ലോക്കല് സ്വര്ണഖനികളുമായി ഡീല്..! വില കൂടിയാലും ഏല്ക്കില്ല, സെന്ട്രല് ബാങ്കുകളുടെ തന്ത്രം ഇങ്ങനെ
സമീപകാലത്ത് സ്വര്ണ വിലയില് ഉണ്ടായത് വലിയ കുതിപ്പാണ്. ഭൗമ - രാഷ്ട്രീയ സംഘര്ഷങ്ങള്, ഡോളര് മൂല്യം എന്നിവയ്ക്കൊപ്പം സ്വര്ണ വില ഉയര്ത്തുന്നതില് രാജ്യങ്ങളിലെ കേന്ദ്ര ബാങ്കുകളും ഒരു പ്രധാന പങ്ക് വഹിച്ചിട്ടുണ്ട്. 2022 മുതല് കേന്ദ്ര ബാങ്കുകള് തുടര്ച്ചയായി സ്വര്ണം വാങ്ങിക്കൂട്ടുകയാണ്. സ്വര്ണ വില എക്കാലത്തെയും ഉയര്ന്ന നിലയിലേക്ക് എത്താന് ഇത് കാരണമായി.
എന്നാല്, കേന്ദ്ര ബാങ്കുകള് എവിടെ നിന്നാണ് സ്വര്ണം വാങ്ങുന്നത്? വേള്ഡ് ഗോള്ഡ് കൗണ്സില് 2025 ലെ ഡാറ്റ പ്രകാരം, 41% ചരിത്രപരമായ പൈതൃക ആസ്തിയാണെങ്കിലും എല്ലാ സെന്ട്രല് ബാങ്ക് വാങ്ങലുകളുടെയും 32% ആഗോള ഒടിസി വിപണിയില് നിന്നാണ്. വലിയ തോതിലുള്ള ആഭ്യന്തര സ്വര്ണ ഉല്പ്പാദനം 25% ആണ്. 17% കരകൗശല, ചെറുകിട ആഭ്യന്തര സ്വര്ണ ഉല്പ്പാദനത്തില് നിന്നുമാണ്.
2024ല് ഡബ്ല്യുജിസി വന്തോതിലുള്ള ആഭ്യന്തര സ്വര്ണ ഉല്പ്പാദനം, കരകൗശല, ചെറുകിട ആഭ്യന്തര സ്വര്ണ ഉല്പ്പാദനം എന്നിവ രേഖപ്പെടുത്തിയിട്ടില്ല. എന്നാല് 2025-ല് അവ ചേര്ത്തു. അതേസമയം ആഭ്യന്തര സ്വര്ണ്ണ ഉല്പ്പാദനം നീക്കം ചെയ്യുകയപം ചെയ്തു. സര്വേയില് പങ്കെടുത്ത സെന്ട്രല് ബാങ്കുകളില് 47% വന്തോതിലുള്ള ഖനനത്തില് നിന്നും കരകൗശല, ചെറുകിട സ്വര്ണ്ണ ഖനനത്തില് നിന്നും സ്വര്ണം വാങ്ങി എന്നാണ് വെളിപ്പെടുത്തിയത്.
വന്തോതിലുള്ള ഖനനം മാത്രം 37% ആയിരുന്നപ്പോള്, 16% കേന്ദ്ര ബാങ്കുകള് എജിഎസ്എമ്മില് നിന്ന് മാത്രമാണ് വാങ്ങിയത്. ഈ വര്ഷം ഏപ്രില് 22 ന് എക്കാലത്തെയും ഉയര്ന്ന നിരക്കായ ഔണ്സിന് 3,500 ഡോളറിലേക്ക് ആഗോള വിപണിയില് സ്വര്ണ വില എത്തിയിരുന്നു. എന്നാല് രണ്ട് മാസത്തിലേറെയായി സ്വര്ണ വില 3,345 ഡോളറിനടുത്ത് സ്ഥിരത പുലര്ത്തുന്നുണ്ട്. എന്നാല് സെന്ട്രല് ബാങ്കുകള് ഇപ്പോഴും സ്വര്ണം വാങ്ങുന്ന തിരക്കിലാണ്.
ഡബ്ല്യുജിസിയുടെ സെന്ട്രല് ബാങ്ക് ഗോള്ഡ് റിസര്വ് സര്വേ 2025 കാണിക്കുന്നത് 43% സെന്ട്രല് ബാങ്കുകള് അവരുടെ സ്വര്ണ കരുതല് ശേഖരം വര്ധിപ്പിക്കുമെന്ന് പ്രസ്താവിച്ചുവെന്നും 95% പേര് എല്ലാ സെന്ട്രല് ബാങ്കുകളുടെയും ഔദ്യോഗിക സ്വര്ണ കരുതല് ശേഖരം അടുത്ത 12 മാസത്തിനുള്ളില് വര്ധിക്കുന്നത് തുടരുമെന്നും വിശ്വസിക്കുന്നു. അന്താരാഷ്ട്ര ബാങ്കുകള്ക്ക് സ്വര്ണം വളരെക്കാലമായി ഒരു കരുതല് ആസ്തിയാണ്.
പണപ്പെരുപ്പവും ഭൗമരാഷ്ട്രീയ സംഘര്ഷവുമാണ് സെന്ട്രല് ബാങ്കുകള് സ്വര്ണം ശേഖരിക്കുന്നതിനുള്ള രണ്ട് പ്രധാന കാരണങ്ങള്. മേയ് മാസത്തില് ആഗോള കേന്ദ്ര ബാങ്കുകള് 20 ടണ് സ്വര്ണം വാങ്ങി. സെന്ട്രല് ബാങ്കിന്റെ 12 മാസത്തെ ശരാശരി സ്വര്ണം വാങ്ങല് 27 ടണ് ആണ്. മേയ് മാസത്തില് കസാക്കിസ്ഥാന്, തുര്ക്കി, പോളണ്ട്, ചൈന എന്നീ രാജ്യങ്ങളിലെ സെന്ട്രല് ബാങ്കുകളാണ് ഏറ്റവും കൂടുതല് സ്വര്ണം വാങ്ങിയത്.
2024 ല്, സെന്ട്രല് ബാങ്കുകള് 1,180 ടണ് സ്വര്ണം വാങ്ങി. ഇത് റെക്കോഡാണ്. 2022 ല് 1,082 ടണ്, 2023 ല് 1,037 ടണ് എന്നിങ്ങനെയായിരുന്നു കണക്കുകള്. ഏറ്റവും കൂടുതല് സ്വര്ണം കൈവശം വച്ചിരിക്കുന്നത് അമേരിക്കയാണ്, 8,133 ടണ്, അതേസമയം ഇന്ത്യയ്ക്ക് 876 ടണ് സ്വര്ണമാണ് കൈവശമുള്ളത്. സ്വര്ണ വില ഉയരുന്നതിനുള്ള മറ്റൊരു പ്രധാന കാരണം യുഎസ് ഡോളര് ആണ്.
ട്രംപിന്റെ താരിഫുകള് കറന്സി യുദ്ധങ്ങള്ക്ക് അഴിച്ചുവിടുമെന്ന് പ്രതീക്ഷിക്കുന്നു, അതില് യുഎസ് ഡോളര് ഏറ്റവും വലിയ തിരിച്ചടി നേരിട്ടേക്കാം. യുഎസ് ഡോളര് സൂചിക ഇതിനകം തന്നെ 9.8% താഴ്ന്നു. നിരവധി വര്ഷങ്ങള്ക്ക് ശേഷം ആദ്യമായി 100 ന് താഴെയാണ് ഇത് വ്യാപാരം നടത്തുന്നത്. ഫെഡറല് ചെയര് പവലിനു മേലുള്ള ട്രംപ് ഭരണകൂടത്തിന്റെ സമ്മര്ദ്ദ തന്ത്രങ്ങള് യുഎസ് ഫെഡറല് റിസര്വിന്റെ സ്വാതന്ത്ര്യത്തെ ചോദ്യം ചെയ്യുന്നു.
ഇത് യുഎസ് ഡോളറില് സമ്മര്ദ്ദം ചെലുത്തുന്നു. മാത്രമല്ല. ട്രംപിന്റെ വണ് ബിഗ്, ബ്യൂട്ടിഫുള് ബില്ലിന്റെ ഫലമായി യുഎസിന്റെ കടം 3.9 ട്രില്യണ് ഡോളറിലധികം ഉയരുമെന്ന് പ്രവചിക്കപ്പെടുന്നു. രാജ്യത്തിന്റെ വര്ദ്ധിച്ചുവരുന്ന പൊതു കടവും വര്ദ്ധിച്ചുവരുന്ന ബജറ്റ് കമ്മിയും സംബന്ധിച്ച ആശങ്കകള് കാരണം മൂഡീസ് റേറ്റിംഗുകള് മുമ്പ് യുഎസിന്റെ ക്രെഡിറ്റ് റേറ്റിംഗ് കുറച്ചിരുന്നു.
ഈ ഘടകങ്ങളെല്ലാം ഒരുമിച്ച് എടുത്താല് മറ്റ് പ്രധാന ലോക കറന്സികള്ക്കെതിരെ ഡോളര് ദുര്ബലമാകുമെന്ന് പ്രതീക്ഷിക്കുന്നു. ലോക സാമ്പത്തിക വ്യവസ്ഥയുടെ ശക്തിയും ബലഹീനതയും മനസിലാക്കാന് കേന്ദ്ര ബാങ്കുകള്ക്കാണ് സാധിക്കുക. അതുകൊണ്ട് തന്നെയാണ് ആഗോള ഭൗമരാഷ്ട്രീയ, സാമ്പത്തിക ഭീഷണികള്ക്കിടയില് അവര് സ്വര്ണത്തില് കണ്ണുവെച്ചിരിക്കുന്നതും.
Click it and Unblock the Notifications
Sign in with Google