• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മികച്ച പാര്‍ട്ണര്‍; സച്ചിന്‍ പറയുന്നു

മുംബൈ: സൗരവ് ഗാംഗുലി, രാഹുല്‍ ദ്രാവിഡ്, വി വി എസ് ലക്ഷ്മണ്‍ .... ആരാണ് സച്ചിന്റെ മികച്ച പാര്‍ട്ണര്‍? ക്രിക്കറ്റ് കളത്തില്‍ ഉത്തരം പലതാകാമെങ്കിലും ജീവിതത്തില്‍ സച്ചിന് ഒരു ഉത്തരമേ ഉള്ളൂ. അഞ്ജലി തെണ്ടുല്‍ക്കര്‍ എന്നതാണത്. ഇതുവരെയുള്ള ജീവിതത്തില്‍ തന്റെ ഏറ്റവും മികച്ച പാര്‍ട്ണര്‍ അഞ്ജലിയാണ് എന്നായിരുന്നു സച്ചിന്‍ തന്റെ വിടവാങ്ങല്‍ പ്രസംഗത്തില്‍ പറഞ്ഞത്.

അഞ്ജലിയുടെ പിന്തുണയില്ലായിരുന്നെങ്കില്‍ താന്‍ ഇന്നിവിടെ ഇങ്ങനെ നില്‍ക്കില്ലായിരുന്നു. ഒരു ഡോക്ടര്‍ എന്ന നിലയില്‍ തന്റെ കരിയര്‍ മാറ്റിവെച്ചാണ് അഞ്ജലി കുടുംബത്തിന്റെ ഉത്തരവാദിത്തം ഏറ്റെടുത്തത്. അതുകൊണ്ടാണ് എനിക്ക് ക്രിക്കറ്റില്‍ ശ്രദ്ധ കേന്ദ്രീകരിക്കാനും കളിച്ചുനടക്കാനും പറ്റിയത് - സച്ചിന്‍ പറഞ്ഞു.

അഞ്ജലിയെ വിവാഹം ചെയ്തതാണ് ജീവിതത്തില്‍ നടന്ന ഏറ്റവും നല്ല കാര്യങ്ങളിലൊന്നായി സച്ചിന്‍ കരുതുന്നത്. അതിനുള്ള അനുമതി തന്ന അഞ്ജലിയുടെ ബന്ധുക്കളോട് സച്ചിന്‍ നന്ദി പറഞ്ഞു. നേരത്തെ ക്രിക്കറ്റ് കളിക്കാത്ത സച്ചിനെക്കുറിച്ച് ആലോചിക്കാന്‍ പോലും കഴിയില്ല എന്നായിരുന്നു അഞ്ജലി സച്ചിനെക്കുറിച്ച് പറഞ്ഞത്. 24 വര്‍ഷമായി സച്ചിന്റെ ജീവിതം ക്രിക്കറ്റ് മാത്രമാണ്.

തന്റെ മക്കളായ അര്‍ജ്ജുനും സാറയ്ക്കും സച്ചിന്‍ പ്രത്യേകമായി നന്ദി പറഞ്ഞു. അവരുടെ പിറന്നാളുകള്‍, പ്രത്യേക ദിവസങ്ങള്‍, സ്‌പോര്‍ട്‌സ് ഡേ ... ഒന്നിലും എനിക്ക് പങ്കെടുക്കാന്‍ കഴിഞ്ഞില്ല. നിങ്ങള്‍ എന്നോട് ക്ഷമിക്കുക. ഇനിയുള്ള മുഴുവന്‍ വര്‍ഷങ്ങളും നിങ്ങള്‍ക്ക് വേണ്ടി മാത്രമുള്ളതാണ് - വികാരവിക്ഷുബ്ധനായി സച്ചിന്‍ പറഞ്ഞു.

English summary
Sachin thanking wife Anjali in his farewell speech. 'The most important one in 1991, I met my wife Anjali. I know she was a doctor. When we decided to make a family, she said, you continue with your cricket and I'll take care of the family. Without that I think I couldn't have played so much cricket'.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X