ശക്തമായ തിരിച്ചുവരവിന് അസം കോൺഗ്രസ്: ഭൂപൻ ബോറയ്ക്ക് കീഴിൽ പ്രതാപം വീണ്ടെടുക്കും, ബോഡോകൾക്കിടയിൽ സ്വാധീനം

ഗുവാഹത്തി: നിയമസഭാ തിരഞ്ഞെടുപ്പിൽ ബിജെപി അധികാരത്തിലെത്തിയെങ്കിലും അസമിൽ പഴയ പ്രതാപം വീണ്ടെടുക്കാനുള്ള ശ്രമത്തിലാണ് കോൺഗ്രസ്. അസം കോൺഗ്രസ് പ്രസിഡന്റ് മേധാവിയായി അടുത്തിടെ അധികാരമേറ്റ ഭൂപൻ ബോറയ്ക്ക് കീഴിൽ കോൺഗ്രസിനെ അടിമുടി പൊളിച്ചെഴുതാനാവുമെന്നാണ് പാർട്ടി കേന്ദ്രനേതൃത്വവും കരുതുന്നത്.

ബോറയയ്ക്ക് പുറമേ മൂന്ന് വർക്കിംഗ് പ്രസിഡന്റുമാരായ റാണ ഗോസ്വാമി, കമലാഖ്യ ദേബ് പുർകയസ്ത, സാക്കിർ ഹുസൈൻ സിക്ദാർ എന്നിവരാണ് ആഗസ്റ്റ് നാലിന് ചുമതലയേറ്റത്. നിയമസഭാ തിരഞ്ഞെടുപ്പിൽ ബിജെപിക്ക് തുടർച്ചയായ രണ്ടാം തോൽവിക്ക് ശേഷം അധികാരമേറ്റു.മുതിർന്ന പാർട്ടിപ്രവർത്തകരുടെ ഉപദേശവും ഞങ്ങളുടെ യുവ പ്രവർത്തകരുടെ കഠിനാധ്വാനവും കൊണ്ട് പാർട്ടിയെ മുന്നോട്ട് കൊണ്ടുപോകുമെന്ന് ഞാൻ ഉറപ്പ് നൽകിക്കൊണ്ടാണ് ഭൂപൻ ബോറ അധികാരമേറ്റത്.

2001 മുതൽ തുടർച്ചയായി മൂന്ന് തവണ അസം ഭരിച്ച കോൺഗ്രസ്, 2016 ൽ മൊത്തം 126 സീറ്റുകളിൽ 26 എണ്ണം മാത്രമാണ് നേടിയത്. സംസ്ഥാനത്ത് ആദ്യമായി സർക്കാർ രൂപീകരിച്ച ബിജെപിയോട് പരാജയം സമ്മതിക്കേണ്ടതായി വന്നിരുന്നു. 2021ൽ നടന്ന അസം നിയമസഭാ തിരഞ്ഞെടുപ്പിൽ കോൺഗ്രസിന് 29 സീറ്റുകൾ മാത്രമാണ് ലഭിച്ചത്. രണ്ടാം തവണയും ബിജെപി അധികാരത്തിൽ വരുന്നത് തടയാൻ കോൺഗ്രസിന് കഴിഞ്ഞിരുന്നില്ല.

നിയമസഭാ തിരഞ്ഞെടുപ്പിന് തൊട്ടുമുമ്പാണ് അഖിലേന്ത്യാ യുണൈറ്റഡ് ഡെമോക്രാറ്റിക് ഫ്രണ്ടും ബോഡോലാൻഡ് പീപ്പിൾസ് പാർട്ടിയെയും ഉൾപ്പെടുത്തിക്കൊണ്ട് രാഷ്ട്രീയ 10 പാർട്ടികൾ അടങ്ങുന്ന 'മഹാസഖ്യം' ത്തിന് കോൺഗ്രസ് രൂപം നൽകിയത്. ബിജെപിയും (60) സഖ്യകക്ഷികളായ അസോം ഗാന പരിഷത്തും (9) യുണൈറ്റഡ് പീപ്പിൾസ് പാർട്ടി ലിബറലും (6) 75 സീറ്റുകൾ നേടിയപ്പോൾ മഹാസഖ്യത്തിന് 50 സീറ്റുകൾ മാത്രമേ നേടാൻ കഴിഞ്ഞുള്ളൂ.

കോൺഗ്രസിൽ നിന്ന് നേതാക്കൾ കൊഴിഞ്ഞുപോകുന്നതിനിടെ അസമിൽ പാർട്ടിയുടെ കരുത്ത് വർധിപ്പിച്ച് നിരവധി ബോഡോ നേതാക്കളാണ് കോൺഗ്രസിൽ അടുത്ത ദിവസങ്ങളിൽ കോൺഗ്രസിൽ ചേർന്നിട്ടുള്ളത്. ബോഡോലാൻഡ് പീപ്പിൾസ് ജോയിന്റ് ആക്ഷൻ കമ്മിറ്റിയുടെ ചീഫ് കൺവീനർ ഗർജൻ മുഷാരിയും പാർട്ടിയിലെ 17 അംഗങ്ങളുമാണ് വ്യാഴാഴ്ച അസം കോൺഗ്രസിൽ ചേർന്നിട്ടുള്ളത്. നിയമസഭാ ഉപതിരഞ്ഞടുപ്പ് നടക്കാനിരിക്കെയാണ് ബോഡോ നേതാക്കളുടെ സാന്നിധ്യം കോൺഗ്രസ് ഉറപ്പാക്കിയിട്ടുള്ളത്.

നിലവിലെ ബിജെപി സർക്കാരിൽ സംസ്ഥാനത്തെ ജനങ്ങൾ നിരാശരാണ്, പിജെഎസിബിഎം അംഗങ്ങൾ ചേരുന്നത് ബോഡോലാൻഡ് മേഖലയിലെ ചക്രവാളത്തിൽ ഒരു പുതിയ വെളിച്ചം കൊണ്ടുവരുമെന്നും പാർട്ടിയിലെ പുതിയ അംഗങ്ങളെ സ്വാഗതം ചെയ്ത അസം പ്രദേശ് കോൺഗ്രസ് പ്രസിഡന്റ് ഭൂപൻ ബോറ പറഞ്ഞു. കോൺഗ്രസിന്റെ മുന്നേറ്റം തടയാൻ ബിജെപി വ്യത്യസ്ത തന്ത്രങ്ങൾ പ്രയോഗിക്കുന്നുണ്ടെങ്കിലും അവരുടെ തന്ത്രങ്ങൾ ഫലം കണ്ടില്ലെന്നും ഞങ്ങൾ കൂടുതൽ വേഗതയിൽ മുന്നോട്ട് പോകുമെന്നും അദ്ദേഹം പറഞ്ഞു.

ഇപ്പോഴത്തെ ബിജെപി സർക്കാരിന്റെ വർഗീയ ഭരണകാലത്ത് സമാധാനവും ഐക്യവും വളരെയധികം ബാധിക്കപ്പെട്ടിട്ടുണ്ടെന്നും മുഷാഹരി പറഞ്ഞു. ബോഡോലാൻഡിലെ ജനങ്ങൾക്കിടയിൽ സമാധാനം നിലനിർത്തുന്നതിന് വേണ്ടി പിജെഎസിബിഎം ദീർഘകാലാടിസ്ഥാനത്തിലുള്ള പ്രസ്ഥാനം നടത്തുന്നുണ്ടെന്നും അദ്ദേഹം പറഞ്ഞു. സംസ്ഥാനത്തെ ജനങ്ങൾക്കിടയിൽ സമാധാനാന്തരീക്ഷം പുന -സ്ഥാപിക്കണമെങ്കിൽ കോൺഗ്രസ് അധികാരത്തിൽ തിരിച്ചെത്തണമെന്നും അദ്ദേഹം പറഞ്ഞു.

തൊഴിലില്ലായ്മ പോലുള്ള പ്രശ്നങ്ങൾ യുവാക്കളെ ബുദ്ധിമുട്ടിക്കുകയും അവരുടെ ഭാവി അപകടത്തിലാകുകയും അതിന്റെ നയങ്ങളും ആദർശങ്ങളും കൊണ്ട് ആകർഷിക്കപ്പെടുകയും ചെയ്തു, ഞങ്ങൾ കോൺഗ്രസിൽ ചേരാൻ തീരുമാനിച്ചുവെന്നാണ് മുഷാഹരി പറഞ്ഞു. മുഷാഹരിയെ കൂടാതെ, മജുംദാർ ബ്രഹ്മ, ബീരേശ്വർ ബസുമത്തരി, ജോസഫ് ബസുമത്തരി, മൻമോഹൻ ബ്രഹ്മ, പിയൂഷ് നർസറി, പ്രിൻസ് വാരി, നൊരേഷ് ബസുമതിരി, ഹിരണ്യ ബ്രഹ്മ, അമിത് ബസുമത്തരി, ലിനസ് നർസാരി, രാജു ബ്രഹ്മ, മൈക്കൽ തുഡു, ഫർമലൈങ്ങ് ബ്രഹ്മ എന്നിവരാണ് കോൺഗ്രസിൽ ചേർന്ന മറ്റ് പിജെഎസിബിഎം അംഗങ്ങൾ. , സോറ സാങ്മ, ഹബീൽ അലി ഷെയ്ഖ്, മനോമോഹൻ ബ്രഹ്മ, പലീന്ദ്ര ബ്രഹ്മ. കോൺഗ്രസ് ലെജിസ്ലേറ്റീവ് പാർട്ടി നേതാവ് ദേബബ്രത സൈകിയ, പാർട്ടി വർക്കിംഗ് പ്രസിഡന്റുമാർ, എംഎൽഎമാരായ കമലാക്ഷ്യേ പുർകയസ്ത, സാക്കിർ ഹുസൈൻ സിക്ദാർ എന്നിവരും മറ്റ് മുതിർന്ന നേതാക്കളും ചടങ്ങിൽ പങ്കെടുത്തു.

ബോഡോലാൻഡ് ജനതയുടെ ആവശ്യങ്ങൾ പൂർത്തീകരിക്കുന്നതിന് വേണ്ടിയാണ് വേറിട്ടൊരു വഴി തിരഞ്ഞെടുത്തിട്ടുള്ളത്. എന്നാൽ പ്രത്യേക സംസ്ഥാനം വേണമെന്നാണ് ഞങ്ങൾ ചിന്തിക്കുന്നത്. ഒരു പ്രത്യേക ബോഡോ സംസ്ഥാനത്തിന് വേണ്ടിയാണ് ഞങ്ങൾ പോരാടുന്നത്. ഇതാണ് ഈ പ്രശ്നത്തിനുള്ള ശരിയായ പരിഹാരമെന്നും അദ്ദേഹം കൂട്ടിച്ചേർക്കുന്നു. മൂന്നാം ബോഡോ ധാരണ അനുസരിച്ച് പ്രത്യേക ബോഡോ സംസ്ഥാനം എന്ന ആവശ്യം അംഗീകരിച്ചിട്ടില്ല.

കൊണ്ട് അസമിൽ അഞ്ച് നിയമസഭാ മണ്ഡലങ്ങളിൽ ഉപതിരഞ്ഞെടുപ്പ് നടക്കാനിരിക്കുകയാണ്. രണ്ട് എംഎൽഎമാർ മരണമടഞ്ഞതും മൂന്ന് എംഎൽഎമാർ രാജിവെച്ചതുമാണ് അഞ്ച് മണ്ഡലങ്ങളിൽ തിരഞ്ഞെടുപ്പിന് വഴിയൊരുങ്ങിയിട്ടുള്ളത്. മുൻ മുഖ്യമന്ത്രി സർബാനന്ദ് സൊനോവൽ കേന്ദ്രമന്ത്രിസഭയിലേക്ക് തിരഞ്ഞെടുക്കപ്പെട്ടതോടെ മജൂലി സീറ്റിലേക്കും ഉപതിരഞ്ഞെടുപ്പ് നടക്കാനിരിക്കുകയാണ്. ഈ സാഹചര്യത്തിൽ ബോഡോ നേതാക്കൾ കോൺഗ്രസിൽ ചേർന്നത് പാർട്ടിയ്ക്ക് ബിടിആർ മേഖലയിൽ പ്രതീക്ഷ നൽകുന്നുവെവന്ന് അസം കോൺഗ്രസ് പ്രസിഡന്റ് ഭൂപൻ ബോറ പ്രതികരിച്ചു. കഴിഞ്ഞ് 20 വർഷത്തിനിടെ ഒറ്റ പ്രമുഖ ബോഡോ നേതാക്കളും കോൺഗ്രസിൽ ചേർന്നിട്ടില്ല. ബോഡോകൾ താമസിക്കുന്ന എല്ലാ പ്രദേശങ്ങളിലും അടിവേരുള്ള സംഘടനയാണ് ബോഡോലാൻഡ് പീപ്പിൾസ് ജോയിന്റ് ആക്ഷൻ കമ്മിറ്റി. ചില അബ്സു നേതാക്കളും തങ്ങൾക്കൊപ്പം ചേരുമെന്നാണ് കോൺഗ്രസ് പ്രതീക്ഷിക്കുന്നതെന്നും മുഷഹരി വ്യക്തമാക്കി.

English summary

Assam Congress moves to gain in Assam under Bhupen Borah, Got space in Bodoland