യഥാര്‍ത്ഥ ഫോട്ടോ ഐശ്വര്യ പുറത്ത് വിട്ടു... ഉത്തരവാദി താനല്ലെന്ന്

By Soorya Chandran

Published: Thursday, April 23, 2015, 12:33 [IST]

മുംബൈ: കല്യാണ്‍ ജ്വല്ലേഴ്‌സിന്റെ പരസ്യ വിവാദത്തിന്റെ ഉത്തരവാദിത്തം തനിക്കല്ലെന്ന് മുന്‍ ലോക സുന്ദരിയും ബോളിവുഡ് നടിയും ആയ ഐശ്വര്യ റായ് ബച്ചന്‍. പരസ്യത്തില്‍ ചിത്രീകരിച്ച യഥാര്‍ത്ഥ ഫോട്ടോയും ഐശ്വര്യ പുറത്ത് വിട്ടു.

വംശീയ അധിക്ഷേപം പ്രകടമാക്കുന്നതാണ് കല്യാണ്‍ ജ്വല്ലേഴ്‌സിന്റെ പരസ്യം എന്നാണ് ആക്ഷേപം. ഇത് സംബന്ധിച്ച് സാമൂഹ്യപ്രവര്‍ത്തകരും എഴുത്തുകാരും അടങ്ങുന്ന സംഘം കഴിഞ്ഞ ദിവസം ഐശ്വര്യ റായിക്ക് തുറന്ന കത്തെഴുതിയിരുന്നു.

കൊളോണിയല്‍ കാലത്തെ അടിമ വ്യവസ്ഥിതിയെ ഓര്‍മിപ്പിക്കുന്നതാണ് ചിത്രം എന്നാണ് ആക്ഷേപം.

എന്താണ് ആ ചിത്രം

ഒരു വിക്ടോറിയന്‍ ചിത്രം പോലെ, കുലീന ആയ ഐശ്വര്യ ചാഞ്ഞിരിയിക്കുന്നു. പിറകില്‍ ഒരു കറുത്ത ബാലന്‍ കുടചൂടി നില്‍ക്കുന്നു. ഇതായിരുന്നു ആ ചിത്രം.

എന്താണ് പ്രശ്‌നം

കുടചൂടി പിറകില്‍ നില്‍ക്കുന്ന കറുത്ത ബാലന്‍ ആണ് ഇതിലെ വിവാദം. പഴയ പല വിക്ടോറിയന്‍ ചിത്രങ്ങളും ഇതിന് ഉദാഹരണമായി ആക്ഷേപമുന്നയിക്കുന്നവര്‍ എടുത്ത് കാണിയ്ക്കുന്നുണ്ട്. അടിമ സമ്പ്രദായത്തിന്റെ ഓര്‍മപ്പെടുത്തല്‍ ആണിതെന്നാണ് വിമര്‍ശനം.

കറുത്ത വര്‍ഗ്ഗക്കാര്‍

കൊളോണിയല്‍ കാലത്ത് കറുത്ത വര്‍ഗ്ഗക്കാരെ അടിമകളാക്കി ഉപയോഗിച്ച് പോന്നിരുന്നു. അക്കാലത്തെ ചിത്രങ്ങളിലും ഇത് പ്രകടമായിരുന്നു. ഈ ചിത്രം അതിന് സമാനമാണെന്നാണ് ആക്ഷേപം.

പ്രസിദ്ധീകരിച്ചത്

ഏഫ്രില്‍ 17 ന് ദ ഹിന്ദു പത്രത്തിലാണ് വിവാദ പരസ്യം പ്രസിദ്ധീകരിച്ചത്. ഇക്കാര്യം ഉന്നയിച്ചാണ് ഐശ്വര്യയ്ക്ക് കത്തയച്ചത്.

ഇതാണ് യഥാര്‍ത്ഥ ചിത്രം

പരസ്യത്തിനായി എടുത്ത യഥാര്‍ത്ഥ ചിത്രം പുറത്ത് വിട്ടാണ് ഐശ്വര്യ റായ് പ്രതികരിച്ചത്.

എനിക്കറിയില്ല

പരസ്യത്തിന്റെ ഉത്തരവാദിത്തം പരസ്യ ഏജന്‍സിയുടെ ക്രയേറ്റീവ് ടീമിനാണെന്നാണ് ഐശ്വര്യയുടെ വാദം.

നന്ദിയുണ്ട്

ഒറ്റ നോട്ടത്തില്‍ ഈ പരസ്യത്തില്‍ ഐശ്വര്യയും പ്രശ്‌നമൊന്നും കണ്ടില്ലെന്ന് കരുതേണ്ടി വരും. എന്തായാലും ഇത്തരം ഒരു വശം കൂടി ആ ചിത്രത്തിനുണ്ടെന്ന് ചൂണ്ടിക്കാണിച്ചതില്‍ ഐശ്വര്യ നന്ദി പറഞ്ഞു.