പാചകവാതക, സിഎൻജി വിലയിൽ മാറ്റമില്ലെന്ന് അദാനി ഗ്യാസ് ലിമിറ്റഡ്;വാണിജ്യ ഗ്യാസ് വിതരണം വെട്ടിക്കുറച്ചു

ഗാർഹിക ആവശ്യങ്ങൾക്കുള്ള പാചക വാതക വാതകത്തിൻ്റേയും (സിഎൻജി) വാഹനങ്ങൾക്കുള്ള പാചക വാതകത്തിൻ്റേയും വിലകൾ വർധിപ്പിച്ചിട്ടില്ലെന്ന് അദാനി ടോട്ടൽ ഗ്യാസ് ലിമിറ്റഡ്. അതേസമയം പശ്ചിമേഷ്യയിലെ രൂക്ഷമായിക്കൊണ്ടിരിക്കുന്ന പ്രതിസന്ധി മൂലം വിതരണ ശൃംഖലയിലുണ്ടാക്കിയ തടസ്സങ്ങളെ തുടർന്ന് ചില വാണിജ്യ, വ്യാവസായിക ഉപഭോക്താക്കൾക്കുള്ള ഗ്യാസ് വിതരണം കമ്പനി വെട്ടിക്കുറച്ചു.

അദാനി ടോട്ടൽ ഗ്യാസ് ലിമിറ്റഡ് ലിക്വിഫൈഡ് നാച്ചുറൽ ഗ്യാസിൻ്റെ (എൽഎൻജി) 30 ശതമാനമാണ് ഇറക്കുമതി ചെയ്യുന്നത്. ഇവയാണ് പ്രധാനമായും വാണിജ്യ, വ്യാവസായിക ആവശ്യങ്ങൾക്കാണ് ഉപയോഗിക്കുന്നത്. പശ്ചിമേഷ്യയിലെ നിലവിലുള്ള സംഘർഷം ആഗോള ഊർജ്ജ വിതരണത്തെ ബാധിച്ചിട്ടുണ്ട്. ക്രൂഡ് ഓയിലും പാചക വാതകവും ഇറക്കുമതി ചെയ്യുന്നതിനുള്ള പ്രധാന പാതയായ ഹോർമുസ് കടലിടുക്ക് വഴിയുള്ള ചരക്കുനീക്കം തടസപ്പെട്ടതാണ് പ്രതിസന്ധിക്ക് കാരണമായത്. ഈ സാഹചര്യമാണ് വ്യാവസായിക ഉപയോഗത്തിനുള്ള ഇറക്കുമതി ചെയ്ത എൽഎൻജിയുടെ ലഭ്യത കുറച്ചത്.

വിതരണ പരിമിതികൾ കാരണം, വാണിജ്യ, വ്യാവസായിക ഉപഭോക്താക്കളോട് കരാർ ചെയ്തതിൻ്റെ 40% ആയി വാതക ഉപഭോഗം പരിമിതപ്പെടുത്താൻ എടിജിഎൽ നിർദ്ദേശിച്ചു. ഈ പരിധിക്കുള്ളിലെ ഉപഭോഗത്തിന് നിലവിലെ കരാർ നിരക്കുകൾ പ്രകാരം തന്നെ ബിൽ നൽകും. ആവശ്യമെങ്കിൽ മറ്റ് ഇന്ധന സ്രോതസ്സുകളിലേക്ക് മാറാൻ വ്യവസായങ്ങൾക്ക് ഇത് അവസരം ഒരുക്കും. നിലവിൽ ഒരു സ്റ്റാൻഡേർഡ് ക്യുബിക് മീറ്ററിന് (scm) ഏകദേശം 40 രൂപയാണ് ശരാശരി കരാർ വില.

40% പരിധി കടന്ന് വാതകം ഉപയോഗിച്ചാൽ അധിക അളവിന് സ്പോട്ട് മാർക്കറ്റ് നിരക്കുകൾ ഈടാക്കും. അതേസമയംവിതരണ തടസ്സങ്ങൾ സ്പോട്ട് വില ഗണ്യമായി വർധിപ്പിച്ചിട്ടുമ്ട്. സാധാരണ 10 യുഎസ് ഡോളറായിരുന്ന mmBtu നിരക്ക് ഇപ്പോൾ 24-25 യുഎസ് ഡോളറായി ഉയർന്നു. പരിധി ലംഘിച്ച് ഉപയോഗിക്കുന്ന വ്യാവസായിക-വാണിജ്യ ഉപയോക്താക്കൾക്ക് അധികമുള്ള ഓരോ scm-നും 119 രൂപയാണ് എടിജിഎൽ ഈടാക്കുക. മുൻഗണനാ വിഭാഗങ്ങൾക്ക് തടസ്സമില്ലാത്ത വിതരണം ഉറപ്പാക്കാനും ഉപഭോക്തൃ താൽപ്പര്യങ്ങൾ സംരക്ഷിക്കാനും എല്ലാ ശ്രമങ്ങളും നടത്തുന്നുണ്ടെന്ന് കമ്പനി വ്യക്തമാക്കി.

English summary

Officials note Adani Total Gas relies on 70 percent domestic gas, primarily for CNG and home supply, with prices kept steady for vehicle and residential customers despite supply challenges.