ ട്വിറ്ററിൽ പോസ്റ്റ് ചെയ്ത് രസിക്കുകയായിരുന്നു വിജയ് എന്നും വനിത ആരോപിക്കുന്നു.

കുടുംബവുമായി

കുടുംബവുമായി

തമിഴിലെ പ്രമുഖ താര കുടുംബമാണ് വിജയകുമാറിന്റേത്. കഴിഞ്ഞ കുറച്ച് വർഷങ്ങളായി കുടുംബവുമായി അകന്ന് കഴിയുകയായിരുന്നു വനിത. സിനിമാ താരങ്ങളായ ശ്രീദേവി വിജയകുമാർ, പ്രീത വിജയകുമാർ തുടങ്ങിയവരാണ് വനിതയുടെ മറ്റ് സഹോദരങ്ങൾ.

സുപരിചിത

സുപരിചിത

തമിഴിലെ നിരവധി ഹിറ്റ് ചിത്രങ്ങളുടെ ഭാഗമായിട്ടുള്ള വനിത മലയാളികൾക്കും സുപരിചിതയാണ്. 1997ൽ പുറത്തിറങ്ങിയ ഹിറ്റ്ലർ ബ്രദേഴ്സ് എന്ന ചിത്രത്തിലെ നായികയായി നന്ദിനി എന്ന കഥാപാത്രം അവതരിപ്പിച്ചത് വനിതയായിരുന്നു. ഉദയപുരം സുൽത്താൻ, ദുബായി തുടങ്ങിയ ചിത്രത്തിലൂടെ സുപരിചതയാണ് വനിതയുടെ സഹോദരി പ്രീത.

പത്ത് വർ‌ഷം ഒളിച്ചുവെച്ച പ്രണയം വെളിപ്പെടുത്തി സൈനാ നെഹ്വാൾ; ഡിസംബറിൽ വിവാഹം... പത്ത് വർ‌ഷം ഒളിച്ചുവെച്ച പ്രണയം വെളിപ്പെടുത്തി സൈനാ നെഹ്വാൾ; ഡിസംബറിൽ വിവാഹം...

English summary
actress vanitha vijayakumar against brother arun vijay
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X