വിശാഖപട്ടണത്ത് 1 ജിഗാവാട്ട് എഐ-റെഡി ഡാറ്റാ സെന്റർ പ്ലാറ്റ്ഫോം നിർമ്മിക്കാൻ അദാനി കണക്സ്
ആന്ധ്രാപ്രദേശിലെ വിശാഖപട്ടണത്ത് 1 ജിഗാ വാട്ട് ശേഷിയുള്ള എഐ-സജ്ജമായ ഡാറ്റാ സെന്റർ പ്ലാറ്റ്ഫോം വികസിപ്പിക്കുമെന്ന് പ്രഖ്യാപിച്ച് അദാനി കണക്സ്. ഇന്ത്യയുടെ ഡിജിറ്റൽ അടിസ്ഥാന സൗകര്യ മേഖലയിലെ ഒരു സുപ്രധാന ചുവടുവെപ്പായിരിക്കും ഇത്. രാജ്യത്തിന്റെ വർദ്ധിച്ചുവരുന്ന നിർമ്മിത ബുദ്ധി, ക്ലൗഡ് കമ്പ്യൂട്ടിങ്, അടുത്ത തലമുറ ഡിജിറ്റൽ സേവനങ്ങൾ എന്നിവയ്ക്കുള്ള ആവശ്യം നിറവേറ്റുന്നതിൽ ഈ പദ്ധതി നിർണായക പങ്ക് വഹിക്കും.
അദാനി ഗ്രൂപ്പ് ഏകദേശം 10 ബില്യൺ ഡോളറിന്റെ നിക്ഷേപമാണ് ഈ പദ്ധതിക്കായി നടത്തുന്നത്. ഇന്ത്യയുടെ ഭാവി സമ്പദ്വ്യവസ്ഥയെ ശക്തിപ്പെടുത്തുന്ന ലോകോത്തര നിലവാരമുള്ള അടിസ്ഥാന സൗകര്യങ്ങൾ കെട്ടിപ്പടുക്കുന്നതിൽ ഈ ബഹുരാഷ്ട്ര കമ്പനിക്കുള്ള ദീർഘകാല പ്രതിബദ്ധതയാണ് ഈ നീക്കം വ്യക്തമാക്കുന്നത്. വിവിധ മേഖലകളിൽ ഡിജിറ്റൽ സ്വീകാര്യത വർധിക്കുന്ന സാഹചര്യത്തിൽ, ഉയർന്ന ശേഷിയുള്ള ഡാറ്റാ സെന്റർ സംവിധാനങ്ങളുടെ ആവശ്യകത മുമ്പെന്നത്തേക്കാളും നിർണായകമായി മാറിയിരിക്കുകയാണ്.
ഇന്ത്യയുടെ ഡാറ്റാ സെന്റർ വളർച്ചാ മേഖലയ്ക്ക് കരുത്ത് പകരാനായി രൂപീകരിച്ച അദാനി കണക്സ് ആയിരിക്കും ഈ പദ്ധതിയുടെ പ്രധാന അടിസ്ഥാന സൗകര്യ പങ്കാളി. ഹൈപ്പർസ്കെയിലേർസ്, ആഗോള സാങ്കേതിക സ്ഥാപനങ്ങൾ, സംരംഭങ്ങൾ, എഐ-അധിഷ്ഠിത ബിസിനസ്സുകൾ എന്നിവക്കാവശ്യമായ ഉയർന്ന സാന്ദ്രതയുള്ള കമ്പ്യൂട്ടിങ് വർക്ക്ലോഡുകൾ കൈകാര്യം ചെയ്യാൻ കഴിവുള്ള, അതിവേഗം വികസിപ്പിക്കാവുന്ന എഐ-സജ്ജമായ സൗകര്യങ്ങളാണ് കമ്പനി ഒരുക്കുക.
ഈ വിശാഖപട്ടണം പ്ലാറ്റ്ഫോമിന്റെ പ്രധാന സവിശേഷതകളിലൊന്ന് അതിന്റെ സംയോജിത ഊർജ്ജ സംവിധാനമാണ്. അദാനി ഗ്രൂപ്പിന്റെ വൈദ്യുതി ഉത്പാദനം, പുനരുപയോഗ ഊർജ്ജം, പ്രസരണം, യൂട്ടിലിറ്റി അടിസ്ഥാന സൗകര്യങ്ങൾ എന്നിവയിലുള്ള കഴിവുകൾ ഇവിടെ പ്രയോജനപ്പെടുത്തും. തടസ്സമില്ലാത്തതും വിശ്വസനീയവും സുസ്ഥിരവുമായ വൈദ്യുതി ഉറപ്പാക്കാൻ ലക്ഷ്യമിട്ടുകൊണ്ടുള്ളതാണ് പദ്ധതി.
എഐ വർക്ക്ലോഡുകളും ക്ലൗഡ് വിപുലീകരണവും ആഗോളതലത്തിൽ ഡാറ്റാ സെന്റർ ശേഷിക്കുള്ള ആവശ്യം അഭൂതപൂർവമായി വർദ്ധിപ്പിക്കുന്നുവെന്ന് വ്യവസായ വിദഗ്ധർ പറയുന്നു. ഇന്ത്യ അതിവേഗം വളരുന്ന ഡിജിറ്റൽ സമ്പദ്വ്യവസ്ഥകളിലൊന്നായി മാറുന്ന സാഹചര്യത്തിൽ, ഇത്രയും വലിയ നിക്ഷേപങ്ങൾ രാജ്യത്തെ ആഗോള ഡാറ്റാ അടിസ്ഥാന സൗകര്യ വികസനത്തിനുള്ള ഇഷ്ടപ്പെട്ട ലക്ഷ്യസ്ഥാനമാക്കി മാറ്റുമെന്നും പ്രതീക്ഷിക്കപ്പെടുന്നുണ്ട്.
ഘട്ടങ്ങളായാണ് ഈ പദ്ധതിയുടെ നടപ്പാക്കൽ പൂർത്തിയാക്കുക. ഹൈപ്പർസ്കെയിൽ ഉപഭോക്താക്കളുടെയും എന്റർപ്രൈസ് ക്ലയന്റുകളുടെയും ആവശ്യകതകൾക്കനുസരിച്ചായിരിക്കും ഇത്. ഈ ഘട്ടംഘട്ടമായുള്ള സമീപനം, വിപണി ആവശ്യകതകൾക്കനുസരിച്ച് വികസിപ്പിക്കാൻ കഴിയുന്ന ഭാവിക്കായി സജ്ജമായ ഒരു ആവാസവ്യവസ്ഥ സൃഷ്ടിക്കാൻ സഹായിക്കും. പ്രവർത്തനക്ഷമതയും ദീർഘകാല സുസ്ഥിരതയും നിലനിർത്താനും ഇത് ഉതകും.
അടിസ്ഥാന സൗകര്യപരമായ പ്രാധാന്യത്തിനപ്പുറം ഈ പദ്ധതി ആന്ധ്രാപ്രദേശിന് ഗണ്യമായ സാമ്പത്തിക നേട്ടങ്ങൾ നൽകുമെന്നും പ്രതീക്ഷിക്കുന്നുണ്ട്. കൂടുതൽ ആഭ്യന്തരവും അന്താരാഷ്ട്രവുമായ നിക്ഷേപങ്ങളെ ഇത് ആകർഷിക്കും. നിർമ്മാണം, എഞ്ചിനീയറിങ്, സാങ്കേതികവിദ്യ, സഹായ സേവനങ്ങൾ തുടങ്ങി വിവിധ മേഖലകളിൽ തൊഴിലവസരങ്ങൾ സൃഷ്ടിക്കുകയും പ്രദേശത്ത് ഒരു നവീകരണ ആവാസവ്യവസ്ഥ വികസിപ്പിക്കാൻ സഹായിക്കുകയും ചെയ്യും.
ഒരു വ്യാവസായിക, ലോജിസ്റ്റിക്സ് കേന്ദ്രമായി വളർന്നു വരുന്ന വിശാഖപട്ടണം, ഈ നിക്ഷേപത്തിലൂടെ ഒരു തന്ത്രപരമായ ഡിജിറ്റൽ കവാടമായി കൂടുതൽ പ്രാധാന്യം നേടും. നഗരത്തിന്റെ തീരദേശ സ്ഥാനം, മികച്ച കണക്റ്റിവിറ്റി, വളരുന്ന വ്യാവസായിക അടിത്തറ എന്നിവ വൻതോതിലുള്ള സാങ്കേതിക അടിസ്ഥാന സൗകര്യങ്ങൾക്ക് ആകർഷകമായ ഒരു ലക്ഷ്യസ്ഥാനമാക്കി ഇതിനെ മാറ്റും.
അടുത്ത ദശകത്തിൽ ഇന്ത്യയുടെ എഐ, ഊർജ്ജം, ഡിജിറ്റൽ അടിസ്ഥാന സൗകര്യങ്ങളുടെ നട്ടെല്ല് കെട്ടിപ്പടുക്കുന്നതിനായി 100 ബില്യൺ ഡോളർ നിക്ഷേപിക്കാനുള്ള അദാനി ഗ്രൂപ്പിന്റെ വലിയ പ്രതിബദ്ധതയുടെ ഭാഗം കൂടിയാണ് ഈ സംരംഭം. ഈ നീക്കത്തിലൂടെ, സാങ്കേതികവിദ്യ, നവീകരണം, സുസ്ഥിര വളർച്ച എന്നിവയിൽ ആഗോള നേതാവാകാനുള്ള ഇന്ത്യയുടെ അഭിലാഷങ്ങളെ ഗ്രൂപ്പിൻ്റെ ശ്രമങ്ങൾ കൂടുതൽ ശക്തിപ്പെടുത്തും.
Click it and Unblock the Notifications
Sign in with Google