കൊച്ചിയിലേക്ക് പുറപ്പെട്ട എയര് ഇന്ത്യാ എക്സ്പ്രസിന് തീ പിടിച്ചു; യാത്രക്കാര്ക്ക് പരിക്ക്
തിരുവനന്തപുരം: എയര് ഇന്ത്യാ എക്സ്പ്രസിന് തീ പിടിച്ച് യാത്രക്കാര്ക്ക് പരിക്ക്. ബെംഗളൂരുവില് നിന്നും കൊച്ചിയിലേക്ക് പുറപ്പെട്ട എയര് ഇന്ത്യാ എക്സ്പ്രസിനാണ് തീ പിടിച്ചത്. റണ്വേയില് നിന്ന് ടേക്ക് ഓഫ് ചെയ്ത ഉടനെ വിമാനത്തിന് തീ പിടിക്കുകയായിരുന്നു. ഇതോടെ വിമാനം അടിയന്തര ലാന്ഡിംഗ് നടത്തി. ബെംഗളൂരു എയര്പോര്ട്ടിലാണ് സംഭവം.
വലതുവശത്തെ ചിറകിനടുത്തെ എഞ്ചിന് തീപിടിക്കുകയായിരുന്നു. ഇതിന്റെ ദൃശ്യം യാത്രക്കാരിലൊരാള് പകര്ത്തിയിട്ടുണ്ട്. തീ കണ്ട് യാത്രക്കാര് ബഹളം വെച്ചതോടെയാണ് എമര്ജന്സി ലാന്ഡിംഗ് നടത്തിയത് എന്നാണ് അറിയാന് കഴിയുന്നത്. അതേസമയം ചില യാത്രക്കാര്ക്ക് പരിക്കേറ്റതായാണ് വിവരം. തലനാരിഴക്ക് വന് ദുരന്തമാണ് ഒഴിവായത്.
എങ്ങനെയാണ് തീപിടിച്ചത് എന്ന് വ്യക്തമല്ല. പതിനൊന്ന് മണിക്കാണ് ബോര്ഡിംഗ് കഴിഞ്ഞ് വിമാനം ടേക്ക് ഓഫ് ചെയ്തത് എന്ന് യാത്രക്കാരനായ അഡ്വ രാജസിംഹന് റിപ്പോര്ട്ടര് ടിവിയോട് പറഞ്ഞു. തീ പടരുന്നത് കണ്ടയുടനെ പിറക് വശത്ത് നിന്ന് ശബ്ദവും കേട്ടിരുന്നു എന്ന് രാജസിംഹന് പറഞ്ഞു. 'പത്ത് മിനിറ്റ് കൊണ്ട് തന്നെ എമര്ജന്സി ലാന്ഡിംഗ് നടത്തി. എയര്പോര്ട്ടിലെ റണ്വേയുടെ ചേര്ന്നുള്ള സ്ഥലത്താണ് ലാന്ഡിംഗ് നടത്തിയത്.
ലാന്ഡിംഗ് നടത്തിയപ്പോള് തന്നെ തീ അത്യാവശ്യം പിടിച്ച് തുടങ്ങിയിട്ടുണ്ടായിരുന്നു. പെട്ടെന്ന് തന്നെ എമര്ജന്സി ഡോര് തുറന്ന് എല്ലാവരോടും ചാടാന് പറയുകയായിരുന്നു. ഇക്കാരണം കൊണ്ട് യാത്രക്കാരില് ചിലര്ക്ക് പരിക്കേറ്റിട്ടുണ്ട്. അവരെയെല്ലാം ആംബുലന്സില് ആശുപത്രിയിലേക്ക് കൊണ്ടുപോയി. ഞങ്ങളെ എല്ലാം എയര്പോര്ട്ടിനുള്ളിലെ ഒരു സ്ഥലത്തേക്ക് മാറ്റിയിരിക്കുകയാണ്. 9.45 ന് പോകേണ്ട വിമാനമാണിത്. 11 മണിക്കാണ് പുറപ്പെട്ടത്,' അദ്ദേഹം പറഞ്ഞു.
അതേസമയം ശനിയാഴ്ച 137 യാത്രക്കാരുമായി ബെംഗളൂരുവിലേക്ക് പുറപ്പെട്ട എയര് ഇന്ത്യ എക്സ്പ്രസ് വിമാനം സാങ്കേതിക തകരാറിനെ തുടര്ന്ന് തമിഴ്നാട്ടിലെ തിരുച്ചിറപ്പള്ളിയില് അടിയന്തര ലാന്ഡിംഗ് നടത്തിയിരുന്നുതായി വാര്ത്താ ഏജന്സിയായ പിടിഐ റിപ്പോര്ട്ട് ചെയ്തിരുന്നു. യാത്രക്കാരെയെല്ലാം സുരക്ഷിതമായി വിമാനത്തില് നിന്ന് ഇറക്കുകയും ചെയ്തിരുന്നു.
വെള്ളിയാഴ്ച 175 യാത്രക്കാരുമായി എയര് ഇന്ത്യ വിമാനം എയര് കണ്ടീഷനിംഗ് യൂണിറ്റില് തീപിടിത്തം ഉണ്ടായതിനെത്തുടര്ന്ന് ആശങ്കയിലാഴ്ത്തിയിരുന്നു. സംഭവത്തെ തുടര്ന്ന് ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തില് അടിയന്തരാവസ്ഥ ഉടലെടുത്തു. എന്നാല് ഡല്ഹിയില് നിന്ന് ബാംഗ്ലൂരിലേക്കുള്ള വിമാനം വൈകിട്ട് 6.38ന് സുരക്ഷിതമായി ലാന്ഡ് ചെയ്തു.
വ്യാഴാഴ്ച ഡല്ഹിയിലേക്കുള്ള എയര് ഇന്ത്യ വിമാനം ടേക്ക് ഓഫ് ചെയ്യുന്നത് നിര്ത്തേണ്ടിവന്നിരുന്നു, പൂനെ വിമാനത്താവളത്തില് നിന്ന് പുറപ്പെടുന്നതിന് ടാക്സി ചെയ്യുന്നതിനിടെ ലഗേജ് ട്രാക്ടര്-ട്രോളിയില് ഇടിച്ചതിനെ തുടര്ന്നായിരുന്നു ഇത്.
-
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ
Click it and Unblock the Notifications
Sign in with Google