Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ജമ്മു കശ്മീരില്‍ ഏത് ഇന്ത്യക്കാരനും ഇനി ഭൂമി വാങ്ങാം; പുതിയ ഭേദഗതി വരുത്തി കേന്ദ്രം
ദില്ലി: ഇന്ത്യയുടെ ഇതര ഭാഗങ്ങളിലുള്ളവര്‍ക്ക് കശ്മീരിലേക്ക് വഴി തുറന്ന് കേന്ദ്ര സര്‍ക്കാര്‍. ജമ്മു കശ്മീരില്‍ ഏത് ഇന്ത്യക്കാരനും സ്ഥലം വാങ്ങാന്‍ സര്‍ക്കാര്‍ അനുമതി നല്‍കി. നിലവിലുള്ള നിയമത്തില്‍ ഭേദഗതി വരുത്തിയാണ് ഈ മാറ്റം കേന്ദ്രം നടപ്പാക്കിയത്. കശ്മീരിന് മാത്രമുണ്ടായിരുന്ന 26 നിയമങ്ങള്‍ കേന്ദ്രം പിന്‍വലിച്ചു വിജ്ഞാപനം ഇറക്കി. ജമ്മു കശ്മീര്‍ ഡെവലപ്‌മെന്റ് ആക്ടിലെ 17ാം വകുപ്പ് പ്രകാരം കശ്മീരില്‍ സ്ഥരതാമസമുള്ളവര്‍ക്ക് മാത്രമേ സ്ഥലം വാങ്ങാന്‍ അനുമതിയുണ്ടായിരുന്നുള്ളൂ. ഈ വകുപ്പാണ് റദ്ദാക്കിയത്.
കഴിഞ്ഞ വര്‍ഷം ആഗസ്റ്റ് 5നാണ് കശ്മീരിന്റെ പ്രത്യേക അധികാരങ്ങള്‍ കേന്ദ്രം റദ്ദാക്കിയതും സംസ്ഥാന പദവി എടുത്തുകളഞ്ഞതും. ഇപ്പോഴാണ് കശ്മീരികളല്ലാത്തവര്‍ക്കും കശ്മീരില്‍ സ്ഥലങ്ങള്‍ സ്വന്തമായി വാങ്ങാമെന്ന വിജ്ഞാപനം ഇറക്കിയത്. കൃഷി ഭൂമി കാര്‍ഷികേതര ആവശ്യങ്ങള്‍ക്ക് കൈമാറാന്‍ അനുവദിക്കില്ലെന്ന് ലഫ്. ഗവര്‍ണര്‍ മനോജ് സിന്‍ഹ മാധ്യമങ്ങളോട് പറഞ്ഞു. പുതിയ മാറ്റങ്ങള്‍ വന്നതോടെ കശ്മീരിലേക്ക് കൂടുതല്‍ പേര്‍ എത്തുമെന്നാണ് കരുതുന്നത് എന്ന് മുന്‍ അഡ്വക്കേറ്റ് ജനറല്‍ മുഹമ്മദ് ഇസ്ഹാഖ് ഖാദിരി പറഞ്ഞു. നിയമ തടസങ്ങളെല്ലാം നീങ്ങിയെന്നും അദ്ദേഹം കൂട്ടിച്ചേര്‍ത്തു.
അതേസമയം, സര്‍ക്കാര്‍ വിജ്ഞാപനത്തിന് എതിരെ കശ്മീരിലെ രാഷ്ട്രീയ പാര്‍ട്ടികള്‍ രംഗത്തുവന്നു. കശ്മീരിനെ വില്‍ക്കാന്‍ വെച്ചിരിക്കുകയാണെന്ന് മുന്‍ മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായ ഉമര്‍ അബ്ദുല്ല പറഞ്ഞു. അംഗീകരിക്കാന്‍ പറ്റാത്ത മാറ്റങ്ങളാണ് കേന്ദ്രസര്‍ക്കാര്‍ വരുത്തിയിരിക്കുന്നത്. പാവപ്പെട്ടവരാണ് കൂടുതല്‍ പ്രതിസന്ധി നേരിടുക എന്നും അദ്ദേഹം ട്വീറ്റ് ചെയ്തു.
കശ്മീരിന് ഇപ്പോള്‍ സംസ്ഥാന പദവി ഇല്ല. കശ്മീരിനെ രണ്ടു കേന്ദ്ര ഭരണ പ്രദേശങ്ങളാക്കി മാറ്റുകയാണ് നരേന്ദ്ര മോദി സര്‍ക്കാര്‍ ചെയ്തത്. ജമ്മു കശ്മീരും ലഡാക്കും. കശ്മീര്‍ എന്നത് നിയമസഭയോട് കൂടിയ കേന്ദ്ര ഭരണ പ്രദേശമാകും. ലഡാക്കില്‍ ഭരണം കേന്ദ്രസര്‍ക്കാര്‍ നേരിട്ടാകും. കശ്മീരിന്റെ സംസ്ഥാന പദവി എടുത്തുകളഞ്ഞതോടെ രാജ്യത്തെ സംസ്ഥാനങ്ങളുടെ എണ്ണം 28 ആയി കുറഞ്ഞു. അതേസമയം കേന്ദ്ര ഭരണ പ്രദേശങ്ങള്‍ ഒമ്പതായി വര്‍ധിക്കുകയും ചെയ്തു.
Recommended Video
