Click it and Unblock the Notifications
Just In
Don't Miss
-
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബിജെപിയുടെ സഹായം തേടി ഹസാരെ
ദില്ലി: ബി ജെ പിയുടെ സഹായം അഭ്യര്‍ഥിച്ച് ഗാന്ധിയന്‍ അണ്ണാ ഹസാരെയുടെ കത്ത്. ബി ജെ പി അധ്യക്ഷന്‍ രാജ്‌നാഥ് സിംഗിനാണ് ഹസാരെ കത്തയച്ചത്. ഗുഡ്ഗാവില്‍ തന്റെ പ്രതിമ നിര്‍മിക്കാന്‍ സഹായം അഭ്യര്‍ഥിച്ചാണ് കത്തയച്ചിരിക്കുന്നത്. ഗുഡ്ഗാവില്‍ സ്ഥാപിക്കുന്ന അണ്ണാ ഹസാരെയുടെ പ്രതിമയ്‌ക്കെതിരെ ഹരിയാന ബി ജെ പി നേതാക്കള്‍ രംഗത്തുവന്നിരുന്നു.
അണ്ണാ ഹസാരെയുടെ അനുയായികളാണ് ഗുഡ്ഗാവില്‍ പ്രതിമ നിര്‍മിക്കുന്നത്. ഹസാരെയുടെ അനുവാദത്തോടെയാണ് പ്രതിമ നിര്‍മാണം ആരംഭിച്ചത്. എന്നാല്‍ സംസ്ഥാനത്തെ ബി ജെ പി നേതാക്കള്‍ ഇതിനെതിരെ പ്രതിഷേധവുമായി രംഗത്തുവന്നിരുന്നു. ബി ജെ പി വക്താവ് ഉമേഷ് അഗര്‍വാള്‍ അടക്കമുള്ള പ്രമുഖര്‍ എതിര്‍ത്തതോടെ പ്രതിമാ നിര്‍മാണം തടസ്സപ്പെട്ടിരുന്നു.
ഉമേഷ് അഗര്‍വാള്‍ നല്‍കിയ പരാതിയില്‍ ഗുഡ്ഗാവ് പോലീസ് നാല് അണ്ണാ ഹസാരെ അനുയായികളെ അറസ്റ്റ് ചെയ്തിരുന്നു. ലോക്പാല്‍ ബില്‍ പ്രക്ഷോഭകാലം മുതല്‍ അണ്ണാ ഹസാരെയുടെ വിശ്വസ്തനായി ഒപ്പമുള്ള പി എല്‍ കതാരിയയാണ് പ്രതിമാ നിര്‍മാണത്തിന് നേതൃത്വം കൊടുക്കുന്നത്.
ഇക്കാര്യത്തില്‍ സഹായം തേടിയാണ് ബി ജെ പി അധ്യക്ഷന്‍ രാജ് നാഥ് സിംഗിന് ഹസാരെ കത്തയച്ചത്. താന്‍ വ്യക്തിപരമായി പ്രതിമാ നിര്‍മാണത്തിന് എതിരാണെന്നും എന്നാല്‍ അനുയായികളുടെ ആഗ്രഹത്തിന് സമ്മതം മൂളുകയായിരുന്നു എന്നും ഹസാരെ കത്തില്‍ പറയുന്നു. ഇതിനാവശ്യമായ സഹായങ്ങള്‍ ചെയ്യണമെന്നും കത്തില്‍ ഹസാരെ ആവശ്യപ്പെടുന്നു. 2013 ഡിസംബര്‍ 29 നാണ് ഹസാരെ രാജ്‌നാഥ് സിംഗിന് കത്തയച്ചിരിക്കുന്നത്.
