കലാമിന്റെ അന്ത്യനിമിഷങ്ങളെന്നപേരില്‍ വൈറലായത് 8 വര്‍ഷം മുമ്പെയുള്ള ഫോട്ടോ

ദില്ലി : മുന്‍ രാഷ്ട്രപതി എപിജെ അബ്ദുള്‍ കലാമിന്റെ നിര്യാണത്തെ തുടര്‍ന്ന്, കലാമിന്റെ അന്ത്യനിമിഷങ്ങളെന്ന് പറഞ്ഞ് വൈറലായ ചിത്രം 8 വര്‍ഷം മുമ്പ് എടുത്തതാണത്രെ. പ്രമുഖ മീഡിയകളും സോഷ്യല്‍ മീഡിയയും ഈ ചിത്രം വെച്ചായിരുന്നു ആദ്യം ആദരാഞ്ജലികള്‍ അര്‍പ്പിച്ചിരുനന്നത്

എന്നാല്‍ ചിത്രം 8 വര്‍ഷം മുമ്പ് എടുത്തതാണെന്നു മനസിലാക്കിയ മാധ്യമങ്ങള്‍ ചിത്രം പിന്‍വലിച്ചു. എന്നാല്‍ അതിനോടകം തന്നെ ചിത്രം സോഷ്യല്‍ മീഡിയയില്‍ പ്രചാരം നേടിക്കഴിഞ്ഞിരുന്നു.

ഏകദേശം 8 വര്‍ഷങ്ങള്‍ക്ക് മുമ്പ് ദില്ലിയിലെ സംഗിത നാടക അക്കാദമിയില്‍ ഒരു ചടങ്ങില്‍ പങ്കെടുക്കവേ കലാം വീഴാന്‍ പോയപ്പോള്‍ എടുത്ത ചിത്രമായിരുന്ന അത്. ആ ചിത്രമാണ് കലാമിന്റെ അന്ത്യനിമിഷങ്ങളെന്ന് പറഞ്ഞ് വൈറലായത്

തിങ്കളാഴ്ച്ച വൈകിട്ട് ഷില്ലോംഗ് ഐഐഎമ്മില്‍ പ്രഭാഷണം നടത്തുന്നതിനിടെ അദ്ദേഹം കുഴഞ്ഞ് വീഴുകയായിരുന്നു. തുടര്‍ന്ന് ആശുപത്രിയില്‍ എത്തിച്ചെങ്കിലും ഹൃദയാഘാതംമൂലം മരണം സംഭവിക്കുകയായിരുന്നു.

English summary

A photo has been doing the rounds on social media claiming it is the last moment of the former President, who died of cardiac arrest after collapsing at an event in Meghalaya.