• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ജെയ്റ്റ്‌ലിയുടെ ആരോഗ്യനില വഷളായെന്ന് റിപ്പോര്‍ട്ട്; വെന്റിലേറ്ററില്‍ നിന്ന് ഇസിഎംഒയിലേക്ക് മാറ്റി

ദില്ലി: ശ്വാസ തടസത്തെ തുടര്‍ന്ന് ഒരാഴ്ചയായി ദില്ലിയിലെ എയിംസില്‍ കഴിയുന്ന മുന്‍ ധനമന്ത്രി അരുണ്‍ ജെയ്റ്റ്‌ലിയുടെ ആരോഗ്യനില വഷളായി എന്ന് റിപ്പോര്‍ട്ട്. വെന്റിലേറ്ററില്‍ നിന്ന് അദ്ദേഹത്തെ ഇസിഎംഒയിലേക്ക് മാറ്റിയെന്നാണ് വിവരം. ശ്വാസനാളത്തിലെ ശസ്ത്രക്രിയ കഴിഞ്ഞ ശേഷമാണ് ഇസിഎംഒയിലേക്ക് മാറ്റിയത്. ജീവന്‍ നിലനിര്‍ത്താന്‍ വേണ്ടി കൃത്രിമ ഓക്‌സിജന്‍ നല്‍കുന്ന പ്രത്യേക സംവിധാനമാണിത്.

പ്രമുഖ നേതാക്കള്‍ ജെയ്റ്റ്‌ലിയെ ആശുപത്രിയില്‍ സന്ദര്‍ശിക്കുകയാണ്. ചിലര്‍ ആശുപത്രിയില്‍ വിളിച്ച് ആരോഗ്യവിവരങ്ങള്‍ അന്വേഷിച്ചു. കോണ്‍ഗ്രസ് നേതാവ് ജ്യോതിരാദിത്യ സിന്ധ്യ, ബിഎസ്പി അധ്യക്ഷ മായാവതി, ബിഹാര്‍ മുഖ്യമന്ത്രി നിതീഷ് കുമാര്‍ എന്നിവര്‍ ഇതില്‍പ്പെടും. ഈ മാസം ഒമ്പതിനാണ് ജെയ്റ്റ്‌ലിയെ ആശുപത്രിയില്‍ പ്രവേശിപ്പിച്ചത്. വെള്ളിയാഴ്ച രാഷ്ട്രപതി രാംനാഥ് കോവിന്ദും ആഭ്യന്തര മന്ത്രി അമിത് ഷായും ജെയ്റ്റ്‌ലിയെ സന്ദര്‍ശിച്ചിരുന്നു.

ഇന്ത്യക്കെതിരെ അണ്വായുധം!! സൂചന നല്‍കി പാക് സേനാ മേധാവി, കശ്മീര്‍ സെല്‍ രൂപീകരിക്കുന്നു

അദ്ദേഹത്തിന്റെ ആരോഗ്യാവസ്ഥ വിശദീകരിക്കുന്ന മെഡിക്കല്‍ ബുള്ളറ്റിന്‍ എയിംസ് പുറത്തിറക്കിയിട്ടില്ല. ആശുപത്രിയില്‍ പ്രവേശിപ്പിച്ചതു മുതല്‍ ഐസിയുവിലാണ് ജെയ്റ്റ്‌ലി. ഡോക്ടര്‍മാര്‍ കൃത്യമായ പരിശോധനകള്‍ നടത്തുന്നുണ്ടെന്ന് ആരോഗ്യമന്ത്രി ഹര്‍ഷ വര്‍ധന്‍ പറഞ്ഞു. നേരത്തെ പ്രധാനമന്ത്രി നരേന്ദ്ര മോദി, ലോക്‌സഭാ സ്പീക്കര്‍ ഓം ബിര്‍ള, മറ്റു ബിജെപി നേതാക്കള്‍ എന്നിവരെല്ലാം ആശുപത്രിയിലെത്തിയിരുന്നു. ശേഷമാണ് മോദി ഭൂട്ടാനിലേക്ക് പോയത്.

എന്‍ഡോക്രിനോളജിസ്റ്റ്, കാര്‍ഡിയോളജിസ്റ്റ്, നെഫ്രോളജിസ്റ്റ് എന്നിവരാണ് ജെയ്റ്റ്‌ലിയെ പരിശോധിക്കുന്നത്. ഒന്നാം മോദി സര്‍ക്കാരില്‍ ധനമന്ത്രിയായിരുന്ന ജെയ്റ്റ്‌ലി ഇത്തവണ മന്ത്രിസഭയില്‍ അംഗമായിട്ടില്ല. ആരോഗ്യ കാരണങ്ങള്‍ ചൂണ്ടിക്കാട്ടിയാണ് അദ്ദേഹം പിന്‍മാറിയത്. മന്ത്രിസഭയില്‍ ഉണ്ടാകണമെന്ന് മുതിര്‍ന്ന ബിജെപി നേതാക്കള്‍ ആവശ്യപ്പെട്ടിരുന്നു. എന്നാല്‍ തന്റെ സഹകരണം എപ്പോഴും പ്രതീക്ഷിക്കാമെന്നും മന്ത്രിസഭയിലേക്കില്ലെന്നും ജെയ്റ്റ്‌ലി മോദിയെ അറിയിക്കുകയായിരുന്നു. തുടര്‍ന്നാണ് ധനവകുപ്പ് നിര്‍മല സീതാരാമന് നല്‍കിയത്.

English summary
Arun Jaitley shifted to ECMO from ventilator, say AIIMS sources
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X