എഐഎഡിഎംകെയിലെ ഇരുപക്ഷങ്ങളുടെയും ലയനം; നേട്ടം ആര്‍ക്കായിരിക്കും?

By Akshay

Updated: Friday, August 18, 2017, 22:29 [IST]

ചെന്നൈ: എഐഎഡിഎംകെയിലെ പനീര്‍ശെല്‍വം - പളനിസ്വാമി പക്ഷങ്ങള്‍ തമ്മിലുള്ള ലയനം സംബന്ധിച്ച പ്രഖ്യാപനം ഉടന്‍ ഉണ്ടാകുമെന്ന അഭ്യൂഹങ്ങൾക്കിടയിൽ പനീർ ശെൽവം പക്ഷത്തിന്റെ യോഗം അവസാനിച്ചു. പനീർ ശെൽവത്തിന്റെ വീട്ടിൽ നടന്ന മുതിർന്ന നേതാക്കളുടെ യോഗമാണ് അവസാനിച്ചത്. നത്തം വിശ്വനാഥനും കെപി മുനിസ്വാമി യുമടക്കമുള്ള മുതിർന്ന നേതാക്കൾ എഐഎഡിഎംകെയിലെ ഇരുപക്ഷങ്ങളുടെയും ലയനത്തെശക്തമായി എതിർത്തെന്നാണ് പുറത്ത് വരുന്ന റിപ്പോർട്ട്.

ജയലളിതയുടെ മരണത്തെക്കുറിച്ച് കഴിഞ്ഞ ദിവസം അന്വേഷണം പ്രഖ്യാപിച്ചതോടെ ലയനത്തിന് ഉണ്ടായിരുന്ന പ്രധാന തടസം നീങ്ങിയെന്നാണ് വിലയിരുത്തപ്പെടുന്നത്. ഇതിന് പിന്നാലെ ലയനം സംബന്ധിച്ച ചര്‍ച്ചകള്‍ ചൂടുപിടിക്കുകയായിരുന്നു. ലയനത്തോടെ തദ്ദേശഭരണ തിരഞ്ഞെടുപ്പിന് മുമ്പായി പാര്‍ട്ടി ചിഹ്നം അടക്കമുള്ള വിഷയങ്ങളില്‍ ഒരുവിഭാഗങ്ങളും തമ്മില്‍ നിലനില്‍ക്കുന്ന തര്‍ക്കങ്ങള്‍ അവസാനിച്ചേക്കുമെന്നാണ് സൂചന.

Panneerselvam and Edappadi K Palaniswami

പനീർശെൽവവും പളനിസ്വാമിയും ദിവസങ്ങൾക്ക് മുമ്പ് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയിരുന്നു, ലയന വിഷയങ്ങൾ, എൻഡിഎ പ്രവേശനം തുടങ്ങിയ വിഷയങ്ങളാണ് പ്രധാനമന്ത്രിയും എഐഎഡിഎംകെ നേതാക്കളും ചർച്ച ചെയ്തതെന്നാണ് വിവരം. ശശികലയ്ക്കെതിരെ തിരഞ്ഞെടുപ്പ് കമ്മീഷനെ സമീപിച്ചിരുന്ന പനീർശെൽവം പക്ഷത്തിന്റെ നീക്കത്തിനെതിരെ പളനിസ്വാമി പക്ഷം രംഗത്ത് വന്നിട്ടില്ല എന്നതും ശ്രദ്ധേയമായിരുന്നു.