അഗ്നിവീര് നഷ്ടപരിഹാരത്തില് രാഹുലിനെ തള്ളി കരസേന; അജയ് കുമാറിന്റെ കുടുംബത്തിന് 98.39 ലക്ഷം രൂപ നല്കി
ന്യൂഡല്ഹി: അഗ്നിവീര് നഷ്ടപരിഹാരം സംബന്ധിച്ച പ്രതിപക്ഷ നേതാവ് രാഹുല് ഗാന്ധിയുടെ ആരോപണം തള്ളി കരസേന. ഡ്യൂട്ടിക്കിടെ മരിച്ച അഗ്നിവീര് അജയ് കുമാറിന്റെ കുടുംബത്തിന് 98 ലക്ഷം രൂപ നഷ്ടപരിഹാരം നല്കിയതായി സൈന്യം അറിയിച്ചു. അജയ് കുമാറിന്റെ കുടുംബത്തിന് സര്ക്കാരില് നിന്ന് നഷ്ടപരിഹാരം ലഭിച്ചില്ലെന്ന് രാഹുല് ഗാന്ധി സോഷ്യല് മീഡിയ പോസ്റ്റില് അവകാശപ്പെട്ടതിന് പിന്നാലെയാണ് സൈന്യത്തിന്റെ പ്രസ്താവന.
'ജോലിക്കിടെ ജീവന് നഷ്ടപ്പെട്ട അഗ്നിവീര് അജയ് കുമാറിന്റെ ബന്ധുക്കള്ക്ക് നഷ്ടപരിഹാരം നല്കിയിട്ടില്ലെന്ന് സോഷ്യല് മീഡിയയില് പ്രചരിക്കുന്നുണ്ട്. കുടിശ്ശികയുള്ള മൊത്തം തുകയില് 98.39 ലക്ഷം രൂപ അഗ്നിവീര് അജയ്യുടെ കുടുംബത്തിന് ഇതിനകം തന്നെ നല്കിയിട്ടുണ്ട്,' സൈന്യത്തിന്റെ പ്രസ്താവനയില് പറയുന്നു. അഗ്നിവീര് പദ്ധതിയിലെ വ്യവസ്ഥകള് പ്രകാരം ഏകദേശം 67 ലക്ഷം രൂപയും മറ്റ് ആനുകൂല്യങ്ങളും പൊലീസ് പരിശോധനയ്ക്ക് ശേഷം ഉടന് തന്നെ നല്കും.
ഇത് പ്രകാരം ആകെ തുക ഏകദേശം 1.65 കോടി രൂപ വരും എന്നും സൈന്യത്തിന്റെ പ്രസ്താവനയില് കൂട്ടിച്ചേര്ത്തു. വീരമൃത്യു വരിച്ചവര്ക്ക് നല്കേണ്ട നഷ്ടപരിഹാരം അഗ്നിവീരന്മാര് ഉള്പ്പെടെയുള്ള പരേതനായ സൈനികരുടെ അടുത്ത ബന്ധുക്കള്ക്ക് വേഗത്തില് നല്കുമെന്നും സൈന്യം പറഞ്ഞു. അഗ്നിവീര് അജയ് കുമാറിന്റെ കുടുംബത്തിന് നഷ്ടപരിഹാരം നല്കിയതില് പ്രതിരോധ മന്ത്രി രാജ്നാഥ് സിംഗ് കള്ളം പറഞ്ഞെന്ന് രാഹുല് ഗാന്ധി ആരോപിച്ചിരുന്നു.
കേന്ദ്ര സര്ക്കാരില് നിന്ന് തനിക്ക് നഷ്ടപരിഹാരം ലഭിച്ചിട്ടില്ലെന്ന് അജയ് കുമാറിന്റെ പിതാവ് പറയുന്ന വീഡിയോ അടക്കം പങ്ക് വെച്ച് കൊണ്ടായിരുന്നു അദ്ദേഹത്തിന്റെ പ്രതികരണം. തിങ്കളാഴ്ച ലോക്സഭയില് സംസാരിച്ച രാഹുല് ഗാന്ധി, അഗ്നിവീരന്മാരെ യൂസ് ആന്ഡ് ത്രോ തൊഴിലാളികളായിട്ടാണ് സര്ക്കാര് കണക്കാക്കുന്നതെന്നും അവര്ക്ക് രക്തസാക്ഷി പദവി പോലും നല്കുന്നില്ലെന്നും പറഞ്ഞിരുന്നു.
എന്നാല് രാഹുല് ഗാന്ധി പാര്ലമെന്റിനെ തെറ്റിദ്ധരിപ്പിക്കരുതെന്നും ഡ്യൂട്ടിക്കിടെ ജീവന് വെടിയുന്ന അഗ്നിവീരന് ഒരു കോടി രൂപ നഷ്ടപരിഹാരം ലഭിക്കുമെന്നുമായിരുന്നു രാജ്നാഥ് സിംഗ് മറുപടിയായി പറഞ്ഞത്. 2022 ജൂണ് 14-ന് പ്രഖ്യാപിച്ച അഗ്നിപഥ് സ്കീം 17-നും 21-നും ഇടയില് പ്രായമുള്ള യുവാക്കളെ നാല് വര്ഷത്തേക്ക് സൈന്യത്തിലേക്ക് റിക്രൂട്ട് ചെയ്യുന്ന പദ്ധതിയാണ്.
അവരില് 25 ശതമാനം പേരെ 15 വര്ഷത്തേക്ക് കൂടി നിലനിര്ത്താനുള്ള വ്യവസ്ഥയുണ്ട്. ആ വര്ഷം തന്നെ ഉയര്ന്ന പ്രായപരിധി 23 വര്ഷമായി സര്ക്കാര് നീട്ടി. അതേസമയം അഗ്നിവീര് രാജ്യത്തെ യുവാക്കളേയും സൈനികരേയും ദോഷകരമായി ബാധിക്കുന്ന പദ്ധതിയാണ് എന്നാണ് പ്രതിപക്ഷത്തിന്റെ വാദം. കോണ്ഗ്രസ് അധികാരത്തിലെത്തിയാല് അഗ്നിവീര് പിന്വലിക്കുമെന്ന് രാഹുല് ഗാന്ധി കഴിഞ്ഞ ദിവസം പാര്ലമെന്റില് പറഞ്ഞിരുന്നു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google