മുസ്ലിം സംവരണം നിര്ത്തുമെന്ന് അമിത് ഷാ; മുസ്ലിം വിദ്വേഷമല്ലാതെ ഒന്നുമില്ലേ എന്ന് ഉവൈസി
ഹൈദരാബാദ്: മുസ്ലിങ്ങള്ക്ക് നല്കുന്ന സംവരണം അവസാനിപ്പിക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. ഹൈദരാബാദിനടത്തു ചെവല്ലയില് പൊതുപരിപാടിയില് സംസാരിക്കുകയായിരുന്നു അദ്ദേഹം. തെലങ്കാനയില് മുസ്ലിങ്ങള്ക്ക് 4 ശതമാനം സംവരണമാണ് നല്കുന്നത്. ഇത് സംബന്ധിച്ചാണ് അമിത് ഷാ പറഞ്ഞത്. അതേസമയം, അമിത് ഷാക്കെതിരെ ശക്തമായ ഭാഷയില് മജ്ലിസ് പാര്ട്ടി അധ്യക്ഷന് ഉവൈസി രംഗത്തുവന്നു.
തെലങ്കാനയില് ബിജെപി അധികാരത്തിലെത്തിയാല് മുസ്ലിം സംവരണം അവസാനിപ്പിക്കുമെന്നാണ് അമിത് ഷാ പറഞ്ഞത്. മതം അടിസ്ഥാനമാക്കിയുള്ള സംവരണം ഭരണഘടനാ വിരുദ്ധമാണെന്നും അദ്ദേഹം പറഞ്ഞു. അതേസമയം, പട്ടിക ജാതി, വര്ഗ, ഒബിസി സംവരണം തുടരുമെന്നും അമിത് ഷാ പറഞ്ഞു.
തെലങ്കാനയിലെ ഭരണകക്ഷിയായ ഭാരത് രാഷ്ട്ര സമിതി (ബിആര്എസ്) യെ രൂക്ഷമായ ഭാഷയിലാണ് അമിത് ഷാ വിമര്ശിച്ചത്. സര്വത്ര അഴിമതിയില് മുങ്ങിയിരിക്കുകയാണ് ചന്ദ്രശേഖര് റാവു സര്ക്കാര്. അഴിമതി സര്ക്കാരിനെ പുറത്താക്കും വരെ ബിജെപിക്ക് വിശ്രമമില്ലെന്നും അമിത് ഷാ പ്രഖ്യാപിച്ചു. കേന്ദ്ര സര്ക്കാര് നല്കുന്ന ക്ഷേമ പദ്ധതികള് തെലങ്കാനയിലെ പാവപ്പെട്ടവര്ക്ക് ലഭിക്കുന്നില്ലെന്നും അദ്ദേഹം കുറ്റപ്പെടുത്തി.
അസദുദ്ദീന് ഉവൈസി നേതൃത്വം നല്കുന്ന മജ്ലിസ് പാര്ട്ടിയുടെ അജണ്ടയാണ് കെസിആര് സര്ക്കാര് തെലങ്കാനയില് നടപ്പാക്കുന്നത്. ഉവൈസിയുടെ കൈയ്യിലാണ് സംസ്ഥാനത്തിന്റെ വളയം. അത്തരത്തിലുള്ള സര്ക്കാര് തെലങ്കാനയ്ക്ക് ആവശ്യമില്ല. ഞങ്ങള്ക്ക് മജ്ലിസ് പാര്ട്ടിയെ ഭയമില്ല. ജനങ്ങള്ക്ക് വേണ്ടി പ്രവര്ത്തിക്കുന്ന സര്ക്കാര് ഇവിടെ വരുമെന്നും അമിത് ഷാ പറഞ്ഞു.
അതേസമയം, അമിത് ഷാക്ക് മറുപടിയുമായി ഉവൈസി രംഗത്തുവന്നു. തെലങ്കാനയ്ക്ക് വേണ്ടി സമര്പ്പിക്കാന് കേന്ദ്ര ആഭ്യന്തര മന്ത്രി അമിത് ഷായ്ക്ക് ഒരു പദ്ധതി പോലുമില്ല. ആകെ അദ്ദേഹത്തിന്റെ കൈവശമുള്ളത് മുസ്ലിം വിദ്വേഷ പ്രസംഗം മാത്രമാണ്. അതല്ലാതെ ഒരു വീക്ഷണവും ബിജെപിക്കില്ലെന്നും അസദുദ്ദീന് ഉവൈസി കുറ്റപ്പെടുത്തി.
അവര് വ്യാജ ഏറ്റുമുട്ടലുണ്ടാക്കുന്നു. ഹൈദരാബാദിനെതിരെ സര്ജ്ജിക്കല് സ്ട്രൈക്ക് നടത്തുകയാണ്. കര്ഫ്യൂ പ്രഖ്യാപിക്കുന്നു, ക്രിമിനലുകളെ വിട്ടയക്കുന്നു, ബുള്ഡോസര് ഉപയോഗിച്ച് പാവപ്പെട്ടവരുടെ വീടുകള് തകര്ക്കുന്നു. എന്തിനാണ് നിങ്ങള് തെലങ്കാനയിലെ ജനങ്ങളെ ഇത്ര വെറുക്കുന്നതെന്നും ഉവൈസി ചോദിച്ചു.
പട്ടിക ജാതി, വര്ഗ, ഒബിസി വിഭാഗങ്ങളോട് അമിത് ഷാക്ക് താല്പ്പര്യമുണ്ടെങ്കില് സംവരണത്തിനുള്ള 50 ശതമാനം പരിധി എടുത്തു മാറ്റണം. പിന്നാക്കക്കാരായ മുസ്ലിങ്ങള്ക്ക് സംവരണം നല്കണം. പ്രായോഗികമായ ഡാറ്റകള് അടിസ്ഥാനപ്പെടുത്തി നടപടികള് സ്വീകരിക്കണമെന്നും അസദുദ്ദീന് ഉവൈസി ആവശ്യപ്പെട്ടു.
തെലങ്കാനയില് നിയമസഭാ തിരഞ്ഞെടുപ്പ് അടുത്തുവരികയാണ്. വലിയ മുന്നേറ്റമാണ് ബിജെപി പ്രതീക്ഷിക്കുന്നത്. കെസിആറിന്റെ ബിആര്എസ് പാര്ട്ടിയെ അധികാരത്തില് നിന്ന് പുറത്താക്കുമെന്നാണ് ബിജെപിയുടെ പ്രഖ്യാപനം. എന്നാല് ഉവൈസിയുടെ പാര്ട്ടി നല്കുന്ന പിന്തുണ കെസിആറിന് ശക്തി പകരുന്നു എന്ന് ബിജെപി മനസിലാക്കുന്നു. ഈ ഘട്ടത്തില് ശക്തമായ പ്രചാരണം തുടങ്ങിയിരിക്കുകയാണ് ബിജെപി.
കര്ണാടയില് അടുത്തിടെ മുസ്ലിം സംവരണം എടുത്തു മാറ്റിയിരുന്നു. മുസ്ലിങ്ങള്ക്കുണ്ടായിരുന്ന നാല് ശതമാനം സംവരണം ഒഴിവാക്കി വൊക്കലിഗ, ലിംഗായത്ത് സമുദായങ്ങള്ക്ക് വീതിച്ചു നല്കുകയാണ് ബിജെപി സര്ക്കാര് ചെയ്തത്. ഇതിനെതിരായ ഹര്ജികള് സുപ്രീംകോടതിയുടെ പരിഗണനയിലാണ്. കര്ണാടക സര്ക്കാരിന്റെ പ്രതികരണം തേടിയിരിക്കുകയാണ് സുപ്രീംകോടതി. ഇതുസംബന്ധിച്ച പഠിച്ച കമ്മീഷന്റെ റിപ്പോര്ട്ട് ഹാജരാക്കാനും കോടതി നിര്ദേശിച്ചു.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google