'അതിലെന്താണ് തെറ്റ്..'; ഉര്ഫി ജാവേദിനെ പിന്തുണച്ച് ദേവേന്ദ്ര ഫഡ്നാവിസിന്റെ ഭാര്യ അമൃത
മുംബൈ: ബിഗ് ബോസ്, ഒ ടി ടി താരമായ ഉര്ഫി ജാവേദിന്റെ വസ്ത്രധാരണം വലിയ രീതിയില് വിമര്ശിക്കപ്പെട്ടിരുന്നു. ബി ജെ പി നേതാവ് ചിത്ര വാഗ് ഉര്ഫി ജാവേദിന്റെ അല്പ വസ്ത്രധാരണം ചോദ്യം ചെയ്ത് രംഗത്തെത്തുകയും പൊലീസില് പരാതിപ്പെടുകയും ചെയ്തിരുന്നു. എന്നാല് ഇതിന് എതിരെ രൂക്ഷമായ വിമര്ശനമാണ് ഉര്ഫി ജാവേദ് നടത്തിയിരുന്നത്. തന്റെ വസ്ത്രത്തെ കുറിച്ചുള്ള ആശങ്ക രാജ്യത്തെ ബലാത്സംഗ കേസില് കാണുന്നില്ലല്ലോ എന്നായിരുന്നു ഉര്ഫി ജാവേദ് തിരിച്ചടിച്ചത്.
ഇപ്പോഴിതാ വിഷയത്തില് പ്രതികരണവുമായി രംഗത്തെത്തിയിരിക്കുകയാണ് ഗായികയും മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യയും ആയ അമൃത ഫഡ്നാവിസ്. അല്പ വസ്ത്രധാരണ വിവാദത്തില് ഉര്ഫി ജാവേദിനെ പിന്തുണക്കുന്ന നിലപാടാണ് അമൃത ഫഡ്നാവിസ് സ്വീകരിച്ചത്. മുംബൈയില് മാധ്യമപ്രവര്ത്തകരോട് സംസാരിക്കവെ ആണ് അമൃത ഫഡ്നാവിന്റെ പ്രതികരണം.
കഴിഞ്ഞ ആഴ്ചയാണ് അമൃത ഫഡ്നാവിസിന്റെ ഏറ്റവും പുതിയ ഗാനം മൂഡ് ബനാ ലിയ എന്ന പേരില് ഒരു മ്യൂസിക് വീഡിയോ പുറത്തിറങ്ങിയത്. ഇത് വലിയ തോതില് ജനങ്ങള് ഏറ്റെടുത്തിരുന്നു. ഇതില് സന്തോഷം പ്രകടിപ്പിച്ചുകൊണ്ട് മാധ്യമങ്ങളെ കാണുന്നതിനിടെ ആണ് ഉര്ഫി ജാവേദിന്റെ വസ്ത്രധാരണത്തെ ചൊല്ലിയുടെ ചിത്ര വാഗിന്റെ വിമര്ശനത്തില് അമൃത ഫഡ്നാവിസിനോട് മാധ്യമപ്രവര്ത്തകര് പ്രതികരണം ആരാഞ്ഞത്.
ഇതില് ഉര്ഫി ജാവേദിനെ പിന്തുണക്കുന്ന തരത്തിലായിരുന്നു അമൃത ഫഡ്നാവിസ് പ്രതികരിച്ചത്. ഒരു സ്ത്രീയെന്ന നിലയില് ഉര്ഫി ജാവേദ് ചെയ്തതില് താന് തെറ്റൊന്നും കാണുന്നില്ല എന്നും അവള് ചെയ്തതെല്ലാം അവര്ക്ക് വേണ്ടിയാണെന്നും അമൃത ഫഡ്നാവിസ് പറഞ്ഞു. എല്ലാവര്ക്കും അവരുടേതായ കാഴ്ചപ്പാടുകളുണ്ട് എന്നും അവര് പറഞ്ഞു. ഒരു പ്രൊഫഷന്റെ ഭാഗമായി ഉര്ഫി ജാവേദിന് ചില വസ്ത്രങ്ങള് ധരിക്കാനോ ചില രംഗങ്ങള് അവതരിപ്പിക്കാനോ അനുവാദമുണ്ട്.
എന്നാല് പൊതു ഇടങ്ങളില് ശ്രദ്ധാലുവായിരിക്കണം എന്നാണ് ചിത്ര വാഗ് പറയുന്നത് എന്ന് അമൃത ഫഡ്നാവിസ് പറഞ്ഞു. വസ്ത്രധാരണം സംസ്കാരത്തോട് ചേര്ന്നുനില്ക്കണമെന്നും അവര് വിശ്വസിക്കുന്നു. ചിത്ര വാഗിന് അവരുടേതായ അഭിപ്രായങ്ങളുണ്ട് എന്നും അമൃത ഫഡ്നാവിസ് ചൂണ്ടിക്കാട്ടി. സ്ത്രീകള് ആരാലും മറ്റൊന്നിനാലും സ്വാധീനിക്കപ്പെടരുതെന്നാണ് തന്റെ കാഴ്ചപ്പാട് എന്നും അമൃത ഫഡ്നാവിസ് പറഞ്ഞു.
സംസ്ഥാന ബി ജെ പി വനിതാ വിഭാഗം അധ്യക്ഷയാണ് ചിത്ര വാഗ്. ഉര്ഫി ജാവേദ് യുവാക്കളെ വഴി തെറ്റിക്കുകയാണ് എന്നും അല്പ വസ്ത്രധാരിയായി പൊതുസ്ഥലങ്ങളില് പ്രത്യക്ഷപ്പെടുന്നത് അംഗീകരിക്കാനാകില്ല എന്നുമാണ് ചിത്ര വാഗ് പറയുന്നത്. ഉര്ഫി ജാവേദിന് എതിരെ ചിത്ര വാദ് പരാതിയും നല്കിയിരുന്നു. സംസ്ഥാന വനിതാ കമ്മീഷന് അധ്യക്ഷ രൂപാലി ചക്കങ്കറിനും ചിത്ര വാഗ് പരാതി നല്കിയിരുന്നു.
അതേസമയം ചിത്ര വാഗിനെ പിന്തുണച്ച് ബി ജെ പി നേതാക്കളാരും എത്തിയില്ല എന്നതും ശ്രദ്ധേയമാണ്. ചിത്ര വാഗ് വിഷയം വളരെയധികം നീട്ടി കൊണ്ട് പോയെന്ന് തങ്ങള് വിശ്വസിക്കുന്നു എന്നാണ് പേര് വെളിപ്പെടുത്താത്ത ഒരു ബി ജെ പി പ്രവര്ത്തകന് പറയുന്നത്. അതേസമയം ശരീരം മുഴുവന് മൂടുന്ന വസ്ത്രം ധരിക്കുന്നത് കൊണ്ട് തനിക്ക് ആരോഗ്യപ്രശ്നങ്ങള് ഉണ്ട് എന്നാണ് ഉര്ഫി ജാവേദ് പറയുന്നത്.
ബിഗ് ബോസ് താരമായ ഉര്ഫി ജാവേദിനെ കഴിഞ്ഞ വര്ഷം ദുബായില് വെച്ച് പൊലീസ് പിടികൂടിയതായി വാര്ത്തയുണ്ടായിരുന്നു. അല്പ വസ്ത്രം ധരിച്ച് അനുമതിയില്ലാത്ത സ്ഥലത്ത് ഫോട്ടോഷൂട്ട് നടത്തിയതിനായിരുന്നു പൊലീസ് നടപടി.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google