ജമ്മു കശ്മീര്: സൈനികന്റെ തലയറുത്തതിന് പിന്നാലെ ഇന്ത്യ തിരിച്ചടിയ്ക്കുന്നു, നിയന്ത്രണ രേഖ കലുഷിതം!!
നിയന്ത്രണ രേഖയില് പാക് സൈന്യത്തിന് സൈന്യം ആക്രമണം ആരംഭിച്ചു
ശ്രീനഗര്: ജമ്മു കശ്മീര് അതിര്ത്തിയില് സൈനികന്റെ തലയറുത്ത് പാക് സൈന്യത്തിന്റെ നടപടിയ്ക്ക് തിരിച്ചടി നല്കാന് ഇന്ത്യന് സൈന്യം. നിയന്ത്രണ രേഖയ്ക്ക് സമീപത്ത് സന്നാഹങ്ങളുമായി തമ്പടിച്ച ഇന്ത്യന് സൈന്യമാണ് മൂന്ന് സൈനികരെ വധിച്ച പാക് സൈന്യത്തിനെതിരെ ആക്രമണം ആരംഭിച്ചതായി സൈനിക വൃത്തങ്ങളാണ് വിവരം പുറത്തുവിട്ടത്. 2003 ന് ശേഷം ഇന്ത്യ നിയന്ത്രണ രേഖയില് നടത്തുന്ന ഏറ്റവും വലിയ വെടിവെപ്പ് ആയിരിക്കുമെന്നാണ് ഉന്നത സൈനിക ഉദ്യോഗസ്ഥരുടെ വെളിപ്പെടുത്തല്.
പാക് അധീന കശ്മീരില് ഇന്ത്യ നടത്തിയ സര്ജിക്കല് സ്ട്രൈക്കിനെ തുടര്ന്ന് പാകിസ്താന് സംരക്ഷിച്ചുപോന്ന 38ഓളം ഭീകരരാണ് കൊല്ലപ്പെട്ടത്. ഇതെത്തുടര്ന്ന് സൈന്യത്തിന്റെ സംരക്ഷണയില് കഴിയുന്ന ഭീകരര് പാകിസ്താനുള്ളിലേക്ക് താവളമുറപ്പിച്ചിരുന്നു. എന്നാല് ഇന്ത്യയിലേക്ക് ഭീകരര്ക്ക് നുഴഞ്ഞുകയറുന്നതിനുള്ള മാര്ഗ്ഗമൊരുക്കുന്നതിനായി പാകിസ്താന് നിരന്തരം വെടിനിര്ത്തല് കരാര് ലംഘിച്ച് ഇന്ത്യന് സൈനിക പോസ്റ്റുകള്ക്ക് നേരെ ആക്രമണം നടത്തിയിരുന്നു.
കൂടുതല് വാര്ത്തകള്:
നോട്ട് പ്രതിസന്ധി: ആര്ക്കും ചികിത്സ നിഷേധിക്കില്ല, ബാങ്കുകളും ആശുപത്രികളും തമ്മില് ഉടമ്പടി
ഡെബിറ്റ് കാര്ഡുണ്ടോ.. പണം തരാന് ബിഗ് ബസാര് റെഡി
പ്രതിഷേധം പാകിസ്താനോട്
പാകിസ്താന്റെ പ്രതിരോധ കേന്ദ്രങ്ങള്ക്ക് നേരെയാണ് ഇന്ത്യന് സൈന്യം ശക്തമായ മോര്ട്ടാര് ഷെല്ലാക്രമണം നടത്തുന്നത്. ഇന്ത്യന് അതിര്ത്തിയിലേക്ക് പാക് ഭീകരര്ക്ക് നുഴഞ്ഞുകയറാന് വെടിനിര്ത്തല് കരാര് ലംഘനം കൊണ്ട് വഴിയൊരുക്കുന്ന പാകിസ്താന്റെ നിലപാടിനോടുള്ള പ്രതിഷേധം കൂടിയായിരുന്നു ഇത്.
പാകിസ്താന് വീഴ്ചകള് ആവര്ത്തിക്കുന്നു
ചൊവ്വാഴ്ചയാണ് ജമ്മു കശ്മീരിലെ മച്ചില് സെക്ടറില് വച്ചാണ് പാക് സൈന്യം മൂന്ന് ഇന്ത്യന് സൈനികരെ വധിച്ച് ഒരു സൈനികന്റെ ശിരസ്സ് ഛേദിച്ചത്. ഒക്ടോബറില് പാക് ഭീകരരും ഇത്തരത്തില് ഇന്ത്യന് സൈനികനായ മന്ദീപിനെ കൊലപ്പെടുത്തി അംഗഛേദം നടത്തിയത്. ചൊവ്വാഴ്ചയായിരുന്നു സംഭവം.
പാക് സെക്ടറിനോട് ചേര്ന്ന്
ജമ്മു കശ്മീര് അതിര്ത്തിയിലെ മച്ചില് സെക്ടറില് പട്രോളിംഗ് നടത്തിയിരുന്ന ഇന്ത്യന് സൈനികരെയാണ് പാക് സൈന്യത്തിന്റെ ബോര്ഡര് ആക്ഷന് ടീം ആക്രമിച്ച് കൊലപ്പെടുത്തിയത്. പാക് സെക്ടറിനോട് ചേര്ന്ന് സ്ഥിതി ചെയ്യുന്ന മച്ചില് സെക്ടറിന് സമീപത്താണ് ആക്രമണമുണ്ടായത്.
വെടിനിര്ത്തല് കരാര് ലംഘനം
ഉറി ഭീകരാക്രമണത്തെ തുടര്ന്ന് 19 സൈനികരെ ഇന്ത്യയ്ക്ക് നഷ്ടമായതോടെയാണ് പാക് അധീന കശ്മീരിലെ ഏഴ് ഭീകരകേന്ദ്രങ്ങള്ക്ക് നേരെ ഇന്ത്യ സര്ജിക്കല് സ്ട്രൈക്ക് നടത്തിയതിനെ തുടര്ന്ന് പാകിസ്താന് ഇന്ത്യന് സൈനിക പോസ്റ്റുകള്ക്ക് നേരെയുള്ള ആക്രമണം ശക്തമാക്കിയിരുന്നു.
വെടിനിര്ത്തല് കരാര് ലംഘനത്തിനെതിരെ
ജമ്മു കശ്മീര് അതിര്ത്തിയില് പൂഞ്ച്, രജൗരി, ഖേല്, മച്ചില് സെക്ടറുകളിലെ പാക് സൈനിക പോസ്റ്റുകള്ക്ക് നേരെയാണ് ഇന്ത്യ മോര്ട്ടാര് ഷെല്ലാക്രമണം നടത്തുന്നത്.
പാക് പ്രകോപനം തുടരുന്നു
പാകിസ്താന് അതിര്ത്തിയിലെ ബിംബര് ഗലി, കൃഷ്ണ ഗാട്ടി, എന്നിവിടങ്ങളില് വെടിനിര്ത്തല് കരാര് ംഘിച്ച് ഇന്ത്യന് സൈനിക പോസ്റ്റുകള്ക്ക് നേരെ ബുധനാഴ്ച ആക്രമണം നടത്തിയിട്ടുണ്ട്.
പാക് പോസ്റ്റുകള് ആക്രമിച്ചു
ഒക്ടോബര് 28ന് ഇന്ത്യന് സൈനികനെ കൊലപ്പെടുത്തി അംഛേദം നടത്തിയ പാകിസ്താന്റെ നടപടിയ്ക്ക് തിരിച്ചടിയായി ഇന്ത്യ നാല് പാക് സൈനിക പോസ്റ്റുകള് വെടിവെയ്പില് തകര്ത്തിരുന്നു. ബോര്ഡര് ആക്ഷന് ടീമാണ് ഇന്ത്യന് സൈനികനെ കൊലപ്പെടുത്തി അംഗഛേദം ചെയ്തത്.
-
ഉയർന്ന രക്തസമ്മർദ്ദം നിസാരക്കാരനല്ല; ശ്രദ്ധിച്ചില്ലെങ്കിൽ പണി കിട്ടും, ഈ ഭക്ഷണങ്ങൾ കഴിക്കാൻ ശ്രമിക്കൂ..! -
ചൂടേറുന്നു, ആരോഗ്യം കുറയുന്നു: 2050-ഓടെ ഇന്ത്യയെ കാത്തിരിക്കുന്ന കൊടും ഭീഷണി -
'മോഹൻലാൽ ആ സിനിമയുടെ ചിത്രീകരണ വേളയിൽ അസ്വസ്ഥനായിരുന്നു, പഴി മുഴുവൻ വിദ്യ ബാലന് കിട്ടി'; ശാന്തിവിള ദിനേശ് -
സ്വര്ണം ഇടിഞ്ഞു വീണു; ഇന്ന് സ്വര്ണവിലയില് വന് കുറവ്, ആഭരണം വാങ്ങാം, പവന് വില അറിയാം -
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി
Click it and Unblock the Notifications
Sign in with Google