പ്രായം വെറും 19; കമ്പനിയുടെ മൂല്യം 900 മില്യണ് ഡോളര്, ഇന്ത്യയിലെ ഏറ്റവും പ്രായം കുറഞ്ഞ കോടീശ്വരന്മാര്
മുംബൈ: ഐ ഐ എഫ് എല് വെല്ത്ത് ഹുറുണ് ഇന്ത്യ റിച്ച് ലിസ്റ്റ് 2022 പ്രകാരം ഇന്ത്യയിലെ ഏറ്റവും പ്രായം കുറഞ്ഞ സമ്പന്നനായ വ്യക്തിയായി സെപ്റ്റോ സഹസ്ഥാപകയായ കൈവല്യ വോറയെയും അദ്ദേഹത്തിന്റെ പങ്കാളി ആദിത് പാലിച്ചയെയും തിരഞ്ഞെടുത്തു.
2021ല് ആണ് രണ്ട് പേരും സ്റ്റാന്റ് ഫോര്ഡ് യൂണിവേഴ്സിറ്റിയില് നിന്നും പഠിച്ചിറങ്ങിയത്. 19 വയസ്സ് മാത്രം പ്രായമുള്ള അവരുടെ ഗ്രോസറി ഓണ്ലൈന് പ്ലാറ്റ്ഫോമായ സെപ്റ്റോ ഇപ്പോള് 900 മില്യണ് ഡോളര് മൂല്യമുള്ള വലിയ ഒരു കമ്പനിയാണ്.
പട്ടികയില് 90കളില് ജനിച്ച 13 പേര് ഇടം നേടിയിട്ടുണ്ട്. ബെംഗളൂരു ആസ്ഥാനമായുള്ള ഡെലിവറി ആപ്പായ സെപ്റ്റോയുടെ സഹസ്ഥാപകന് കൈവല്യ വോഹ്റയാണ് പട്ടികയില് ഒന്നാമത്. ഏകദേശം 1000 കോടി രൂപയാണ് വോറയുടെ ആസ്തി. സമ്പന്നരുടെ പട്ടികയില് 1,036-ാം സ്ഥാനത്താണ് അദ്ദേഹം.
അതേസമയം, 1200 കോടി രൂപയുടെ ആസ്തിയുമായി ആദിത് പാലിച്ച സമ്പന്നരുടെ പട്ടികയില് 950-ാം സ്ഥാനത്താണ്. ആഗോള നിക്ഷേപകരില് നിന്ന് 200 ദശലക്ഷം ഡോളര് ഫണ്ട് സമാഹരണത്തിന് ശേഷം 900 ദശലക്ഷം ഡോളര് മൂല്യമുള്ള ഇന്ത്യയിലെ അതിവേഗം വളരുന്ന ഇ-ഗ്രോസറി കമ്പനിയാണ് സെപ്റ്റോ.
1000-ത്തിലധികം ജീവനക്കാര് ഉള്പ്പടെ രാജ്യത്തെ 10 പ്രധാന നഗരങ്ങളില് സെപ്റ്റോ ഉണ്ട്, പഴങ്ങളും പച്ചക്കറികളും, ദൈനംദിന പാചക അവശ്യവസ്തുക്കള്, പാലുല്പ്പന്നങ്ങള്, ആരോഗ്യ-ശുചിത്വ ഉല്പ്പന്നങ്ങള് എന്നിവയുള്പ്പെടെ 3000-ലധികം ഉല്പ്പന്നങ്ങള് വിതരണം ചെയ്യുന്നു. നിമിഷങ്ങള്ക്കുള്ളില് സാധനങ്ങള് വീട്ടിലെത്തുമെന്നാണ് ഇവരുടെ പ്രത്യേകത.
ശക്തമായ സാങ്കേതിക കഴിവുകള്, കാര്യക്ഷമമായ ബിസിനസ്സ് മോഡല്, ഒപ്റ്റിമൈസ് ചെയ്ത ഡെലിവറി സെന്ററുകളുടെ ശൃംഖല എന്നിവയിലൂടെ, കമ്പനി നിലവില് 600 ബില്യണ് ഡോളര് മൂല്യമുള്ള ഇന്ത്യന് ഗ്രോസറി വിഭാഗത്തില് വിപ്ലവം സൃഷ്ടിക്കുകയാണ്. പലചരക്ക് സാധനങ്ങള്ക്കപ്പുറം, സെപ്റ്റോ ഒരു കഫേയും അവതരിപ്പിച്ചു, ഇത് ഉപഭോക്താക്കളെ അവരുടെ പലചരക്ക് സാധനങ്ങള്ക്കൊപ്പം കോഫി, ചായ, മറ്റ് കഫേ ഇനങ്ങള് എന്നിവ ഓര്ഡര് ചെയ്യാനും സാധിപ്പിക്കുന്നു.
ഹുറൂണിന്റെ നടപ്പുവര്ഷത്തെ പട്ടികയില്, സ്ട്രീമിംഗ് ഡാറ്റാ ടെക്നോളജി കമ്പനിയായ കണ്ഫ്ളുവന്റിന്റെ സഹസ്ഥാപകയായ 37 വയസ്സുള്ള നേഹ നര്ഖഡെ ഇന്ത്യയിലെ ഏറ്റവും പ്രായം കുറഞ്ഞ വനിതാ സംരംഭകയാണ്. ഈ വര്ഷം, ഹുറുണ് ഇന്ത്യ 1,103 വ്യക്തികളെ കണ്ടെത്തി, 1,000 കോടി രൂപയുടെ സമ്പത്തുമായി 96 പേരാണ് പുതിയതായി പട്ടികയില് എത്തിയത്. കഴിഞ്ഞ അഞ്ച് വര്ഷത്തിനിടെ 62% വര്ധനയുണ്ടായി.
image credit: Linkedin
Click it and Unblock the Notifications
Sign in with Google