കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നടി വിജലക്ഷ്മിയെ തീവ്രപരിചരണ വിഭാഗത്തിൽ പ്രവേശിപ്പിച്ചു; സഹായം അഭ്യർത്ഥിച്ച് സഹോദരി

Google Oneindia Malayalam News

ബെംഗളൂരു: പ്രശസ്ത നടി വിജയലക്ഷ്മിയെ ഉയർന്ന രക്തസമ്മർദ്ദത്തെ തുടർന്ന് ആശുപത്രിയിൽ പ്രവേശിച്ചു. അതി തീവ്ര പരിചരണ വിഭാഗത്തിലാണ് നടിയെ പ്രവേശിപ്പിച്ചിരിക്കുന്നത്. തമിഴ് , തെലുങ്ക്, മലയാളം , കന്നട എന്നീ ഭാഷകളിലായി നിരവധി ചിത്രങ്ങളിൽ നായികയായി അഭിനയിച്ചിട്ടുള്ള നടിയാണ് വിജയലക്ഷ്മി.

ബെംഗളൂരുവിലെ മല്യ ആശുപത്രിയിൽ തീവ്ര പരിചരണ വിഭാഗത്തിലാണ് വിജയലക്ഷ്മിയെ പ്രവേശിപ്പിച്ചിരിക്കുന്നത്. നടിയുടെ ചികിത്സാ ചെലവുകൾക്കായി സിനിമാ മേഖലയിൽ നിന്നുള്ളവരോട് സഹായം അഭ്യർത്ഥിച്ചിട്ടുണ്ടെന്ന് സഹോദരി ഉഷാ ദേവി വ്യക്തമാക്കി.

തീവ്ര പരിചരണ വിഭാഗത്തിൽ

തീവ്ര പരിചരണ വിഭാഗത്തിൽ

കുറച്ച് നാളായി ശാരീരിക ബുദ്ധിമുട്ടുകൾ വിജയലക്ഷ്മിയെ അലട്ടിയിരുന്നതായി സഹോദരി ഉഷാ ദേവി പറയുന്നു. രക്ത സമ്മർദ്ദം ക്രമാതീതമായി ഉയരുന്നതിനാൽ സമീപ കാലത്ത് നിരന്തരം ചികിത്സ തേടിയിരുന്നു. കഴിഞ്ഞ ദിവസം ആരോഗ്യ സ്ഥിതി തീർത്തും മോശമായതിനാൽ അതീവ തീവ്രപരിചരണ വിഭാഗത്തിലേയ്ക്ക് മാറ്റുകയായിരുന്നുവെന്ന് സഹോദരി പറയുന്നു.

സഹായം അഭ്യർത്ഥിച്ചു

സഹായം അഭ്യർത്ഥിച്ചു

കഴിഞ്ഞയാഴ്ച വിജയലക്ഷ്മിയുടെ അമ്മയെ അസുഖബാധിതയായതിനെ തുടർന്ന് ആശുപത്രിയിൽ പ്രവേശിപ്പിച്ചിരുന്നു. ഇതിന് പിന്നാലെയാണ് വിജയലക്ഷ്മിയുടെ ആരോഗ്യം മോശമാകുന്നത്. ഇരുവരുടെയും ചികിത്സാ ചെലവുകൾ കുടുംബത്തിന് താങ്ങാനാവുന്നില്ലെന്നും സിനിമാ മേഖലയിലുള്ള ചിലരോട് ചികിത്സയ്ക്ക് സഹായം അഭ്യർത്ഥിച്ചിട്ടുണ്ടെന്നും സഹോദരി ഒരു ദേശീയ മാധ്യമത്തിന് നൽകിയ അഭിമുഖത്തിൽ വ്യക്തമാക്കി.

ഹിറ്റ് സിനിമകളിലെ നായിക

ഹിറ്റ് സിനിമകളിലെ നായിക

നിരവധി സൂപ്പർ ഹിറ്റ് ചിത്രങ്ങളിൽ വേഷമിട്ടിട്ടുള്ള നടിയാണ് വിജയലക്ഷ്മി. 200ൽ കന്നഡ ചിത്രങ്ങളിലൂടെയാണ് വിജയ ലക്ഷ്മി തന്റെ സിനിമാ ജീവിതം ആരംഭിക്കുന്നത്. മലയാളത്തിലെ സൂപ്പർ ചിത്രമായ ഫ്രണ്ട്സിന്റെ തമിഴ് പതിപ്പിൽ ദിവ്യാ ഉണ്ണി ചെയ്ത വേഷം കൈകാര്യം ചെയ്തത് വിജലക്ഷ്മിയാണ്. വിജയ്, സൂര്യ തുടങ്ങി മുൻ നിര താരങ്ങൾ വേഷമിട്ട ചിത്രം വൻ വിജയമായിരുന്നു. ഇതിന് ശേഷം നിരവധി അവസരങ്ങളാണ് വിജയക്ഷ്മിയെ തേടിയെത്തിയത്.

മലയാളത്തിലും വേഷങ്ങൾ

മലയാളത്തിലും വേഷങ്ങൾ

മലയാളത്തിൽ ജയപ്രദ- മോഹൻലാൽ എന്നിവർ പ്രധാന വേഷങ്ങളിലെത്തിയ ദേവദൂതനിൽ ഒരു പ്രധാന വേഷത്തിൽ വിജയലക്ഷ്മിയും എത്തിയിരുന്നു. ഇടയ്ക്ക് സിനിമാ മേഖലയിൽ നിന്നും വിട്ടു നിന്ന വിജലക്ഷ്മി ഇപ്പോൾ നിരവധി ഹിറ്റ് സീരിയലുകളിലും വേഷമിടുന്നുണ്ട്. ഹിപ്പ് ഹോപ്പ് ആദിയുടെ മീസയെ മുറുക്ക് എന്ന ചിത്രത്തിലാണ് വിജയലക്ഷ്മി അവസാനമായി അഭിനയിച്ചത്.

ആത്മഹത്യാ ശ്രമം

ആത്മഹത്യാ ശ്രമം

അസുഖ ബാധിതനായ പിതാവിന്റെ വേർപാടിനെ തുടർന്നുണ്ടായ മനോ വിഷമം മൂലം 2006ൽ വിജയലക്ഷ്മി ആത്മഹത്യയ്ക്ക് ശ്രമിച്ചിരുന്നു. കന്നഡ നടൻ സ്രുജൻ ലോകേഷുമായി വിജയലക്ഷ്മി മൂന്ന് വർഷത്തോളം പ്രണയത്തിലായിരുന്നു. ഇരുവരുടെയും വിവാഹ നിശ്ചയം കഴിഞ്ഞിരുന്നെങ്കിലും ബന്ധം വിവാഹത്തിൽ എത്തിയില്ല.ആരോഗ്യപരമായ കാരണങ്ങളാലാണ് വിജയലക്ഷ്മി സിനിമയിൽ നിന്ന് വിട്ടു നിന്നതെന്ന് സഹോദരി വ്യക്തമാക്കി.

English summary
actress vijayalakshmi admitted in the hospital due to high bp. She is set to be suffering from high blood pressure and is under intensive care in the ICU.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X