ഭിക്ഷയെടുത്ത് നേടിയ പണം പലിശയ്ക്ക് കൊടുത്തു.. ഇപ്പോള് കോടീശ്വരന്, മൂന്ന് വീട്.. നിരവധി വാഹനങ്ങള്!
ഇന്ഡോറിലെ ഭിക്ഷക്കാരന്റെ സമ്പാദ്യം കേട്ട് ഞെട്ടി അധികൃതര്. ഇന്ഡോറിലെ സറഫ ബസാറില് ഭിക്ഷയെടുത്ത് ജീവിക്കുന്ന മംഗിലാല് എന്നയാള്ക്ക് കോടികളുടെ ആസ്തിയാണ് ഉള്ളത്. ഇദ്ദേഹത്തിന് മൂന്ന് വീട്, മൂന്ന് ഓട്ടോറിക്ഷകള്, ഒരു സ്വിഫ്റ്റ് ഡിസൈര് കാര് എന്നിവ സ്വന്തമായുണ്ട്. നഗരത്തെ യാചകരില് നിന്ന് മുക്തമാക്കാനുള്ള പ്രചാരണത്തിന്റെ ഭാഗമായ വനിതാ-ശിശു വികസന വകുപ്പിന്റെ യാചന വിരുദ്ധ നീക്കത്തിനിടെയാണ് ഇക്കാര്യം വെളിവായത്.
ഭിന്നശേഷിക്കാരനായ മംഗിലാല് ചക്രങ്ങളുള്ള ഇരുമ്പ് വണ്ടിയില് നഗരമധ്യത്തിലിരുന്നാണ് ഭിക്ഷയെടുക്കുന്നത്. തോളില് ഒരു ബാക്ക്പാക്കും ഒരു ജോഡി ഷൂസിനുള്ളില് കൈകളുമായി, ഇന്ഡോറിലെ തിരക്കേറിയ മാര്ക്കറ്റായ സറഫ ബസാറിലൂടെ അയാള് സ്വയം തള്ളിനീക്കുന്നു. അതേസമയം ഇന്നേവരെ ഇദ്ദേഹം ഒരാളോടും ഭിക്ഷ യാചിച്ചിട്ടില്ല എന്നതാണ് ഏറ്റവും ശ്രദ്ധേയമായ കാര്യം.
ഒന്നും ചോദിക്കാതെ തന്നെ മംഗിലാലിന്റെ ശരീരപ്രകൃതം കണ്ട് ആളുകള് അദ്ദേഹത്തിന് നാണയത്തുട്ടുകളിട്ട് കടന്ന് പോകുന്നു. ഇദ്ദേഹത്തിന്റെ മൂന്ന് വീടുകളില് ഒന്ന് സര്ക്കാര് അനുവദിച്ച വീടാണ്. സറഫയില് പതിവായി ഭിക്ഷ തേടുന്ന ഒരു കുഷ്ഠരോഗിയായിരുന്നു മംഗിലാല് എന്ന വിവരത്തിന്റെ അടിസ്ഥാനത്തില് ശനിയാഴ്ച രാത്രി അധികൃതരുടെ സംഘം ഇദ്ദേഹത്തെ തേടിയെത്തി കൂടെക്കൊണ്ട് പോയി.
ഇതോടെയാണ് കൂടുതല് വിവരങ്ങള് വെളിവായത്. വര്ഷങ്ങളായി, മംഗിലാല് നിശബ്ദമായി അഭ്യര്ത്ഥിക്കുന്നതില് വൈദഗ്ദ്ധ്യം നേടിയിരുന്നു. അദ്ദേഹം ഒരിക്കലും ഭിക്ഷ ചോദിച്ചില്ല. അദ്ദേഹം തന്റെ ഇരുമ്പ് വണ്ടിയില് ഇരുന്നു. ബാക്കിയെല്ലാം സഹതാപം മാത്രമായിരുന്നു. ആളുകള് സഹാനുഭൂതിയോടെ ഭിക്ഷ നല്കി. ദാനധര്മ്മങ്ങളില് നിന്നും അദ്ദേഹത്തിന് ലഭിച്ച ഒരു ദിവസത്തെ വരുമാനം മാത്രം 400 മുതല് 500 രൂപ വരെയായിരുന്നു.
എന്നാല് മംഗിലാല് യഥാര്ത്ഥ ബിസിനസ് ആരംഭിച്ചത് ഇരുട്ടിയതിന് ശേഷമാണ് എന്ന് അന്വേഷണ ഉദ്യോഗസ്ഥര് പറയുന്നു. ഭിക്ഷാടനത്തിലൂടെ സമാഹരിച്ച പണം അതിജീവനത്തിനായി ചെലവഴിച്ചിട്ടില്ലെന്നും, മറിച്ച് സരഫയില് തന്നെ നിക്ഷേപിച്ചിട്ടുണ്ടെന്നും മംഗിലാല് സമ്മതിച്ചു. പ്രാദേശിക വ്യാപാരികള്ക്ക് ഒരു ദിവസത്തേക്കോ ഒരു ആഴ്ചയിലേക്കോ അയാള് പണം കടം കൊടുത്തു.
എല്ലാ വൈകുന്നേരവും അയാള് ഇതിനായി പലിശ ഈടാക്കി. അയാള് 4-5 ലക്ഷം രൂപ വായ്പ നല്കിയിട്ടുണ്ടെന്നും, പലിശ ഉള്പ്പെടെ ഒരു ദിവസം 1,000 മുതല് 2,000 രൂപ വരെ സമ്പാദിച്ചിട്ടുണ്ടെന്നും ഉദ്യോഗസ്ഥര് കണക്കാക്കുന്നു. ഒരുകാലത്ത് ദരിദ്രനായി കാണപ്പെട്ടിരുന്ന മംഗിലാലിന് നഗരത്തിലെ പ്രധാന സ്ഥലങ്ങളില് ഉള്പ്പടെ മൂന്ന് വീടുകള് സ്വന്തമായുണ്ട്. അതില് മൂന്ന് നില കെട്ടിടം, ദിവസവും വാടകയ്ക്ക് നല്കുന്ന മൂന്ന് ഓട്ടോറിക്ഷകള്, വാടകയ്ക്ക് കൊടുക്കുന്ന ഒരു കാര് എന്നിവ ഉള്
പ്പെടുന്നു.
ഇതിനകം തന്നെ ഒന്നിലധികം സ്വത്തുക്കള് സ്വന്തമായുണ്ടായിരുന്നിട്ടും, വൈകല്യം കാരണം, പ്രധാനമന്ത്രി ആവാസ് യോജന (പിഎംഎവൈ) പ്രകാരം അദ്ദേഹത്തിന് ഒരു കിടപ്പുമുറി, ഹാള്, അടുക്കള എന്നിവ അടങ്ങിയ വീടും ലഭിച്ചു. മംഗിലാലിനെ ഇപ്പോള് ഉജ്ജൈനിലെ സേവാധാം ആശ്രമത്തിലേക്ക് മാറ്റിയിരിക്കുകയാണ്. അദ്ദേഹത്തിന്റെ ബാങ്ക് അക്കൗണ്ടുകളും സ്വത്തുക്കളും അന്വേഷണത്തിലാണ്.
അദ്ദേഹത്തില് നിന്ന് പണം കടം വാങ്ങിയ വ്യാപാരികളെയും ചോദ്യം ചെയ്യും. 2021-22 മുതല് മംഗിലാല് ഇത്തരത്തില് ഭിക്ഷാടനം നടത്തുന്നു. നിലവില് അദ്ദേഹത്തെ ഒരു ഷെല്ട്ടര് ഹൗസില് പാര്പ്പിച്ചിരിക്കുകയാണ്. അദ്ദേഹത്തെക്കുറിച്ച് കൂടുതല് വിവരങ്ങള് ശേഖരിച്ചുവരികയാണ് എന്നും കൂടാതെ ഒരു പൂര്ണ്ണ റിപ്പോര്ട്ട് തയ്യാറാക്കി കളക്ടര്ക്ക് സമര്പ്പിച്ചിട്ടുണ്ട് എന്നും അധികൃതര് പറഞ്ഞു.
കൂടുതല് നിര്ദ്ദേശങ്ങള്ക്കനുസരിച്ച് നടപടിയെടുക്കുമെന്ന് അധികൃതര് വ്യക്തമാക്കി. 2024 ഫെബ്രുവരിയില് ആരംഭിച്ച ഇന്ഡോറിന്റെ യാചന വിരുദ്ധ പ്രചാരണത്തില് ഈ കേസ് ഏറെ ചര്ച്ചയായിട്ടുണ്ട്. നഗരത്തില് ഏകദേശം 6,500 യാചകരെയാണ് ഔദ്യോഗിക സര്വേയില് കണ്ടെത്തിയിരിക്കുന്നത്. ഇതുവരെ, കൗണ്സിലിംഗിന് ശേഷം 4,500 പേര് ഭിക്ഷാടനം ഉപേക്ഷിച്ചു. 1,600 പേരെ രക്ഷപ്പെടുത്തി പുനരധിവാസ കേന്ദ്രങ്ങളിലേക്ക് അയച്ചു, 172 കുട്ടികളെ സ്കൂളുകളില് ചേര്ത്തു.
-
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
'ദിലീപിനെതിരെ ഏത് നടിയാണ് പരാതി പറഞ്ഞിട്ടുള്ളത്? മുഖ്യമന്ത്രിയെ തെമ്മാടിയെന്ന് വിളിച്ചയാളാണ് ഞാൻ'; അഖിൽ മാരാർ -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി
Click it and Unblock the Notifications
Sign in with Google