കശ്മീരികൾക്കൊപ്പം ഭക്ഷണം പങ്കിട്ട് അജിത് ഡോവൽ; സ്ഥിതിഗതികൾ വിലയിരുത്താൻ വീണ്ടും കശ്മീരിൽ

Published: Wednesday, August 7, 2019, 21:07 [IST]

ഷോപ്പിയാൻ: ദേശീയ സുരക്ഷാ ഉപദേഷ്ടാവ് അജിത് ഡോവൽ കശ്മീർ താഴ്വരയിൽ സന്ദർശനം നടത്തി. പ്രദേശവാസികളുമായി കൂടിക്കാഴ്ച നടത്തിയ ഡോവൽ കശ്മീരിലെ സ്ഥിതിഗതികൾ വിലയിരുത്തു. കശ്മീരിന് പ്രത്യേക പദവി നൽകിയിരുന്ന ആർട്ടിക്കിൾ 370 35 എ വകുപ്പുകൾ എടുത്തുമാറ്റുകയും കശ്മീരിനെ രണ്ടായി വിഭജിക്കാൻ തീരുമാനിക്കുകയും ചെയ്തതിന് പിന്നാലെയാണ് അജിത് ഡോവലിന്റെ സന്ദർശനം.

കശ്മീരിലെ സാധാരണക്കാരായ ജനങ്ങൾക്കൊപ്പം വഴിയോരത്തിരുന്ന് ഭക്ഷണം കഴിക്കുകയും കാര്യങ്ങൾ ചോദിച്ചറിയുകയും ചെയ്യുന്ന അജിത് ഡോവലിന്റെ ദൃശ്യങ്ങൾ ഇതിനകം പുറത്ത് വന്നിട്ടുണ്ട്. കേന്ദ്രസർക്കാർ നടപടിയെ കുറിച്ച് പ്രദേശവാസികളോട് വിശദീകരിക്കുന്ന അജിത് ഡോവൽ ജനക്ഷേമത്തിനാണ് സർക്കാർ പ്രഥമ പരിഗണന നൽകുന്നതെന്നും വിശദീകരിച്ചു.

സിആർപിഎഫ്, ജമ്മു കശ്മീരിലെ പോലീസ് സേനാംഗങ്ങൾ എന്നിവരുമായി അജിത് ഡോവൽ സംസാരിക്കുന്ന ദൃശ്യങ്ങളും പുറത്ത് വന്നിട്ടുണ്ട്. കാര്യങ്ങൾ എങ്ങനെ പോകുന്നു? നിങ്ങൾക്ക് എന്ത് തോന്നുന്നു? തുടങ്ങിയ ഡോവലിന്റെ ചോദ്യങ്ങളോട് എല്ലാം നന്നായി എന്ന് ചിലർ പ്രതികരിക്കുന്നത് ദൃശ്യങ്ങളിൽ കാണാം.

NSA Ajit Doval eating lunch with Kashmiri locals in Shopian of South Kashmir this afternoon. Normalcy being slowly restored in the valley. What a remarkable gesture by the NSA! Interacting with people on ground and checking on their safety, security and well being! #Peace pic.twitter.com/MqVmhu1B2h
— Aditya Raj Kaul (@AdityaRajKaul) August 7, 2019

ആർട്ടിക്കിൾ 370 എടുത്തുകളയുമെന്നും കശ്മീരിനെ വിഭജിക്കുമെന്നും അമിത് ഷാ പ്രഖ്യാപനം നടത്തിയതിന് പിന്നാലെയാണ് അജിത് ഡോവൽ കശ്മീരിൽ എത്തുന്നത്. നിർണായ പ്രഖ്യാപനം പാർലമെന്റിൽ നടത്തുന്നതിന് മുമ്പ് വൻ മുന്നൊരുക്കങ്ങളാണ് താഴ്വരയിൽ സർക്കാർ ഒരുക്കിയിരുന്നു. രാജ്യത്തിന്റെ വിവിധ ഭാഗങ്ങളിൽ നിന്നുള്ള സിആർപിഎഫ് ജവാന്മാരെ കശ്മീരിൽ വിന്യസിച്ചിരുന്നു. പ്രദേശത്തെ ഇന്റർനെറ്റ്, ടെലഫോൺ ബന്ധങ്ങളും വിച്ഛേദിച്ചിരുന്നു.

NSA Ajit Doval addresses the Jammu and Kashmir Police Jawans in most terror infested area of South Kashmir. Salutes the valour, sacrifice and commitment of J&K Police in India. This is the most apt step by a leader. Standing with the forces camping in Kashmir on ground. pic.twitter.com/MVA2HwQ2f8
— Aditya Raj Kaul (@AdityaRajKaul) August 7, 2019