വിദ്യാര്‍ത്ഥിയെ പീഡിപ്പിച്ച് ഗര്‍ഭിണിയാക്കിയ അധ്യാപകനെ നാട്ടുകാര്‍ മര്‍ദ്ദിച്ച് നഗ്നനാക്കി നടത്തി

ഹൈദരാബാദ്: വിദ്യാര്‍ത്ഥിയെ പീഡിപ്പിച്ച് ഗര്‍ഭിണിയാക്കിയ അധ്യാപനകനെ നാട്ടുകാര്‍ മര്‍ദ്ദിച്ച് നഗ്നനാക്കി നടത്തി. ആന്ധ്രപ്രദേശിലെ വെസ്റ്റ് ഗോദാവരി ജില്ലയിലെ ഏളുരില്‍ ഇംഗ്ലീഷ് അധ്യാപകനയാ രാംബാബുവാണ് നാട്ടുകാരുടെ പ്രതിഷേധത്തിന് വിധേയനായത്. അധ്യാപനായ രാംബാബു രണ്ടുവര്‍ഷത്തിലേറെയായി പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചുകൊണ്ടിരിക്കുകയായിരുന്നു.

രണ്ട് വര്‍ഷമായി പീഡനവിവരം പുറം ലോകം അറിഞ്ഞിരുന്നില്ല. എന്നാല്‍ പീഡനത്തെത്തുടര്‍ന്ന് പെണ്‍കുട്ടി ഗര്‍ഭിണിയായണെന്ന് അറിഞ്ഞപ്പോള്‍ ഗര്‍ഭഛിദ്രംനടത്താനുള്ള ശ്രമമാണ് സംഭവം പുറം ലോകത്തെ അറിയിച്ചത്. ഗര്‍ഭച്ഛിദ്രത്തിന് മരുന്ന് നല്‍കിയതിനെ തുടര്‍ന്ന് അമിത രക്തസ്രാവമുണ്ടായ പെണ്‍കുട്ടിയെ ആശുപ്രത്രിയില്‍ പ്രവേശിക്കുകയായിരുന്നു. തുടര്‍ന്ന് പീഡന വിവരം പെണ്‍കുട്ടി വീട്ടുകാരെ അറിയിക്കുകയായിരുന്നു.

വിവരമറഞ്ഞ പെണ്‍ക്കുട്ടിയുടെ ബന്ധുക്കളും നാട്ടുകാരും അധ്യാപകനായ രാംബാബുവിനെ പിടികൂടി മര്‍ദ്ദിച്ചു. പിന്നീട് ഇയാളെ നഗ്നനനാക്കി റോഡിലൂടെ നടത്തിച്ച് പോലീസ് സ്‌റ്റേഷനില്‍ എത്തിക്കുകയായിരുന്നു നാട്ടുകാര്‍.

English summary

Andhra Teacher Stripped; Paraded For Allegedly Student