ദില്ലി പെണ്കുട്ടിയെപ്പറ്റി ആശാറാം ബാപ്പു പറഞ്ഞത്
ദില്ലി: വാവിട്ട വാക്ക് തിരിച്ചെടുക്കാനാവില്ല എന്ന് പണ്ട് ആരോ പറഞ്ഞത് അച്ചട്ടാണ് എന്ന സ്ഥിതിയിലാണ് വിവാദ ആള്ദൈവം ആശാറാം ബാപ്പു. ദില്ലിയില് കൂട്ടബലാത്സംഗത്തിന് ഇരയായി കൊല്ലപ്പെട്ട പെണ്കുട്ടി അക്രമികളെ സഹോദരാ എന്ന് വിളിച്ചിരുന്നെങ്കില് അവര് ഉപദ്രവിക്കാതെ വിട്ടേനെ എന്നായിരുന്നു സംഭവം നടന്നപ്പോള് ബാപ്പു പ്രതികരിച്ചത്.
എന്നാല് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കുറ്റത്തിന് ജയിലില് കിടക്കുകയാണ് ഈ പറഞ്ഞ ബാപ്പു ഇപ്പോള്. നിങ്ങളെ സഹോദരാ എന്ന് വിളിക്കാത്തതുകൊണ്ടാണോ പീഡനത്തിന് ഇരയായ പെണ്കുട്ടിയെ വെറുതെ വിടാതിരുന്നത് എന്ന് ആശാറാം ബാപ്പുവിനോട് ആരെങ്കിലും ചോദിച്ചാല് കുറ്റം പറയാന് പറ്റുമോ?
ദില്ലിയില് ആറുപേര് ചേര്ന്ന് ബലാത്സംഗം ചെയ്ത് കൊലപ്പെടുത്തിയ പെണ്കുട്ടിയെക്കുറിച്ച് ആശാറാം ബാപ്പുവിന്റെ കമന്റ് അന്നേ വിവാദമായിരുന്നതാണ്. ക്രൂരമായി ബലാത്സംഗം ചെയ്ത ശേഷം റോഡിലേക്ക് വലിച്ചെറിഞ്ഞ് പെണ്കുട്ടിയെ കൊലപ്പെടുത്തിയ അക്രമികളെക്കുറിച്ച് ഒരക്ഷരം മിണ്ടിയിരുന്നില്ല ആശാറാം ബാപ്പു. പകരം അക്രമികളെ സഹോദരാ എന്ന് വിളിക്കാതിരുന്ന പെണ്കുട്ടിയെ കുറ്റപ്പെടുത്തുകയായിരുന്നു ആ സ്വയം പ്രഖ്യാപിത ആള്ദൈവം.
എന്നാല് ആശാറാം ബാപ്പുവിന്റെ തനിസ്വരൂപം പുറത്ത് വന്നത് ദില്ലി സംഭവം കഴിഞ്ഞ് മാസങ്ങള്ക്ക് ശേഷമാണ്. പീഡനക്കേസില് അറസ്റ്റിലായ ആശാറാം ബാപ്പുവിനെതിരെ ഭൂമി തട്ടിപ്പടക്കം നിരവധി ആരോപണങ്ങള് ഉയര്ന്നുവട്ടിട്ടുണ്ട്. ദില്ലി കൂട്ടബലാത്സംഗക്കേസിലെ പ്രതികള് ശിക്ഷ കാത്തിരിക്കുമ്പോള് സമാനമായ കേസില് പെട്ട് ആശാറാം ബാപ്പുവും ജയിലിലാണ് എന്നത് കാവ്യനിതീയാണെന്ന് ചിലര്ക്കെങ്കിലും തോന്നാം.