Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
എഎപി സര്‍ക്കാറിന്റെ സത്യപ്രതിജ്ഞ ശനിയാഴ്ച
ദില്ലി: അരവിന്ദ്‌ കെജ്രിവാളിന്റെ നേതൃത്വത്തിലുള്ള ആം ആദ്മി പാര്‍ട്ടി സര്‍ക്കാര്‍ ശനിയാഴ്ച സത്യപ്രതിജ്ഞ ചെയ്ത് അധികാരമേല്‍ക്കും. ദില്ലിയില്‍ സര്‍ക്കാരുണ്ടാക്കാന്‍ ലഫ്. ഗവര്‍ണര്‍ എഎപിയ്ക്ക് നല്‍കിയ അനുമതിയ്ക്ക് രാഷ്ട്രപതി അന്തിമ അംഗീകാരം നല്‍കിയതോടെയാണ് സത്യ പ്രതിജ്ഞാ ചടങ്ങിനുള്ള തിയ്യതി നിശ്ചയിച്ചത്. ഇത് സംബന്ധിച്ച രാഷ്ട്രപതിയുടെ ഔദ്യോഗിക വിജ്ഞാപനം ആഭ്യന്തരമന്ത്രാലയം ഗവര്‍ണര്‍ക്ക് അയച്ചു.
അണ്ണ ഹസാരെയുടെ നേതൃത്വത്തില്‍ നിരാഹാര സമരം നടന്ന രാംലീല മൈതാനത്തില്‍ ശനിയാഴ്ച 12 മണിക്കായിരിക്കും സത്യപ്രതിജ്ഞ. അരവിന്ദ്‌ കെജ്രിവാളിനൊപ്പം മനീഷ് സിസോദിയ, സൗരഭ ഭരദ്വാജ്, സോംനാഥ്, ഭാരതി, രാഖി ബിര്‍ള, സത്യേന്ദ്ര ജെയിന്‍ തുടങ്ങിയവരും സത്യപ്രതിജ്ഞ ചെയ്ത് അധികാരമേല്‍ക്കും. ജനങ്ങള്‍ക്ക് നല്‍കിയ എല്ലാ വാഗ്ദാനങ്ങളും പാലിയ്ക്കുമെന്നും സത്യപ്രതിജ്ഞ കഴിയുന്നതുവരെ വിമര്‍ശകര്‍ കാത്തിരിക്കണമെന്നും കെജ്രവാള്‍ അഭ്യര്‍ത്ഥിച്ചു.
അതേസമയം മന്ത്രിസഭയില്‍ ഉള്‍പ്പെടുത്താത്തതിനെ തുടര്‍ന്ന് കഴിഞ്ഞ ദിവസം പ്രതിഷേധവുമായി രംഗത്തെത്തിയ എംഎല്‍എ വിനോദ് കുമാര്‍ ബെന്നി ബുധനാഴ്ച കളംമാറ്റിച്ചവിട്ടി. എംഎല്‍എയോ മന്ത്രിയോ ആകാന്‍ തനിക്ക് യാതൊരു ആഗ്രഹവുമില്ലെന്നും ഇത് സംബന്ധിച്ച പരക്കുന്ന വാര്‍ത്തകള്‍ തെറ്റാണെന്നുമാണ് രാവിലെ ബെന്നി പ്രതികരിച്ചത്. ഇക്കാര്യത്തില്‍ വിശദീകരണം നല്‍കവെ സത്യപ്രതിജ്ഞാ ചടങ്ങില്‍ ഹസാരെയെ ക്ഷണിക്കുന്ന കാര്യം ആലോചിക്കുമെന്ന് കെജ്രിവാള്‍ പറഞ്ഞിരുന്നു.
അതിനിടെ കൗശംബിയിലെ പാര്‍ട്ടി ഓഫീസിനു മുന്നില്‍ കെജ്രിവാള്‍ നിയുക്ത സര്‍ക്കാറിന്റെ ആദ്യ ജനസഭ സംഘടിപ്പിച്ചു. ജനങ്ങള്‍ക്ക് നല്‍കിയ വാഗ്ദാനങ്ങളെല്ലാം പാലിക്കുമെന്ന് അദ്ദേഹം ഉറപ്പു നല്‍കി. പുറത്തു നിന്ന് പിന്തുണ നല്‍കുമെന്ന കോണ്‍ഗ്രസ് നിലപാടില്‍ മാറ്റമില്ലെന്ന് കോണ്‍ഗ്രസ് നേതൃത്വം വ്യക്തമാക്കിയിട്ടുണ്ട്.
