കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചിഫ് ജസ്റ്റിസ് ദീപക് മിശ്രയ്ക്കെതിരെ വാളെടുത്ത അഭിഭാഷകര്‍ക്കെതിര ബാര്‍ കൗണ്‍സില്‍

  • By Desk
Google Oneindia Malayalam News

സുപ്രീം കോടതി ചീഫ് ജസ്റ്റിസ് ദീപക് മിശ്രയെ ഇംപീച്ച് ചെയ്യാനുള്ള പ്രതിപക്ഷ പാര്‍ട്ടികളുടെ പ്രമേയത്തില്‍ ഒപ്പിട്ടാല്‍ ഇനി മുതല്‍ സുപ്രീം കോടതിയില്‍ പ്രാക്റ്റീസ് ചെയ്യേണ്ടി വരില്ലെന്ന് എംപിമാരായ അഭിഭാഷകര്‍ക്ക് ബാര്‍ കൗണ്‍സിലിന്‍റെ ഭീഷണി. ബാര്‍ കൗണ്‍സിലിന്‍റെ ജനറല്‍ ബോഡി യോഗത്തിലാണ് ഇത് സംബന്ധിച്ച തിരുമാനം കൈക്കൊണ്ടത്. അഭിഭാഷകരും എംപിമാരുമായ കബില്‍ സിബല്‍, മനു അഭിഷേക് സിങ്വി, വിവേക് തന്‍ഖ എന്നിവരാണ് ഇംപീച്ച്മെന്‍റ് പ്രമേയത്തില്‍ ഒപ്പിട്ട എംപിമാരായ അഭിഭാഷകര്‍.

kapil

ഒപ്പിട്ട നടപടിയുമായി മുന്നോട്ട് പോയാല്‍ അവരുടെ പ്രാക്ടീസിങ്ങ് ലൈസന്‍സ് റദ്ദാക്കുമെന്ന് യോഗത്തില്‍ വ്യക്തമാക്കി. ഇത് സംബന്ധിച്ച് എംപിമാര്‍ക്ക് നിര്‍ദ്ദേശം നല്‍കുമെന്നും കൗണ്‍സില്‍ അറിയിച്ചു.

50 എംപിമാരുടെ കൈയ്യൊപ്പോടെ രാജ്യസഭയില്‍ ഇംപീച്ച്മെന്‍റ് നോട്ടീസ് നല്‍കാനാണ് പ്രതിപക്ഷ പാര്‍ട്ടികളുടെ തിരുമാനം. തിങ്കളാഴ്ച പ്രമേയം രാജ്യസഭയില്‍ അവതരിപ്പിച്ചേക്കും. നേരത്തേ സിപിഎം നീക്കത്തെ പിന്തുണയ്ക്കാന്‍ കോണ്‍ഗ്രസ് ഉള്‍പ്പെടെയുള്ള പാര്‍ട്ടികള്‍ തയ്യാറായിരുന്നില്ല. എന്നാല്‍ നിലവില്‍ കോണ്‍ഗ്രസ്, എന്‍സിപി, തൃണമൂല്‍ കോണ്‍ഗ്രസ് എന്നീ പാര്‍ട്ടികള്‍ പിന്തുണ നല്‍കിയാതായാണ് വിവരം.

വിവിധ വിഷയങ്ങളില്‍ സുപ്രീം കോടതി ചീഫ് ജസ്റ്റിസിന്റെ തീരുമാനങ്ങളോട് വിയോജിപ്പ് പ്രകടിപ്പിച്ച് 4 ജഡ്ജിമാര്‍ വാര്‍ത്താ സമ്മേളനം നടത്തിയതോടെയാണ് ജുഡീഷ്യറിയിലെ പൊട്ടിത്തെറി പുറംലോകം അറിഞ്ഞത്. ജസ്റ്റിസ് ലോയയുടെ ദുരൂഹ മരണം ഉള്‍പ്പെടെയുള്ള കേസുകളില്‍ ദീപക് മിശ്ര ശക്തമായ നടപടികള്‍ കൈക്കൊള്ളുന്നില്ലെന്ന് ആരോപിച്ചായിരുന്നു ജഡ്ജിമാര്‍ വാര്‍ത്താസമ്മേളമനം നടത്തിയത്.

English summary
advocates-signed-in-impeachment-notice-will-not-practice-in-supreme-court-says-bar-council-of-india-
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X