'രാജ്യത്ത് ബിജെപി ഉള്ള കാലത്തോളം മതാടിസ്ഥാനത്തിലുള്ള സംവരണം ഉണ്ടാവില്ല'; അമിത് ഷാ

ഡൽഹി: മുസ്ലിം സംവരണ വിഷയത്തിൽ കോൺ​ഗ്രസിനെ കടന്നാക്രമിച്ച് കേന്ദ്ര ആഭ്യന്തര മന്ത്രി അമിത് ഷാ. ബി ജെ പി ഈ രാജ്യത്ത് ഉള്ളത് വരെ മതം അടിസ്ഥാനമാക്കിയുള്ള സംവരണം ലഭിക്കില്ലെന്ന് അമിത് ഷാ പറഞ്ഞു. ഒ ബി സി, ദളിത്. ആദിവാസി സംവരണ പരിധി കുറച്ച് കൊണ്ട് മുസ്ലിങ്ങൾ‌ക്ക് സംവരണം നൽകാനാണ് കോൺ​ഗ്രസ് ആ​ഗ്രഹിക്കുന്നതെന്ന് അമിത് ഷാ പറഞ്ഞു.

ജാർ‌ഖണ്ഡിലെ പായാമുവിൽ ഒരു പൊതുറാലിയെ അഭിസംബോധന ചെയ്ത് കൊണ്ട് സംസാരിക്കുകയായിരുന്നു അമിത് ഷാ. " കോൺ‌​ഗ്രസ് സംവരണത്തെ പറ്റിയാണ് സംസാരിക്കുന്നത്. എന്നാൽ നമ്മുടെ ഭരണഘടനയിൽ മതത്തിന്റെ അടിസ്ഥാനത്തിൽ സംവരണം നൽകാൻ അത്തരമൊരു വ്യവസ്ഥയില്ല.

മഹാരാഷ്ട്രയിൽ മുസ്ലിങ്ങൾക്ക് 10 ശതമാനം സംവരണത്തെക്കുറിച്ച് ചില 'ഉലമ'കളുടെ ഒരു സംഘം അവർക്ക് മെമ്മോറണ്ടം സമർപ്പിച്ചു. അതിൽ അവരെ സഹായിക്കുമെന്ന് കോൺ​ഗ്രസ് സംസ്ഥാന അധ്യക്ഷൻ പറഞ്ഞു. മുസ്ലിങ്ങൾക്ക് 10 ശതമാനം സംവരണം നൽകാൻ കോൺ​ഗ്രസ് ആ​ഗ്രഹിക്കുന്നു. ഒ ബി സി, ദളിത് , ​ഗോ​ത്ര വിഭാ​ഗങ്ങളുടെ സംവരണ പരിധി കുറയ്ക്കുന്നു ' അമിത് ഷാ പറഞ്ഞു.

' ഈ രാജ്യത്ത് ബി ജെ പി ഉള്ളത് വരെ ന്യൂനപക്ഷങ്ങൾക്ക് സംവരണം ലഭിക്കില്ലെന്ന് രാഹുൽ​ ​ഗാന്ധിക്ക് മുന്നറിയിപ്പ് നൽകാൻ ‍ഞാൻ ആ​ഗ്രഹിക്കുന്നു. ഒബിസികൾക്കും ദളിതർക്കും ​ഗോത്രവർ​ഗക്കാർക്കും സംവരണം നൽകിയത് ബാബ സാഹിബ് അംബേദ്കർ ആണ്, നിങ്ങൾക്ക് അതിനെ അനാദരിക്കാനാവില്ല ', അദ്ദേഹം പറഞ്ഞു.

കോൺ​ഗ്രസിനെ ഒ ബി സി വിരുദ്ധ പാർട്ടിയെന്ന് വിശേഷിപ്പിച്ച അമിത് ഷാ അധികാരത്തിലെത്തിയപ്പോഴെല്ലാം ഒബിസി വിഭാഗത്തോട് കോൺ​ഗ്രസ് അനീതിയാണ് കാണിച്ചതെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്ര മോദിയെ അഭിനന്ദിച്ച അമിത് ഷാ അധികാരത്തിലെത്തിയപ്പോൾ‌ ഒ ബി സികൾക്ക് 27 ശതമാനം സംവരണം നൽകുകയും പിന്നാക്ക വിഭാ​ഗങ്ങൾക്കായി ദേശീയ കമ്മീഷൻ ( എൻ സി ബി സി ) രൂപീകരിക്കുകയും ചെയ്തു.

' കോൺ​ഗ്രസ് ഒ ബി സി വിരുദ്ധ പാർട്ടിയാണ്. അധികാരത്തിൽ വന്നപ്പോഴെല്ലാം അവർ അവരോട് അനീതി ചെയ്തു. 1950 ൽ കാക്ക കലേൽക്കർ കമ്മിറ്റി രൂപീകരിച്ചെങ്കിലും അതിന്റെ റിപ്പോർട്ട് കാണാതാവുകയായിരുന്നു. ഒ ബി സിക്ക് സംവരണം നൽകാൻ മണ്ഡൽ കമ്മീഷൻ വന്നപ്പോൾ ഇന്ദിരാ​ഗാന്ധിയും രാജീവ് ​ഗാന്ധിയും അത് നടപ്പാക്കുന്നതിനെ എതിർത്തിരുന്നു.

കേന്ദ്ര സ്ഥാപനങ്ങളിൽ ഒ ബി സിക്കാർക്ക് 27 ശതമാനം സംവരണം നൽകാൻ അവർ വർഷങ്ങളെടുത്തു. 2014 ൽ മോദി സർക്കാരിനെ ജനങ്ങൾ തിരഞ്ഞെടുത്തപ്പോൾ അദ്ദേഹം ഒ ബി സികൾക്ക് 27 ശതമാനം സംവരണം നടപ്പാക്കി. അദ്ദേഹം ദേശീയ പിന്നാക്ക വിഭാ​ഗങ്ങൾക്കായുള്ള കമ്മീഷൻ രൂപീകരിക്കുകയും അതിന് ഭരണഘടനാപരമായ സ്ഥാനം നൽകുകയും ചെയ്തു, അദ്ദേഹം പറഞ്ഞു. നിലവിലെ സംസ്ഥാന സർക്കാർ അഴിമതിയിൽ സംസ്ഥാമ സർക്കാർ അഴിമതിയിൽ കുടുങ്ങിയതിനാൽ സംസ്ഥാനത്ത് ബി ജെ പി സർക്കാർ കൊണ്ടുവരാൻ അഭ്യർത്ഥിക്കുകയാണെന്നും ഷാ പറഞ്ഞു.