കൊൽക്കത്ത നഗരത്തിൽ ഒരു മോഡൽ കൂടി ആത്മഹത്യ ചെയ്തു; രണ്ടാഴ്ചക്കിടെ മരിച്ചത് നാല് മോഡലുകൾ

കൊൽക്കത്ത; കൊൽക്കത്ത നഗരത്തിൽ വീണ്ടും ഒരു മോഡലിനെ മരിച്ച നിലയിൽ കണ്ടെത്തി. പതിനെട്ടുകാരിയായ സരസ്വതി ദാസിനെ ആണ് അവരുടെ വസതിയിൽ കഴിഞ്ഞ ദിവസം മരിച്ച നിലയിൽ കണ്ടെത്തിയിരിക്കുന്നത്. തൂങ്ങി മരിച്ച നിലയിലാണ് ഇവരെ കണ്ടെത്തിയതെന്ന് പോലീസ് പറഞ്ഞു. കൊൽക്കത്തയിലെ കസ്ബ ഏരിയയിലെ ബേദിയാഡംഗയിലാണ് സരസ്വതിയുടെ വീട്. കഴിഞ്ഞ രണ്ടാഴ്ചക്കിടെ മൂന്ന് മോഡലുകൾ ഇതിന് സമാനമായി ന ഗരത്തിൽ ആത്മഹത്യ ചെയ്തിരുന്നു.

നിരവധി ചെറുകിട സംരംഭങ്ങൾക്ക് മോഡലായി ജോലി ചെയ്തിരുന്നു സരസ്വതി. ഇവർച്ച് ചില വലിയ ഓഫറുകൾ വന്നിരുന്നെന്നും പോലീസ് പറയുന്നു. സ്വന്തം ദുപ്പട്ട ഉപയോ ഗിച്ചാണ് സരസ്വതി ആത്മഹത്യ ചെയ്തിരിക്കുന്നത്. "ഇതൊരു ആത്മഹത്യയാണെന്ന് തോന്നുന്നു, പക്ഷേ നമ്മൾ മറ്റ് കോണുകളും പരിശോധിക്കേണ്ടതുണ്ട്. സരസ്വതിയുടെ മുത്തശ്ശിയാണ് അവളെ ആദ്യം തൂങ്ങിമരിച്ച നിലയിൽ കണ്ടത്, പച്ചക്കറി കട്ടർ ഉപയോഗിച്ച് ദുപ്പട്ട മുറിച്ച് താഴെയിറക്കി. പെൺകുട്ടിയെ അടുത്തുള്ള ആശുപത്രിയിൽ എത്തിച്ചു. പോസ്റ്റ്‌മോർട്ടം റിപ്പോർട്ടിനായി ഞങ്ങൾ കാത്തിരിക്കുകയാണ്," മുതിർന്ന ഒരു പോലീസ് ഉദ്യോ ഗസ്ഥൻ പറഞ്ഞു.

നേരത്തെ ഈ ന ഗരത്തിൽ തന്നെ മോഡലുകളായ മഞ്ജുഷ നിയോഗി, ബിദിഷ ഡി മജുംദാർ, പല്ലബി ഡേ എന്നിവരും ആത്മഹത്യ ചെയ്തിരുന്നു. ഇവരുമായി സരസ്വതിക്ക് ബന്ധമുണ്ടോ എന്ന കാര്യവും അന്വേഷിച്ച് വരുന്നതായി പോലീസ് പറഞ്ഞു. "അമ്മയും അമ്മായിയും ജോലിക്ക് പോയതിന് ശേഷം ശനിയാഴ്ച രാത്രിയാണ് പെൺകുട്ടി ആത്മഹത്യ ചെയ്തത്. ഞങ്ങൾ അവളുടെ മൊബൈൽ ഫോൺ പിടിച്ചെടുത്തു, ഞങ്ങളുടെ അന്വേഷണവുമായി ബന്ധപ്പെട്ട് സോഷ്യൽ നെറ്റ്‌വർക്കിംഗ് പ്ലാറ്റ്‌ഫോമുകളിലെ അവളുടെ പ്രവർത്തനം പരിശോധിക്കുന്നു," പോലീസ് ഉദ്യോ ഗസ്ഥൻ കൂട്ടിച്ചേർത്തു.

സരസ്വതിയുടെ കുട്ടിക്കാലത്ത് കുടുംബം ഉപേക്ഷിച്ച് പോയ വ്യക്തിയായിരുന്നു ഇവരുടെ അച്ഛൻ. പിന്നീട് അമ്മയും അമ്മായിയും ചേർന്നാണ് അവളെ വളർത്തിയിരുന്നത്. മോഡലിം ഗിന് പുറമെ ബ്യൂട്ടിഷൻ ജോലികളും സരസ്വതി ചെയ്തിരുന്നതായി ഇദ്ദേഹം കൂട്ടിച്ചേർത്തു. അതേ സമയം കഴിഞ്ഞ വെള്ളിയാഴ്ചയാണ് മോഡലായ മഞ്ജുഷയെ (26) സ്വന്തം മുറിയിൽ തൂങ്ങിമരിച്ച നിലയിൽ കണ്ടെത്തിയത്. സുഹൃത്തും സഹപ്രവർത്തകയുമായ ബിദിഷ ഡി മജുംദാർ ബുധനാഴ്ച ആത്മഹത്യ ചെയ്തത് മഞ്ജുഷയെ ഏറെ വേദനിപ്പിച്ചെന്ന് മഞ്ജുഷയുടെ അമ്മ പറഞ്ഞു. മെയ് 15ന് ഗാർഫയിൽ വാടകയ്‌ക്കെടുത്ത അപ്പാർട്ട്‌മെന്റിലെ മുറിയിലാണ് ടെലിവിഷൻ താരവും മോഡലും ആയ പല്ലബി ഡേയെ മരിച്ച നിലയിൽ കണ്ടെത്തിയത്.

English summary

Another model commits suicide in Kolkata Four models died in two weeks