15 വര്‍ഷത്തിനു ശേഷം വാഹനങ്ങള്‍ക്ക് വീണ്ടും രജിസ്ട്രേഷന്‍, കടുത്ത തീരുമാനങ്ങളുമായി കേന്ദ്രം

ദില്ലി: 15 വര്‍ഷങ്ങള്‍ക്ക് ശേഷം വാഹനങ്ങള്‍ക്ക് വീണ്ടും രജിസ്‌ട്രേഷന്‍ കൊണ്ടുവരാന്‍ കേന്ദ്രത്തിന്റെ തീരുമാനം. പ്രൈവറ്റ് കാറുകള്‍ ഉള്‍പ്പടെയുള്ള ഗതാഗതനിലവാരമില്ലാത്ത എല്ലാ വാഹനങ്ങള്‍ക്കും റീ രജിസ്‌ട്രേഷന്‍ നടപ്പില്‍ വരുത്തും.

15 വര്‍ഷങ്ങള്‍ കഴിയുന്ന എല്ലാ വാഹനങ്ങളും റീ രജിസ്റ്റര്‍ ചെയ്യാനുള്ള നീക്കത്തെ കേന്ദ്രം അംഗീകരിച്ചു. ഗതാഗത മേഖലയില്‍ പുനരുദ്ധീകരണത്തിനാണ് പുതിയ മാറ്റങ്ങള്‍ കൊണ്ടുവരുന്നത്.

നിലവില്‍ സ്വകാര്യ വാഹനങ്ങള്‍ ഒറ്റ തവണ രജസ്‌ട്രേഷന്‍ നടത്തി ഡ്രൈവറുടെ താല്പര്യ പ്രകാരം സദാ ഗതാഗതം നടത്തുകയാണ് ചെയ്യുന്നത്. ഇത്തരം വാഹനങ്ങള്‍ക്ക് ഒറ്റ തവണ മാത്രമാണ് ടാക്‌സും അടയ്ക്കുന്നത്.

ഗതാഗത യോഗ്യമല്ലാത്ത വാഹനങ്ങള്‍ റോഡ് അപകടങ്ങള്‍ക്കും വായുമലിനീകരണത്തിനും വഴിയൊരുക്കുന്നു. ഇത്തരം പ്രശ്‌നങ്ങള്‍ ഒഴിവാക്കാനാണ് 15 വര്‍ഷത്തിന് ശേഷം വാഹനത്തിന്റെ ഫിറ്റ്‌നെസ് പരിശോധിച്ച് റീ രജിസ്‌ട്രേഷന്‍ നടത്തണം എന്ന നിയമം കൊണ്ടു വരുന്നത്.

പഴയ വാഹനങ്ങള്‍ക്ക് റീ രജിസ്‌ട്രേഷന്‍ നടത്തുന്നത് ക്രിമിനല്‍ കുറ്റങ്ങളില്‍ നിന്നും വിട്ടുനില്‍ക്കുന്നതിന് സഹായിക്കുമെന്നും നിലവില്‍ ശിക്ഷാഭീതിയിലാതെ വാഹനങ്ങള്‍ ഉപയോഗിക്കുന്നത് കുറയ്ക്കുന്നതിന് സാധിക്കുമെന്നുമാണ് കേന്ദ്രം പറയുന്നത്.

English summary

there will be a system in place to rid traffic of all unfit vehicles including private cars 15 years after registration. The ministry has proposed "automatic de-registration" of all vehicles after this period.