കള്ളപ്പണത്തിന്റെ പിറകില്‍ അമിതാഭ് ബച്ചന്റെ സഹോദരനോ?

ദില്ലി: പനാമയില്‍ ബോളിവുഡി നടന്‍ അമിതാഭ് ബച്ചനും മരുമകള്‍ ഐശ്വര്യ റായിക്കും കള്ളപ്പണ നിക്ഷേപമുണ്ടെന്ന വാര്‍ത്ത കഴിഞ്ഞദിവസം പുറത്തുവന്നിരുന്നു. എന്നാല്‍, തനിക്ക് ഇവിടെ അക്കൗണ്ടുകളില്ലെന്നും തന്റെ പേര് ആരെങ്കിലും ദുരുപയോഗം ചെയ്തതായിരിക്കാമെന്നുമായിരുന്നു ബച്ചന്‍ പ്രതികരണം.

ഇതുമായി ബന്ധപ്പെട്ട് സീ ന്യൂസ് പുറത്തുവിടുന്ന വിവരം അമിതാഭ് ബച്ചന്റെ പേര് ഉപയോഗിച്ചത് ഇളയ സഹോദരന്‍ അജിതാഭ് ബച്ചന്‍ ആയിരിക്കാമെന്നാണ്. സീ ബള്‍ക്ക് ഷിപ്പിങ് കമ്പനി, ലേഡി ഷിപ്പിങ് ലിമിറ്റഡ്, ട്രഷര്‍ ഷിപ്പിങ് ലിമിറ്റഡ്, ട്രാമ്പ് ഷിപ്പിങ് ലിമിറ്റഡ് എന്നീ കമ്പനികളുമായി സഹോദരന് ബന്ധമുണ്ടായിരുന്നെന്നാണ് റിപ്പോര്‍ട്ട് സൂചിപ്പിക്കുന്നത്.

വ്യാജ പേരുകളില്‍ കമ്പനികളുണ്ടാക്കി കോടിക്കണക്കിന് രൂപ നിക്ഷേപിച്ചെന്നാണ് അമിതാഭ് ബച്ചന്‍ ഉള്‍പ്പെടെയുള്ളവര്‍ക്കെതിരായ ആരോപണം. അഞ്ഞൂറോളം പേരുകളുടെ വിവരങ്ങളാണ് ഇതുസംബന്ധിച്ച് പുറത്തുവന്നത്. ഇതില്‍ ഏറ്റവും അറിയപ്പെടുന്ന വ്യക്തി അമിതാഭ് ബച്ചന്‍ തന്നെ. അമിതാഭ് ബച്ചന് വേണ്ടിയാണോ സഹോദരന്‍ കമ്പനികളുമായി ബന്ധം പുലര്‍ത്തിയത് എന്ന സംശയവും ഉയര്‍ന്നു വന്നിട്ടുണ്ട്.

ഗാന്ധി കുടുബംവും ബച്ചന്‍ കുടുംബവും പണം കൈകാര്യം ചെയ്യാന്‍ ലണ്ടനിലുള്ള അഭിഭാഷകന്‍ സരോഷ് സായിവാലയുടെ സര്‍വീസ് പ്രയോജനപ്പെടുത്തിയതായും റിപ്പോര്‍ട്ടുണ്ട്. രണ്ടുകുടുംബങ്ങളുടെയും സാമ്പത്തിക കാര്യങ്ങള്‍ കൈകാര്യം ചെയ്യാറുണ്ടെന്ന് സരോഷ് തന്നെയാണ് വെളിപ്പെടുത്തിയത്.

English summary

Amitabh Bachchan's brother managed his businesses during Panama years