കലാമിന്റെ സന്ദേശങ്ങള് ആനിമേഷന് ചിത്രത്തിന് പ്രമേയമാകുന്നു
ദില്ലി : അന്തരിച്ച മുന് രാഷ്ട്രപതി ഡോ. എ.പി.ജെ. അബ്ദുല് കലാമിന്റെ സന്ദേശങ്ങളും ജീവിതശൈലിയും ആനിമേഷന് ചിത്രത്തിന് പ്രമേയമാകുന്നു.
കലാമിന്റെ ആത്മകഥയായ അഗ്നിച്ചിറകുകളിലെ ഒരു ഭാഗം ഓണ്ലൈന് കോമിക് പോര്ട്ടലായ സെന് പെന്സില്സിനു വേണ്ടി ആസ്ട്രേലിയന് ചിത്രകാരന് ഗവിന് ഥാനാണ് ആനിമേഷന് രൂപത്തിലേക്ക് മാറ്റുന്നത്.
ഒരു പെണ്കുട്ടി നീന്തല്താരമാകാന് ആഗ്രഹിക്കുകയും എന്നാല്, സമൂഹവും കുടുംബവും നിരുത്സാഹപ്പെടുത്താന് ശ്രമിച്ചുകൊണ്ടിരിക്കുന്നു. ഇങ്ങനെയൊരു വിവരണത്തോടെയാണ് ചിത്രകഥ ആരംഭിക്കുന്നത്.
സമൂഹത്തിന്റെ വിലക്കുകള് മാറ്റി തങ്ങളുടെ സ്വപ്നങ്ങളിലേക്ക് നടന്നടുക്കണമെന്ന കലാമിന്റെ സന്ദേശമാണ് പിന്നീട് കഥയെ മുന്നോട്ടു നയിക്കുന്നത്. ചെറിയൊരു ഗ്രാമത്തില് ജനിച്ച് സ്വന്തം പരിശ്രമത്തിലൂടെയും കഠിനാധ്വാനത്തിലൂടെയും ലോകം ആദരിക്കുന്ന ശാസ്ത്രജ്ഞനും രാജ്യത്തിന്റെ പ്രഥമ പൗരനുമായി മാറിയ ആളാണ് എ.പി.ജെ. അബ്ദുല് കലാം