ആര്ട്ട് ഓഫ് ലിവിങ് 100 രാജ്യങ്ങളില് യോഗദിനാഘോഷം സംഘടിപ്പിക്കും
മുംബൈ:ആര്ട്ട് ഓഫ് ലിവിന്റെ നേതൃത്വത്തില് 100 രാജ്യങ്ങളില് യോഗ ദിനാഘോഷം സംഘടിപ്പിക്കും. ജൂണ് 21 നാണ് അന്താരാഷ്ട്ര യോഗ ദിനം. ബ്രസ്സല്സിലെ യൂറോപ്യന് പാര്ലമെന്റില് ശ്രീ ശ്രീ രവിശങ്കര് യോഗ ദിനാഘോഷം ഉദ്ഘാടനം ചെയ്യും. പ്രശസ്തമായ മെനുഹിന് ഹാളില് അദ്ദേഹം ധ്യാനത്തിന് നേതൃത്വം നല്കും.
വാഷിങ് ടൗണ് ഡിസി ,ബോസ്റ്റണ്,കൊളംബസ്,മിന്നസോട്ട,സാന് ഫ്രാന്സിസ്കോ,പോര്ട്ട്ലാന്റ്,സീറ്റില് തുടങ്ങിയ സ്ഥലങ്ങളിലെല്ലാം ആര്ട്ട് ഓഫ് ലിവിങിന്റെ നേതൃത്വത്തില് യോഗദിനാഘോഷം സംഘടിപ്പിക്കുന്നുണ്ട്. ദില്ലിയില് നടക്കുന്ന യോഗദിനാഘോഷത്തില് ഏകദേശം 20000 ത്തോളം പേരും മുംബൈയില് നടക്കുന്ന ആഘോഷത്തില് ഏകദേശം 16,500 പേരും പങ്കെടുക്കുമെന്നാണ് കരുതുന്നത്.
മുംബൈയില് ജൂണ് 19 ന് ബോറിവലി ഈസ്റ്റിലും 21 ന് ബാന്ദ്രയിലെ കാര്ട്ടര് റോഡിലും മറ്റു രണ്ടിടങ്ങളിലുമാണ് പരിപാടി സംഘടിപ്പിക്കുന്നത്.