കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

തമിഴ്നാട്ടില്‍ കോലം വരച്ചുള്ള പ്രതിഷേധം വ്യാപകം; ചിത്രങ്ങള്‍ പങ്കുവെച്ച് സ്റ്റാലിനും കനിമൊഴിയും

Google Oneindia Malayalam News

Recommended Video

cmsvideo
Anti CAA Protests In The Form Of Kolam | Oneindia Malayalam

ചെന്നൈ: ദേശീയ പൗരത്വ നിയമഭേദഗതിക്കെതിരെ തമിഴ്നാട്ടില്‍ കോലം വരച്ചുള്ള പ്രതിഷേധം വ്യാപകമാവുന്നു.നിയമത്തിനെതിരെ കോലം വരച്ച് പ്രതിഷേധിച്ചവരെ ഇന്നലെ പോലീസ് കസ്റ്റഡിയില്‍ എടുത്തിരുന്നു. ഇതിന് പിന്നാലെയാണ് സമാന രീതിയിലുള്ള പ്രതിഷേധം ശക്തമായിരിക്കുന്നത്. ഡിഎംകെ അധ്യക്ഷന്‍ എംകെ സ്റ്റാലിന്‍, എംപി കനിമൊഴി എന്നിവരുടെ വീടുകള്‍ക്ക് മുന്നിലും സിഎഎയ്ക്കും എന്‍ആര്‍സിക്കുമെതിരെ കോലങ്ങള്‍ പ്രത്യക്ഷപ്പെട്ടിട്ടുണ്ട്.

ആല്‍വാര്‍പെട്ടില്‍ തന്‍റെ വീടിന് മുന്നില്‍ വരച്ച കോലം എംകെ സ്റ്റാലിന്‍ ട്വീറ്റ് ചെയ്തിട്ടുണ്ട്. ഞായറാഴ്ച വൈകീട്ടോടെ കനിമൊഴിയുടെ സിഐടി കോളനിയിലെ വീടിന് മുന്നില്‍ കോലം വരച്ചിരുന്നു. കൂടാതെ ഡിഎംകെയുടെ വനിതാ വിഭാഗം പ്രവര്‍ത്തകരോടും വീടിന് മുന്നില്‍ കോലം വരച്ച് പ്രതിഷേധിക്കാന്‍ നേതാക്കള്‍ ആഹ്വാനം ചെയ്തിരുന്നു. ഇതോടെ നിരവധി പ്രവര്‍ത്തകരാണ് വിവിധ ഭാഗങ്ങളില്‍ കോലം വരച്ച് പ്രതിഷേധിച്ചത്.

 stalinkolam

കോലം വരച്ചവരെ അറസ്റ്റ് ചെയ്ത നടപടിക്കെതിരെ നേരത്തേ സ്റ്റാലിന്‍ രംഗത്തെത്തിയിരുന്നു. പ്രതിഷേധിച്ചവര്‍ക്കെതിരെ രജിസ്റ്റര്‍ ചെയ്ത കേസ് പിന്‍വലിക്കണമെന്ന് സ്റ്റാലിന്‍ ആവശ്യപ്പെട്ടിരുന്നു. മനുഷ്യാവകാശങ്ങളെ ബഹുമാനിക്കാന്‍ സര്‍ക്കാര്‍ തയ്യാറാവണമെന്നും സ്റ്റാലിന്‍ ആവശ്യപ്പെട്ടിരുന്നു.

ഇന്നലെ രാവിലെയാണ് ചെന്നൈയിലെ ബെസന്ത് നഗറില്‍ വീടിന് മുന്‍പില്‍ കോലം വരച്ച് പ്രതിഷേധിച്ചവരെ പോലീസ് അറസ്റ്റ് ചെയ്തത്. ഇവരെ പുറത്തിറക്കാനെത്തിയ അഭിഭാഷകരേയും പോലീസ് കസ്റ്റഡിയില്‍ എടുത്തിരുന്നു.

ബാഫഖി തങ്ങളുടെ കൊച്ചുമകന്‍ ബിജെപിയില്‍ നിന്ന് രാജിവച്ചു; പൗരത്വ നിയമത്തിനെതിരെ പ്രതിഷേധംബാഫഖി തങ്ങളുടെ കൊച്ചുമകന്‍ ബിജെപിയില്‍ നിന്ന് രാജിവച്ചു; പൗരത്വ നിയമത്തിനെതിരെ പ്രതിഷേധം

മുസ്ലിം വീടുകളില്‍ യുപി പോലീസ് അഴിഞ്ഞാടി; കലാപകാരികളെ പോലെ, തെളിവുമായി ആക്ടിവിസ്റ്റുകള്‍മുസ്ലിം വീടുകളില്‍ യുപി പോലീസ് അഴിഞ്ഞാടി; കലാപകാരികളെ പോലെ, തെളിവുമായി ആക്ടിവിസ്റ്റുകള്‍

English summary
Anti-CAA ‘kolams’; MK Stalin shares pictures
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X