അജിത് ഡോവലിനെ ഇറക്കി മോദി; ചൈന വഴങ്ങിയത് ഇങ്ങനെ... രണ്ടു മണിക്കൂര് വീഡിയോ കോള്
ദില്ലി: ആഴ്ചകളായി ലഡാക്ക് അതിര്ത്തി പുകഞ്ഞുകൊണ്ടിരിക്കുകയായിരുന്നു. പ്രശ്ന പരിഹാരത്തിന് സൈനിക തലത്തില് ചൈനയുമായി ചര്ച്ചകള് ഒട്ടേറെ നടന്നു. എന്നാല് കാര്യമായ പുരോഗതിയുണ്ടായില്ല. തിങ്കളാഴ്ച പുറത്തുവന്ന വാര്ത്ത ചൈനയുടെയും ഇന്ത്യയുടെയും സൈനികര് ഒരുപോലെ അതിര്ത്തിയിലെ ഗല്വാനില് നിന്ന് അകലം പാലിക്കാന് തീരുമാനിച്ചുവെന്നാണ്. ദേശീയ സുരക്ഷാ ഉപദേഷ്ടാവ് അജിത് ഡോവല് നടത്തിയ ഇടപെടലാണ് ചൈനയുടെ നയംമാറ്റത്തിന് കാരണമെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. വിശദാംശങ്ങള് ഇങ്ങനെ...
ഒരുമിച്ച് നീങ്ങാന്
ചൈനീസ് വിദേശകാര്യ മന്ത്രി വാങ് യിയുമായി അജിത് ഡോവല് രണ്ടു മണിക്കൂറാണ് ഞായറാഴ്ച വൈകീട്ട് വീഡിയോ കോള് ചെയ്തത്. ഒടുവില് ഇരു രാജ്യങ്ങളുടെയും സൈനികര് പിന്മാറാമെന്ന ധാരണയിലെത്തുകയായിരുന്നു. അതിര്ത്തിയില് സുരക്ഷയും സമാധാനവും കാത്തുസൂക്ഷിക്കണമെന്ന അജണ്ടയില് ഊന്നിയായിരുന്നു ചര്ച്ച. ഭാവിയില് വിവാദങ്ങളില്ലാതിരിക്കാന് ഒരുമിച്ച് നീങ്ങാനും തീരുമാനിച്ചുവെന്നാണ് വിവരം.
എല്ലാ വിഷയങ്ങളും
അജിത് ഡോവലും ചൈനീസ് വിദേശകാര്യ മന്ത്രിയും ചര്ച്ച നടത്തിയ കാര്യം വിദേശകാര്യ മന്ത്രാലയവും സ്ഥിരീകരിച്ചു. അടുത്തിടെ അതിര്ത്തിയില് നടന്ന എല്ലാ വിഷയങ്ങളും ചര്ച്ചയായെന്നും മന്ത്രാലയം പറയുന്നു.
ഇരുരാജ്യങ്ങളും പിന്വലിച്ചു
ലഡാക്കിലെ ഗല്വാന് അതിര്ത്തിയില് നിന്ന് ഇന്ത്യയുടെയും ചൈനയുടെയും സൈനികരെ പിന്വലിക്കേണ്ട ആവശ്യകത ബോധ്യപ്പെടുകയും അംഗീകരിക്കുകയും ചെയ്തുവെന്നും മന്ത്രാലയം പ്രസ്താവനയില് പറഞ്ഞു. തൊട്ടുപിന്നാലെ ഇന്ത്യയുടെയും ചൈനയുടെയും സൈനികര് മേഖലയില് നിന്ന് പിന്മാറി.
ശക്തമായ സമ്മര്ദ്ദം
ജൂണ് 15ന് അതിര്ത്തിയലുണ്ടായ സംഘര്ഷത്തില് 20 ഇന്ത്യന് സൈനികര്ക്കാണ് ജീവന് നഷ്ടമായത്. ചൈനീസ് കമ്പനികളുമായുള്ള എല്ലാ കരാറുകളും ഇന്ത്യ പിന്നീട് റദ്ദാക്കി. ചൈനീസ് ആപ്പുകളും നിരോധിച്ചു. കടുത്ത സാമ്പത്തിക പ്രതിസന്ധി ചൈനയ്ക്ക് സൃഷ്ടിക്കുന്നതായിരുന്നു ഇന്ത്യയുടെ ഈ നീക്കം. ഇതെല്ലാം ചൈനയില് സമ്മര്ദ്ദമുണ്ടാക്കിയെന്നാണ് റിപ്പോര്ട്ടുകള്.
അജിത് ഡോവലിന്റെ ഇടപെടല്
നേരത്തെ രാജ്യം പ്രതിസന്ധി നേരിട്ട പല ഘട്ടത്തിലും അജിത് ഡോവലിന്റെ ഇടപെടല് ഗുണം ചെയ്തിരുന്നു. മോദി സര്ക്കാര് അധികാരത്തിലെത്തിയ ശേഷമാണ് ഇദ്ദേഹത്തെ ക്യാബിനറ്റ് പദവി നല്കിയതും ദേശീയ സുരക്ഷാ ഉപദേഷ്ടാവാക്കിയതും. ദില്ലി കലാപ വേളയിലും കശ്മീര് പ്രതിസന്ധിയിലായപ്പോഴും അജിത് ഡോവല് നേരിട്ടെത്തിയിരുന്നു.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'മമ്മൂട്ടി 75 വയസായ ആളാണ്, അസുഖം ഉള്ളയാളാണ്, തെറി പറഞ്ഞാൽ യുഡിഎഫ് സീറ്റ് 110 ന് മുകളിലേക്ക്'
Click it and Unblock the Notifications
Sign in with Google