കടത്തിയത് 5,000 പെണ്‍കുട്ടികളെ, പിടിയിലായ ദമ്പതികള്‍ക്ക് പറയാനുള്ളത് ഞെട്ടിപ്പിക്കുന്ന വിവരങ്ങള്‍

മുംബൈ: വേശ്യാലയം നടത്തിയതിന് മുംബൈയില്‍ അറസ്റ്റിലായ ദമ്പതികള്‍ 5000 പെണ്‍കുട്ടികളെ വേശ്യാവൃത്തിക്കായി എത്തിച്ചെന്ന് വെളിപ്പെടുത്തല്‍. മുംബൈയിലെ ജിബി റോഡില്‍ വേശ്യാലയം നടത്തിയിരുന്ന സൈറ ബീഗം(50) ഭര്‍ത്താവ് അഫാഖ് ഹുസൈന്‍ എന്നിവരെയാണ് കഴിഞ്ഞ ദിവസം മുംബൈ പൊലീസ് അറസ്റ്റ് ചെയ്തത്. കഴിഞ്ഞ 17 വര്‍ഷത്തിനിടെ 50 കോടി രൂപയോളം സമ്പാദിച്ചുവെന്നാണ് പൊലീസ് കണ്ടെത്തിയിട്ടുള്ളത്. ദില്ലി പൊലീസിലെ ക്രൈം ബ്രാഞ്ചാണ് ഇവരെ അറസ്റ്റ് ചെയ്തിട്ടുള്ളത്.

നാല് ആഡംബര കാറുകളും ഇവരുടേതായി കണ്ടെത്തിയിട്ടുണ്ട്. ബെംഗളുരു ദില്ലി എന്നിവിടങ്ങളിലും ഇവര്‍ക്ക് ഫ്‌ളാറ്റ് ഉള്‍പ്പെടെയുള്ള സ്വത്തുക്കളുണ്ട്. പ്രതിമാസം 96000 രൂപയാണ് ഇവര്‍ വേശ്യാലയം നടത്തുന്നത് വഴി സമ്പാദിക്കുന്നത്. ഇതിന്റെ പകുതി തുക മാത്രമാണ് പെണ്‍കുട്ടികള്‍ക്ക് നല്‍കുന്നത്. 1990ന് ശേഷം 50,000 പെണ്‍കുട്ടികളെ വേശ്യാലയം നടത്തുന്നതിനായി കടത്തിക്കൊണ്ടുവന്നിട്ടുണ്ടെന്നാണ് അന്വേഷണത്തില്‍ വ്യക്തമായിട്ടുള്ളത്. ആന്ധ്രപ്രദേശ്, പശ്ചിമബംഗാള്‍, നേപ്പാള്‍ എന്നിവിടങ്ങളില്‍ നിന്നുള്ള പെണ്‍കുട്ടികളാണ് ഇവരുടെ വലയിലായവരില്‍ അധികവും.

മുംബൈ ക്രൈം ബ്രാഞ്ചും സിബിഐയ ലോക്കല്‍ പൊലീസും സംയുക്തമായി നടത്തിയ ഓപ്പറേഷനില്‍ പ്രായപൂര്‍ത്തിയാവാത്ത പെണ്‍കുട്ടിയുള്‍പ്പെടെ നിര്‍ബന്ധിത വേശ്യാവൃത്തിയ്ക്ക് വിധേയമാക്കിയിരുന്ന നിരവധി പെണ്‍കുട്ടികളെ രക്ഷപ്പെടുത്തിയിരുന്നു. ദക്ഷിണ ദില്ലിയിലെ ജെയ്ട്ട്പൂരില്‍ കഴിഞ്ഞിരുന്ന ദമ്പതികള്‍ ഗുണ്ടകളുടെ സഹായത്തോടെയായിരുന്നു തങ്ങളുടെ ബിസിനസ് സംരക്ഷിച്ചുവന്നിരുന്നത്.

English summary

Arrested Delhi couple trafficked 5000 girls for prostitution. Saira Banu and Afaq was trapped by crime branch of Delhi police.