ലോക സാംസ്‌കാരികോത്സവം; ആര്‍ട്ട് ഓഫ് ലിവിങ് ഫൗണ്ടേഷന് 120 കോടി രൂപ പിഴ

ദില്ലി: യമുനാ തീരത്ത് അടുത്തമാസം 11 മുതല്‍ 13 വരെ ലോക സാംസ്‌കാരികോത്സവം നടക്കാനിരിക്കെ ആര്‍ട്ട് ഓഫ് ലിവിങ്ഫൗണ്ടേഷന് 120 കോടി രൂപയുടെ പിഴ. ആയിരം ഏക്കറില്‍ വരുന്ന സ്ഥലത്താണ് പരിപാടിക്ക് വേധിയൊരുക്കുന്നത്.

യമുനയുടെ തീരത്ത് നാല്പതടി ഉയരത്തിലുള്ള ബഹുനില വേദിയും കാബിനുകളും തമ്പുകളും പാര്‍ത്തിങ് സ്ഥലവുമാണ് ഒരുക്കിയിരിക്കുന്നത്. ഇതിനെതിരെയാണ് ദേശീയ ഹരിത ട്രിബ്യൂണല്‍ നിയമിച്ച ശാസ്ത്രജ്ഞരടങ്ങിയ സമിതി പിഴ ശുപാര്‍ശ ചെയ്തത്.

കൂടാതെ യമുനയുടെ തീരത്ത് പരിസ്ഥിതി നശിപിക്കപെട്ട പ്രദേശം ഒരു വര്ഷത്തിനകം പഴയസ്ഥിതിയിലാക്കമം. പരിപാടി നടക്കുന്നതിനു മുമ്പുതന്നെ പിഴത്തുക ദേശീയ ഹരിത ട്രിബ്യൂണലിന്റെ അക്കൗണ്ടിലേക്ക് കൈമാറാനും ഉത്തരവുണ്ട്.

35 ലക്ഷത്തോളം പേര്‍ യമുനാ നദിയുടെ തീരത്ത് സംഗമിക്കുന്നത് പാരിസ്ഥിതിക നിലക്ക് ദോഷം ചെയ്യുമെങ്കിലും പരിപാടി റദ്ദാക്കണമെന്ന് ആവശ്യപെട്ടിട്ടില്ല. യമുനയുടെ തീരത്തെ പച്ചപ്പുകളെല്ലാം നികത്തിയതായും പക്ഷികളുടെയും മറ്റും ആവാസ വ്യവസ്ഥകളെ ഇല്ലാതാക്കിയെന്നും സമിതി കണ്ടെത്തിയിട്ടുണ്ട്.

ദില്ലി വികസന അതോറിറ്റിയുടെ ചട്ടപ്രകാരമാണ് പരിപാടി നടത്തുന്നതെന്നാണ് ആര്‍ട്ട് ഓഫ് ലിവിങ് ഫൗണ്ടേഷന്‍ അവകാശപ്പെടുന്നത്. മാലിന്യങ്ങള്‍ നദിയിലേക്ക് ഒഴുകാതിരിക്കാന്‍ കെമിക്കല്‍ ടോയിലറ്റുകള്‍ അടക്കം സജ്ജീകരിച്ചിട്ടുണ്ട്. യമുന ജിയെ അഭിയാന്‍ നേതാവും പരിസ്ഥിതി പ്രവര്‍ത്തകനുമായ മനോജ് മിശ്ര നല്‍കിയ പരാതിയിന്മേലാണ് ദേശീയ ഹരിത ട്രിബ്യൂണല്‍ അന്വേഷണത്തിന് ഉത്തരവിട്ടത്.

English summary

The Art of Living Foundation might have to fork out Rs 120 crore as “penalty” for the damage caused to the Yamuna floodplains in the run-up to its March 11-13 event expected to be attended by three-and-a-half million devotees.