• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നിലയ്ക്ക് നിന്നില്ലെങ്കില്‍ പുറത്ത് പോണം; അമിത് ഷാ ഒച്ചവച്ചു, ബിജെപി നേതാക്കള്‍ ശാന്തരായി!!

  • By Ashif

ബെംഗളൂരു: ഭിന്നതകള്‍ അവസാനിപ്പിച്ച് ഒരുമിച്ച് നീങ്ങാന്‍ സാധിച്ചില്ലെങ്കില്‍ പാര്‍ട്ടിയില്‍ നിന്നു പുറത്ത് പോവണമെന്ന് കര്‍ണാടകയിലെ ബിജെപി നേതാക്കള്‍ക്ക് പാര്‍ട്ടി ദേശീയ അധ്യക്ഷന്‍ അമിത് ഷായുടെ താക്കീത്. ബിജെപി സംസ്ഥാന അധ്യക്ഷന്‍ ബിഎസ് യെദ്യൂരപ്പക്കും നിയമസഭയിലെ പ്രതിപക്ഷ നേതാവ് കെ എസ് ഈശ്വരപ്പക്കുമാണ് ദേശീയ നേതാവിന്റെ മുന്നറിയിപ്പ്.

അമിത് ഷാ കടുത്ത നിലപാടെടുത്തതോടെ നേതാക്കള്‍ വെടിനിര്‍ത്താന്‍ തീരുമാനിച്ചിട്ടുണ്ടെന്നാണ് റിപോര്‍ട്ട്. സംഗോളി രായണ്ണയുടെ പേരില്‍ പാര്‍ട്ടി നേരിട്ടാവും അനുസ്മരണ പരിപാടികള്‍ സംഘടിപ്പിക്കുക. സംഗോളി രായണ്ണ ബ്രിഗേഡിന്റെ പേരില്‍ നടത്താനായിരുന്നു നേരത്തെയുളള തീരുമാനം. പാര്‍ട്ടിയുയടെ ബാനറില്‍ മതി പരിപാടിയെന്ന് ഇരുനേതാക്കളും സമ്മതിച്ചിട്ടുണ്ട്.

പാര്‍ട്ടിയുടെ ഒബിസി മോര്‍ച്ചയായിരിക്കും പരിപാടിക്ക് നേതൃത്വം നല്‍കുക. യെദ്യൂരപ്പയും ഈശ്വരപ്പയും പരിപാടികളില്‍ പങ്കെടുക്കുമെന്ന് ബിജെപി ജനറല്‍ സെക്രട്ടറി മുരളീധര്‍ റാവു പറഞ്ഞു. ഇരുനേതാക്കളും എല്ലാ ജില്ലകളിലും യാത്ര ചെയ്ത് അനുസ്മരണ പരിപാടികളില്‍ സംബന്ധിക്കും.

പാര്‍ട്ടിയുടെ പാരമ്പര്യത്തിന് അനുസരിച്ച് പ്രവര്‍ത്തിക്കാന്‍ സാധിക്കില്ലെങ്കില്‍ രണ്ടുപേരും ബിജെപി വിടണമെന്നാണ് യെദ്യൂരപ്പക്കും ഈശ്വരപ്പക്കും അമിത് ഷാ നല്‍കിയ നിര്‍ദേശം. ഈ ഭീഷണിക്ക് മുമ്പില്‍ ഇരുവരും വഴങ്ങി. തുടര്‍ന്നാണ് സമാധാന കരാറിലെത്തിയത്.

ഇരുവരും ഒരുമിച്ച് നീങ്ങണം. പാര്‍ട്ടിയുടെ അടിത്തറ ശക്തിപ്പെടുത്താനാണ് സംഗോളി രായണ്ണ അനുസ്മരണം സംഘടിപ്പിക്കാന്‍ തീരുമാനിച്ചത്. ഈശ്വരപ്പയും യെദ്യൂരപ്പയും പരിപാടികളില്‍ സംബന്ധിക്കണം-ഇതായിരുന്നു അമിത് ഷായുടെ നിര്‍ദേശം.

കര്‍ണാടകയിലെ സ്ഥിതിഗതികള്‍ സംസ്ഥാനത്ത് നിന്നുള്ള കേന്ദ്രമന്ത്രിമാരോട് അമിത് ഷാ ചോദിച്ചിരുന്നു. പ്രശ്‌നങ്ങള്‍ക്ക് കാരണം യെദ്യൂരപ്പയും ഈശ്വരപ്പയുമാണെന്ന് മന്ത്രിമാര്‍ അമിത് ഷായെ ധരിപ്പിച്ചു. രണ്ട് നേതാക്കളും ഭിന്നിച്ച് നില്‍ക്കുന്നത് കാരണം ശക്തമായ പ്രതിപക്ഷമായി കര്‍ണാടകത്തില്‍ പ്രവര്‍ത്തിക്കാന്‍ പാര്‍ട്ടിക്ക് സാധിക്കുന്നില്ലെന്ന് മന്ത്രിമാര്‍ അറിയിച്ചത് അനുസരിച്ചാണ് അമിത് കടുത്ത നിലപാടെടുത്തത്.

English summary
After receiving a severe dressing down from party national president, Amit Shah, BJP state president B.S. Yeddyurappa and opposition leader in the council, K.S. Eshwarappa have agreed to a truce. As per the agreement, the party decided to hold functions in the name of legendary warrior, Sangolli Rayanna under the party banner but not under any apolitical outfit (read Sangolli Rayanna Brigade).

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more