യോഗി നിയമസഭാ ഉപതിരഞ്ഞെടുപ്പില് മത്സരിക്കില്ല, പകരം എംഎൽസിയാകും
ആദിത്യനാഥിനു പുറമെ ഉപ മുഖ്യമന്ത്രിമാരായ കേശവ് പ്രസാദ് മൗര്യ, ദിനേശ് ശര്മ, മന്ത്രി സ്വതന്ത്രദേവ് സിങ് എന്നിവരും ഇതേവഴിയാണ് പിന്തുടരുന്നത്.
ലഖ്നൗ: ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് നിയമസഭാ ഉപതിരഞ്ഞെടുപ്പില് മത്സരിക്കില്ല. പകരം ഉത്തര്പ്രദേശ് നിയമനിര്മാണ കൗണ്സിലിലേക്കാണ് യോഗി മത്സരിക്കുക. ആദിത്യനാഥിനു പുറമെ ഉപ മുഖ്യമന്ത്രിമാരായ കേശവ് പ്രസാദ് മൗര്യ, ദിനേശ് ശര്മ, മന്ത്രി സ്വതന്ത്രദേവ് സിങ് എന്നിവരും നിയമസഭാ തിരഞ്ഞെടുപ്പിൽ മത്സരിക്കില്ല. വരാന് പോകുന്ന എംഎല്സി തിരഞ്ഞെടുപ്പില് ഇവരുടെ പേരുള്ള പട്ടിക ബിജെപി പുറത്തിറക്കി.
നിലവില് എംപിയായ യോഗി ആദിത്യനാഥിന് മുഖ്യമന്ത്രിയായി തുടരാന് നിയമസഭയിലേക്ക് തിരഞ്ഞെടുക്കുകയോ നിയമസഭ കൗണ്സിലേക്ക് നാമനിര്ദേശം ചെയ്യപ്പെട്ട് വിജയിക്കുകയോ വേണം. എംഎല്എ ആകാത്തവര് അധികാരത്തിലെത്തി 6 മാസത്തിനകം തിരഞ്ഞെടുപ്പ് നേരിടണമെന്നാണ് ചട്ടം. ഈ സാഹചര്യത്തിലാണ് ബിജെപി എളുപ്പ വഴി സ്വീകരിച്ചത്. ആദിത്യനാഥിനു പുറമെ ഉപ മുഖ്യമന്ത്രിമാരായ കേശവ് പ്രസാദ് മൗര്യ, ദിനേശ് ശര്മ, മന്ത്രി സ്വതന്ത്രദേവ് സിങ് എന്നിവരും ഇതേവഴിയാണ് പിന്തുടരുന്നത്. വരാന് പോകുന്ന എംഎല്സി തിരഞ്ഞെടുപ്പില് ഇവരുടെ പേരുള്ള പട്ടിക ബിജെപി പുറത്തിറക്കി.
Click it and Unblock the Notifications
Sign in with Google