കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആശാറാം ബാപ്പുവിനുവേണ്ടി വിമാനം 2 മണിക്കൂര്‍ വൈകിപ്പിച്ചതായി ആരോപണം

  • By Anwar Sadath
Google Oneindia Malayalam News

ദില്ലി: ബലാത്സംഗക്കേസില്‍ വിചാരണ തടവുകാരനായി ജയിലില്‍ കഴിയുന്ന സ്വയംപ്രഖ്യാപിത ആള്‍ദൈവം ആശാറാം ബാപ്പുവിന് വേണ്ടി വിമാനം രണ്ടുമണിക്കൂര്‍ വൈകിപ്പിച്ചതായി ആരോപണം. കഴിഞ്ഞദിവസം ജോധ്പുരില്‍ നിന്നും ദില്ലിയിലേക്കുള്ള ജെറ്റ് എയര്‍വെയ്‌സാണ് മുന്നറിയിപ്പൊന്നും കൂടാതെ വിമാനം വൈകിപ്പിച്ചത്.

ജോധ്പുര്‍ ജയിലില്‍ കഴിയുന്ന ആശാറാമിനെ ദില്ലിയില്‍ മെഡിക്കല്‍ ചെക്കപ്പിനായി കൊണ്ടുപോകേണ്ടതുണ്ടായിരുന്നു. ഇതിനായി മന:പൂര്‍വം വിമാനം വൈകിപ്പിച്ചതാണെന്ന് ആരോപണമുണ്ട്. ആശാറാം വിമാനത്തില്‍ പോകുന്നതറിഞ്ഞ് ഇയാളുടെ ചില ഭക്തരും അതേ വിമാനത്തില്‍ ടിക്കറ്റ് ബുക്ക് ചെയ്തിരുന്നു.

asaram-bapu

11.55നായിരുന്നു വിമാനം പുറപ്പെടേണ്ടിയിരുന്നത്. എന്നാല്‍, 1.30ഓടുകൂടിയായിരുന്നു ആശാറാം പോലീസ് അകമ്പടിയോടെ വീല്‍ചെയറില്‍ എത്തുന്നത്. ഇയാളെ അനുഗമിച്ച് പതിനഞ്ചോളം ഭക്തരും വിമാനത്താവളത്തില്‍ എത്തിയതോടെ വിമാനം ബോര്‍ഡിങ്ങിനായുള്ള അനൗണ്‍സ്‌മെന്റുണ്ടാവുകയായിരുന്നെന്ന് ഒരു യാത്രക്കാരി പറഞ്ഞു.

വിമാനം പറക്കാന്‍ തയ്യാറെടുക്കുന്നതിന് മുന്‍പ് എയര്‍ ഹോസ്റ്റസ് യാതൊരു അറിയിപ്പും യാത്രക്കാര്‍ക്ക് നല്‍കിയില്ല. ആശാറാമിന്റെ അനുയായികള്‍ ചിലര്‍ സീറ്റുബെല്‍റ്റും ധരിച്ചില്ല. ദൈവം കൂടെയുള്ളപ്പോള്‍ ഇതിന്റെ ആവശ്യമെന്തെന്നായിരുന്നു ഒരു അനുയായിയുടെ മറുപടിയെന്ന് യാത്രക്കാരി സ്വാതി ദാഗ പറഞ്ഞു.

English summary
Asaram’s supporters turn Jodhpur-Delhi flight into nightmare for passengers
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X