ബിജെപി പ്രചരിപ്പിക്കുന്നത് വെറുപ്പിന്റെ ഭാഷ.. മോദിക്കെതിരെ ആഞ്ഞടിച്ച് രാഹുല് ഗാന്ധി
ദില്ലി: ദില്ലിയില് ആരംഭിച്ച കോണ്ഗ്രസിന്റെ രണ്ട് ദിവസത്തെ സമ്പൂര്ണ സമ്മേളനത്തില് ബിജെപിയേയും മോദിയേയും കടന്നാക്രമിച്ച് കോണ്ഗ്രസ് അധ്യക്ഷന് രാഹുല്ഗാന്ധി. ബിജെപി ഭരണം രാജ്യത്തെ വിഭജിച്ചിരിക്കുകയാണ്. വെറുപ്പിന്റെ രാഷ്ട്രീയമാണ് ബിജെപി പ്രചരിപ്പിക്കുന്നത്. കോണ്ഗ്രസിന് മാത്രമേ രാജ്യത്തെ രക്ഷിക്കാനാകൂവെന്നും രാഹുല് ഗാന്ധി വ്യക്തമാക്കി. ബിജെപിയെ നേരിടാന് സമാനചിന്താഗതിക്കാരായ രാഷ്ട്രീയ പാര്ട്ടികളുമായി ചര്ച്ചയ്ക്ക് തയ്യാറാണെന്നും കോണ്ഗ്രസ് അധ്യക്ഷന് വ്യക്തമാക്കി.
ലോക്സഭാ, നിയമസഭാ തെരഞ്ഞെടുപ്പുകള് ഒന്നിച്ച് നടത്താനുള്ള സര്ക്കാര് തിരുമാനത്തെ സമ്മേളനം എതിര്ത്തു. ഇതിനെതിരെ സമ്മേളനം പ്രമേയം പാസാക്കി. സമാന ചിന്താഗതിക്കാരായ പാര്ട്ടിക്കാരുമായി സഹകരിക്കാമെന്ന് സമ്മേളനം പ്രമേയം പാസാക്കിയെങ്കിലും വിശാല രാഷ്ട്രീയ സഖ്യത്തെ കുറിച്ച് പ്രമേയത്തില് പരാമര്ശിച്ചിട്ടില്ല. വോട്ടിങ്ങ് മെഷീനുകള്ക്ക് പകരം ബാലറ്റ് പേപ്പറിലേക്ക് തിരിച്ചുപോകണമെന്നും രാഷ്ട്രീയ പ്രമേയത്തില് വ്യക്തമാക്കുന്നുണ്ട്.
എട്ട് വര്ഷത്തിന് ശേഷമാണ് കോണ്ഗ്രസിന്റെ സമ്പൂര്ണ പ്ലീനറി സമ്മേളനം നടക്കുന്നത്. മുതിര്ന്ന നേതാക്കളായ സോണിയാ ഗാന്ധി, മുന് പ്രധാനമന്ത്രി മന്മോഹന് സിങ്, മുന് ധനമന്ത്രി പി ചിദംബരം, ഗുലാം നബി ആസാദ് എന്നിവര് സമ്മേളനത്തില് പങ്കെടുത്തു.
Click it and Unblock the Notifications
Sign in with Google