കുഴിക്കാന് തുടങ്ങി;സ്വര്ണം കിട്ടുമോ
ഉന്നവ്: ഉത്തര്പ്രദേശില് ഉന്നവ് ജില്ലയിലെ രാജാ റാം ബുക്സ് സിങ് കോട്ടയില് സ്വര്ണ നിധിക്ക് വേണ്ടിയുള്ള ആര്ക്കിയോളജിക്കല് സര്വ്വേ ഓഫ് ഇന്ത്യയുടെ തിരച്ചില് തുടരുന്നു. ഉന്നവ് ജില്ലയിലെ ദോണ്ഡിയ ഖേരയില് ആണ് കോട്ട. റാം ബുക്സ് സിങിന്റെ കോട്ടയുടെ പ്രദേശത്ത് 1000 ടണ് സ്വര്ണ നിധിയുണ്ടെന്ന് സന്യാസിയായ സാധു ശോഭന് സര്ക്കാര് സ്വപ്നം കണ്ടതിനെ തുടര്ന്നാണ് പരിശോധന.
കോട്ടയുടെ ഭാഗമായ ശിവക്ഷേത്രത്തിനടുത്തുള്ള കുന്നാണ് ഇപ്പോള് പുരാവസ്തു ഗവേഷകര് പരിശോധിക്കുന്നത്. ജില്ലാ മജിസ്ട്രേറ്റ് വിജയ് കിരണ് ആനന്ദാണ് ഉല്ഖനന ജോലികള് തുടങ്ങിവച്ചത്. അതിന് മുമ്പായി പ്രദേശത്തെ പൂജാരികള് പ്രത്യേക പ്രാര്ത്ഥനയും നടത്തിയിരുന്നു.
ആര്ക്കിയോളജിക്കല് സര്വ്വേ ഓഫ് ഇന്ത്യയുടെ ഡെപ്യൂട്ടി ഡയറക്ടര് പികെ ശര്മയുടെ നേതൃത്വത്തിലാണ് ഉല്ഖനനം നടക്കുന്നത്. എന്നാല് സ്വര്ണം കിട്ടുമോ എന്ന കാര്യത്തില് ഇദ്ദേഹത്തിന് വലിയ പ്രതീക്ഷയൊന്നുമില്ല. പക്ഷേ ചരിത്ര പ്രാധാന്യമുള്ള പല വസ്തുക്കളും ഇവിടെ നിന്ന് കിട്ടാനിടയുണ്ടെന്ന് തന്നെയാണ് ഇദ്ദേഹത്തിന്റെ വിശ്വാസം. സ്വര്ണം കിട്ടിയാലും പുരാവസ്തുക്കള് കിട്ടിയാലും അവ തങ്ങള്ക്ക് ഏറെ മൂല്യമുള്ളതായിരിക്കും എന്നാണ് ശര്മ പറഞ്ഞത്.
പക്ഷേ പ്രധാനപ്പെട്ട ഒരു കാര്യം കൂടി അദ്ദേഹം പറഞ്ഞു. ഒരു സന്യാസിയുടെ വാക്ക് മാത്രം കേട്ടല്ല തങ്ങള് ഈ പരിപാടിക്കിറങ്ങിയതെന്ന്. ജിയോളജിക്കല് സര്വ്വേ ഓഫ് ഇന്ത്യയുടെ റിപ്പോര്ട്ട് പ്രകാരം ഈ പ്രദേശത്ത് സ്വര്ണമോ വെള്ളിയോ ഉണ്ടാകാന് ഇടയുണ്ടത്രെ. ഈ റിപ്പോര്ട്ടിനെ അധികരിച്ചാണ് തങ്ങളുടെ പരിശോധന എന്നും മിശ്ര പറഞ്ഞു.
12 അംഗ സംഘമാണ് പ്രദേശത്ത് പരിശോധന നടത്തുന്നത്. ഒരു മാസത്തോളം ഉല്ഖനനം നീളുമെന്നാണ് പ്രതീക്ഷിക്കപ്പെടുന്നത്.
സന്യാസിയായ സാധു ശോഭന് സര്ക്കാര് ഒരു കേന്ദ്ര മന്ത്രിയെ പറഞ്ഞ് ബോധ്യപ്പെടുത്തിയാണ് ഇങ്ങനെ ഒരു പരിശോധന നടക്കുന്നതെന്നാണ് മറ്റൊരു വിവരം. ശോഭന് സര്ക്കാരിന്റെ സ്വപ്നം സത്യമാകുമെന്ന വിശ്വാസത്തില് തന്നെയാണ് നാട്ടുകാരും. ഉല്ഖനനം കാണുന്നതിനായി ദൂരദേശങ്ങളില് നിന്ന് പോലും ആളുകള് ദോണ്ഡ ഖേരയിലേക്ക് എത്തിക്കൊണ്ടിരിക്കുകയാണ്. സിസിടിവി ക്യാമറകള് അടക്കം ശക്തമായ സുരക്ഷാ സംവിധാനങ്ങളാണ് പോലീസ് ഇവിടെ ഒരുക്കിയിരിക്കുന്നത്.
-
സ്വർണം പവന് 2 ലക്ഷത്തിന് മുകളിലേക്ക്; 2026ൽ എങ്ങനെ നിക്ഷേപിക്കണം? മികച്ച മാർഗങ്ങൾ ഇതാ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
യുദ്ധം തുടരുമ്പോഴും യുഎസ് ബജറ്റ് കമ്മിയുടെ 70%വും ഇല്ലാതാകും..! കാരണം സ്വര്ണശേഖരം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
സ്വർണം കളി തുടങ്ങിയിട്ടേ ഉള്ളൂ: ഇതുവരെ കൂടിയതൊന്നുമല്ല...പണി തരുന്നത് കേന്ദ്രബാങ്കുകൾ -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
വെള്ളിയുടെ കഥകഴിഞ്ഞോ? യുദ്ധത്തിലും താഴേക്ക് വീണ് വെള്ളി വില, ഒരാഴ്ച കൊണ്ട് ഇടിഞ്ഞത് 5000 രൂപ! -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ചൈന പിന്നോട്ടില്ല... അതേ തന്ത്രം! തുടര്ച്ചയായ 16-ാം മാസവും സ്വര്ണം വാങ്ങിക്കൂട്ടി
Click it and Unblock the Notifications
Sign in with Google