ഹിന്ദു പെണ്‍കുട്ടികളോട് വിവാഹ ശേഷം ഇസ്ലാമിലേക്ക് മാറരുതെന്ന് നിര്‍ദ്ദേശം

ദില്ലി: മുസ്ലീം യുവാവുമായി വിവാഹിതരാകുന്ന പെണ്‍കുട്ടികള്‍ വിവാഹ ശേഷം ഇസ്ലാം മതത്തിലേക്ക് മാറരുതെന്ന് ബജ്രംഗ്ദള്‍. യഥാര്‍ഥ സ്‌നേഹമാണെങ്കില്‍ വിവാഹത്തിന് ശേഷം മതം മാറേണ്ട കാര്യമില്ലെന്ന് ബജ്രംഗ്ദള്‍ നേതാവ് ബല്‍റാജ് ദുഗര്‍ പറഞ്ഞു.

മതം മാറുന്നത് തങ്ങള്‍ നിരോധിക്കാന്‍ ആവശ്യപ്പെടും. ഇതുപോലെ ലൗജിഹാദിന് തങ്ങള്‍ അന്ത്യം കുറിക്കുമെന്നും ഇവര്‍ പറഞ്ഞു.മുസ്ലീം യുവാവുമായി വിവാഹിതനായ ശേഷം എന്തുകൊണ്ടാണ് പെണ്‍കുട്ടികള്‍ മതം മാറണമെന്ന് വാശിപിടിക്കുന്നത് . ഇത് നിര്‍ത്തലാക്കാന്‍ തങ്ങള്‍ പ്രസിഡണ്ടിനെ സമീപിക്കുമെന്ന് ദുഗര്‍ വ്യക്തമാക്കി.

22 കാരിയായ ഹിന്ദു പെണ്‍കുട്ടി മുഹമ്മദ് ആസിഫ് എന്നയാളോടപ്പം ഒളിച്ചോടിയതിനെ തുടര്‍ന്ന് വിളിച്ചു ചേര്‍ത്ത മഹാപഞ്ചായത്തില്‍ സംസാരിക്കുകയായിരുന്നു അദ്ദേഹം. ഷാമിലി ജില്ലയിലെ കാന്താലയില്‍ ചേര്‍ന്ന യോഗത്തില്‍ ബിജെപി വിഎച്ചപി നേതാക്കളും പങ്കെടുത്തിരുന്നു.

ഒളിച്ചോടിയ ഇരുവരെയും ദില്ലി വസന്ത് വീഹാര്‍ പ്രദേശത്ത് വച്ച് കണ്ടെത്തിയിരുന്നു. എന്നാല്‍ ഇത് ലൗജിഹാദ് എന്നാണ് ബജ്രംഗദളും വി എച്ച് പിയുടെയും വാദം.

English summary

After the marriage of Hindu girls not convert to Islam