എണ്ണക്കമ്പനികളുമായുള്ള പ്രശ്നങ്ങള് എത്രയും വേഗം പരിഹരിക്കുമെന്ന് എയര് ഇന്ത്യ
ദില്ലി: വ്യോമയാന ഇന്ധന പേയ്മെന്റുകള് സംബന്ധിച്ച് എണ്ണവിതരണ കമ്പനികളുമായുള്ള പ്രശ്നങ്ങള് എത്രയും വേഗം പരിഹരിക്കുമെന്ന് എയര് ഇന്ത്യ അറിയിച്ചു. ഒക്ടോബര് 18 മുതല് ആറ് പ്രധാന വിമാനത്താവളങ്ങളിലേക്കുള്ള ഇന്ധന വിതരണം അവസാനിപ്പിക്കുമെന്ന് എണ്ണവിതരണ കമ്പനികള് (പൊതുമേഖലാ യൂണിറ്റുകള്) മുന്നറിയിപ്പ് നല്കിയതിന് തൊട്ടുപിന്നാലെയാണ് എയര് ഇന്ത്യയുടെ പ്രസ്താവന. വിമാന യാത്ര തടസ്സമുണ്ടാകില്ലെന്ന് ഉറപ്പുവരുത്താന് നടപടികള് സ്വീകരിച്ചിരിക്കുന്നതിനാല് യാത്രക്കാര് ആശങ്കപ്പെടേണ്ടതില്ലെന്നും എയര് ഇന്ത്യ വക്താവ് പറഞ്ഞു. എണ്ണക്കമ്പനികളുമായുള്ള പ്രശ്നങ്ങള് പരിഹരിച്ചു കൊണ്ടിരിക്കുകയാണ്. അവ വേഗം തന്നെ പരിഹരിക്കപ്പെടും. അതേസമയം, വിമാന സര്വീസുകള് തടസ്സപ്പെടാതിരിക്കാനും യാത്രക്കാര്ക്ക് അസൗകര്യമുണ്ടാകാതിരിക്കാനും എയര് ഇന്ത്യ എല്ലാ നടപടികളും സ്വീകരിച്ചു. അതിനാല് എയര് ഇന്ത്യാ യാത്രക്കാര് ആശങ്കപ്പെടേണ്ടെന്ന് വക്താവ് കൂട്ടിച്ചേര്ത്തു.
5,000 കോടി രൂപ കുടിശ്ശിക കാരണം നേരത്തെയും ഓയില് മാര്ക്കറ്റിംഗ് കമ്പനികള് (ഒഎംസി) എയര് ഇന്ത്യയിലേക്കുള്ള ഇന്ധന വിതരണം നിര്ത്തിവച്ചിരുന്നു. കുടിശ്ശിക അടയ്ക്കാത്തതിനെ തുടര്ന്ന് ആഗസ്റ്റില് പൊതുമേഖലാ ഒ.എം.സികള് റാഞ്ചി, മൊഹാലി, പട്ന, വിശാഖ്, പൂനെ, കൊച്ചി വിമാനത്താവളങ്ങളിലെ വിമാനക്കമ്പനികള്ക്ക് ഇന്ധന വിതരണം നിര്ത്തിവച്ചു. ഇന്ത്യന് ഓയില്, ഹിന്ദുസ്ഥാന് പെട്രോളിയം, ഭാരത് പെട്രോളിയം എന്നീ മൂന്ന് സര്ക്കാര് കമ്പനികളുടെ ഈ നടപടി വിമാനക്കമ്പനികളുടെ ദൈനംദിന പ്രവര്ത്തനത്തെ ബാധിക്കില്ലെന്നും ഓര്ഗനൈസേഷനെ പുനരുജ്ജീവിപ്പിക്കാനുള്ള പദ്ധതികള് ആലോചിക്കുകയാണെന്നും എയര് ഇന്ത്യയുടെ സിഎംഡി അശ്വനി ലോഹാനി അന്ന് പ്രസ്താവന ഇറക്കി.
എയര്ലൈനിന്റെ 100% സ്വകാര്യവല്ക്കരണത്തിനായി സര്ക്കാര് ബിഡ്ഡുകള് ക്ഷണിക്കുന്ന സമയത്താണ് പുതിയ വെല്ലുവിളി. എയര് ഇന്ത്യയിലെ ഓഹരി വിറ്റഴിക്കലിനായുള്ള ഉന്നതാധികാര മന്ത്രി സമിതി ധനമന്ത്രി നിര്മല സീതാരാമന്, സിവില് ഏവിയേഷന് മന്ത്രി ഹര്ദീപ് പുരി, റെയില്വേ, വാണിജ്യ മന്ത്രി പീയൂഷ് ഗോയല് എന്നിവരെ ആഭ്യന്തരമന്ത്രി അമിത് ഷാ സമിതിയില് ഉള്പ്പെടുത്തിയിട്ടുണ്ട്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google