പ്രശ്നക്കാരിയായ അമ്മായിയമ്മയെ മരുമകള് ഓണ്ലൈനില് വില്പ്പനയ്ക്ക് വച്ചു, മലയാളി?
ദില്ലി: ശല്യം സഹിയ്ക്കാനാകാതെ 60കാരിയായ അമ്മായിയമ്മയെ മരുമകള് ഓണ്ലൈനില് വില്പ്പനയ്ക്ക് വച്ചു . ആരോഗ്യവതിയായ അമ്മായിയമ്മ വില്പ്പനയ്ക്ക് എന്ന പേരിലാണ് മരുമകള് ഇ കൊമേഴ്സ് സൈറ്റായ ഫൈദ ഡോട്ട് കോമില് പരസ്യം നല്കിയത് .
അമ്മായിയമ്മ അറുപതുകാരിയാണെന്നും അവരുടെ ശബ്ദം വളരെ മനോരഹരമാണെന്നും ആ ശബ്ദം കൊണ്ട് അയല്ക്കാരെപ്പോലും കൊല്ലാമെന്നും യുവതി പറയുന്നു . വില്ക്കാന് വച്ച അമ്മായിയമ്മയെപ്പറ്റി മരുമകള് നല്കുന്ന വിവരണമാണിത് . ഇത് കൊണ്ടൊന്നും വിവരണം അവസാനിയ്ക്കുന്നില്ല . ഒരു മികച്ച ഭക്ഷണ വിമര്ശകയാണ് അമ്മായിയമ്മയെന്നും എത്ര മികച്ച ഭക്ഷണം നിങ്ങള് ഉണ്ടാക്കിയാലും അതൊന്നും അവര്ക്ക് മികച്ചതായി തോന്നില്ലെന്നും മികച്ച ഉപദേശയാണ് അമ്മായിയമ്മ എന്നും പറയുന്നു .
മനസമാധാനത്തിനുള്ള ഒരു ബുക്ക് പകരം നല്കിയാല് അമ്മായിയമ്മയെ നല്കാം എന്നാണ് പരസ്യത്തിലെ വാഗ്ദാനം . അടുക്കള സാധനങ്ങളുടെ വിഭാഗത്തിലാണ് യുവതി അമ്മായിയമ്മയെ വില്പ്പനയ്ക്ക് വച്ചത് . പരസ്യം പ്രത്യക്ഷപ്പെട്ട് പത്ത് മിനിട്ടിനുളളില് തന്നെ അത് നീക്കം ചെയ്തു എന്നതാണ് മറ്റൊരു കാര്യം .