നരേന്ദ്രമോദി തന്നെ സമീപിച്ചതായി ജ്യോതിഷിയുടെ വെളിപ്പെടുത്തല്
ഇന്ഡോര്: പ്രധാനമന്ത്രി ജ്യോത്സ്യനെ കണ്ടതായി വെളിപ്പെടുത്തല്. എന്തിനായിരിക്കാം മോദി ജ്യോതിഷിയെ കണ്ടത്? പ്രശസ്ത ജ്യോതിഷ പണ്ഡിതന് ബിജാന് ദാരുവാലയെയാണ് മോദി സമീപിച്ചത്. അദ്ദേഹം തന്നെയാണ് മോദി തന്റെയരികില് വന്ന വിവരം വെളിപ്പെടുത്തിയത്. എന്നാല്, നല്ല കാര്യത്തിനാണ് മോദി ജ്യോത്സ്യന്റെ അരികിലെത്തിയത്.
രാഷ്ട്രത്തിന്റെ പുരോഗതി, വികസനം എന്നിവയെക്കുറിച്ചു അറിയാനാണത്രേ മോദി ജ്യോതിഷിയുടെ അടുത്തെത്തിയത്. മോദിയുടെ ഹസ്തരേഖ നോക്കി ബിജാന് ദാരുവാല എല്ലാ കാര്യങ്ങളും പ്രവചിച്ചു. മോദി ബിജാന് ദാരുവാല എന്ന പണ്ഡിതനെ കൈകള് കാണിക്കുന്ന ഫോട്ടോ മാധ്യമങ്ങള് പുറത്തുവിട്ടിരുന്നു.
മധ്യപ്രദേശിലെ ഇന്ഡോറിലെ പരിപാടിക്കിടെയാണ് മോദി ജ്യോത്സ്യനെ കണ്ടത്. മോദിയുടെ രാഷ്ട്രീയ ജീവിതത്തില് വലിയ പ്രശ്നങ്ങള് ഉണ്ടാകുമെന്ന് ജ്യോതിഷി പ്രവചിച്ചത്രേ. മോദി ശക്തനാണെങ്കിലും ബിജെപി ദുര്ബലമാണെന്നും ബിജാന് ദാരുവാല പറഞ്ഞു.
മോദി വളരെ സ്വാധീനമുള്ള വ്യക്തിയാണെന്നും അദ്ദേഹം പറഞ്ഞു. മോദി ജ്യോത്സ്യനെ കണ്ടതിന്റെ ഫോട്ടോ പുറത്തുവിട്ടതിനു പിന്നാലെയാണ് ബിജാന് ദാരുവലയുടെ വെളിപ്പെടുത്തല്.