ജയലളിതയുടെ ഒരു വിശ്വസ്ത കൂടി രാജിവച്ചു; ശാന്ത ഷീല നായർ ഐഎഎസ്സിന് ശശികലയ്ക്ക് ഒപ്പം ജോലി ചെയ്യേണ്ട ?

സംസ്ഥാന പ്ലാനിഗ് കമ്മീഷന്‌റെ അധ്യക്ഷ കൂടിയായിരുന്നു ശാന്ത. ജയലളിതയുടെ ജനപ്രിയ പദ്ധതികള്‍ എല്ലാം നടപ്പിലാക്കിയിരുന്നത് ഇവരുടെ നേതൃത്വത്തില്‍ ആയിരുന്നു

ചെന്നൈ: അന്തരിച്ച തമിഴ്‌നാട് മുഖ്യമന്ത്രി ജയലളിതയുടെ വിശ്വസ്തരുടെ ലിസ്റ്റില്‍ ഉണ്ടായിരുന്ന ഒരാള്‍ കൂടി രാജിവച്ചു. ശശികല തമിഴ്‌നാട് മുഖ്യമന്ത്രിയായി സത്യപ്രതിജ്ഞ ചെയ്യാനിരിക്കെയാണ് പുതിയ രാജി. മലയാളിയും റിട്ടയേര്‍ഡ് ഐഎഎസ് ഓഫീസറുമായ ശാന്ത ഷീല നായരാണ് രാജി വച്ചത്. മുഖ്യമന്ത്രിയുടെ ഓഫീസിന്‌റെ ചുമതലയാണ് ശാന്ത വഹിച്ചിരുന്നത്.

സംസ്ഥാന പ്ലാനിഗ് കമ്മീഷന്‌റെ അധ്യക്ഷ കൂടിയായിരുന്നു ശാന്ത. ജയലളിതയുടെ ജനപ്രിയ പദ്ധതികള്‍ എല്ലാം നടപ്പിലാക്കിയിരുന്നത് ഇവരുടെ നേതൃത്വത്തില്‍ ആയിരുന്നു. സംസ്ഥാന ഇന്‌റലിജന്‍സ് മേധാവിയും ഏതാനും ദിവസങ്ങളായി ലീവില്‍ ആണ്.

ശശികലയുടെ അധികാര പ്രവേശമാണ് ഇവരെല്ലാം സ്ഥാനം വിട്ടൊഴിയാന്‍ കാരണമെന്നാണ് റിപ്പോര്‍ട്ട്. ജയലളിതയുമായി അടുപ്പം ഉണ്ടായിരുന്ന മറ്റ് 3 ഉന്നതഉദ്യോഗസ്ഥരും കഴിഞ്ഞ ദിവസങ്ങളിൽ രാജി വച്ചിരുന്നു. ഷീല ബാലകൃഷ്ണന്‍, കെ എന്‍ വെങ്കട്ടരാമന്‍, എ രാമലിംഗം എന്നിവരാണ് രാജിവച്ചത്.

English summary

Santha’s resignation comes just three days after the resignation of three other bureaucrats who were close to Jayalalithaa but had reportedly not transferred their loyalties to Sasikala.