നിങ്ങൾ ഗൂഗിൾ ക്രോം ബ്രൗസർ ഉപയോഗിക്കുന്നുണ്ടോ? ശ്രദ്ധിക്കണം, സർക്കാരിന്റെ മുന്നറിയിപ്പ് ഇങ്ങനെ...

Updated: Wednesday, December 15, 2021, 12:08 [IST]

ഡൽഹി: ഇന്റർനെറ്റിന്റെ സഹായത്തോടെ ഗൂഗിൾ ക്രോം ബ്രൗസർ വ്യാപകമായി ഉപയോഗിക്കുന്ന ആളുകൾക്ക് സർക്കാർ മുന്നറിയിപ്പ് നൽകി.

ഇലക്ട്രോണിക്സ് ആന്റ് ഇൻഫർമേഷൻ ടെക്നോളജി മന്ത്രാലയത്തിന് കീഴിൽ പ്രവർത്തിക്കുന്ന ഗവൺമെന്റിന്റെ കമ്പ്യൂട്ടർ എമർജൻസി റെസ്‌പോൺസ് ടീമിൽ സി ഇ ആർ ടി - ഇൻ ) നിന്നാണ് മുന്നറിയിപ്പ് വന്നത്.

സി ഇ ആർ ടി - ഇൻ പുറത്ത് വിട്ട റിപ്പോർട്ട് പ്രകാരം ക്രോമിൽ നിരവധി കേടുപാടുകൾ കണ്ടെത്തിയിട്ടുണ്ട്, ഇത്തരത്തിൽ കണ്ടെത്തിയ കേടുപാടുകളിലൂടെ ഒരു സൈബർ ആക്രമണം നടത്താൻ ഉദ്ദേശിക്കുന്ന വ്യക്തിയ്ക്ക് ഇത് ഉപയോഗപ്പെടുത്തി ഉപയോക്താക്കളുടെ സിസ്റ്റത്തിൽ അനിയന്ത്രിതമായ കോഡ് നടപ്പിലാക്കാൻ കഴിയും.

സി ഇ ആർടി - ഇൻ വ്യക്തമാക്കുന്നത് അനുസരിച്ച്, വി 8 ലെ ടൈപ്പ് കൺഫ്യൂഷൻ കാരണം ആണ് ഇപ്പോൾ കേടുപാടുകൾ കണ്ടെത്തിയത്. ഇതിലൂടെ ഹാക്കർമാർക്ക് വ്യക്തിഗത ഡാറ്റയിലേക്ക് ആക്‌സസ് ലഭിക്കും. തുടർന്ന് ടാർഗെറ്റ് ചെയ്‌ത കമ്പ്യൂട്ടറിൽ വൈറസ്സുകൾ കുത്തിവയ്ക്കാനും സാധിക്കുമെന്നും മാൽവെയറുകൾ ഇൻസ്റ്റാൾ ചെയ്യാനും കഴിയും.

കോമിൽ ഉളള ഏറ്റവും പുതിയ അപ്‌ഡേറ്റിൽ ഈ കേടുപാടുകൾക്ക് ഉളള ഒരു പരിഹാരം ഗൂഗിൾ ഇതിനകം തന്നെ പുറത്തിറക്കിയിട്ടുണ്ട് എന്നാണ് വ്യക്തമാക്കിയിരിക്കുന്നത്. ഇത് കൂടാതെ സി ഇ ആർ ടി - ഇൻ ഉപയോക്താക്കളോട് അവരുടെ ഗൂഗിൾ ബ്രൗസർ എത്രയും വേഗം അപ്‌ഡേറ്റ് ചെയ്യാൻ അഭ്യർത്ഥിക്കുകയും ചെയ്തു.

പഴുതുകൾ മാറ്റം ചെയ്യുന്നതിനും ഉപയോക്താക്കളുടെ കമ്പ്യൂട്ടറുകൾ വിദൂരമായി നിയന്ത്രിക്കുന്നതിൽ നിന്നും ഹാക്കർമാരെ തടയുന്നതിനും ഇതിന്റെ സ്വകാര്യത ഉറപ്പാക്കുന്നതിനും 22 തരം സുരക്ഷാ പരിഹാരങ്ങൾ നിർദ്ദേശങ്ങൾ നൽകിയിട്ടുണ്ട്. ഈ പരിഹാരങ്ങൾ നിർദ്ദേശങ്ങൾ "ബാഹ്യ ഗവേഷകർ" ആണ് എടുത്ത് കാണിച്ചതെന്ന് ഗൂഗിൾ പറഞ്ഞു.

അതേസമയം, ഗൂഗിൾ അടുത്തിടെ പ്രഖ്യാപിച്ചത് പോലെ , വിൻഡോസ് , മാക് , ലിനക്സ് എന്നിവയ്‌ക്കായി 96.0.4664.93 പേരാണ് വ്യാപകമായി ബ്രൗസർ ഉപയോഗിക്കുന്നത്. ഇവർ സ്ഥിരതയുള്ള ഉപയോക്താക്കൾ ആണ്. എന്നാൽ, വരും ആഴ്‌ചകളിൽ വിൻഡോസിനും മാക്കിനുമായി "വിപുലീകരിച്ച സ്ഥിരതയുള്ള ചാനൽ" പുറത്തിറക്കുമെന്നും ഗൂഗിൽ കമ്പനി അറിയിച്ചു.