Click it and Unblock the Notifications
Just In
Don't Miss
-
ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ -
ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും -
IPL 2024: 8ല് 4ലും തോറ്റു, സിഎസ്കെയ്ക്ക് പ്ലേ ഓഫിലെത്താനാവുമോ? സാധ്യകള് ഇങ്ങനെ -
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള് -
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
അയോധ്യ വിധി സ്വാഗതം ചെയ്ത് ഷിയ വഖഫ് ബോര്‍ഡ്... ഇത് തങ്ങളുടെ കൂടി വിജയമെന്ന് റിസ്‌വി!!
ദില്ലി: അയോധ്യ വിധിയില്‍ നിര്‍ണായക പ്രതികരണവുമായി ഉത്തര്‍പ്രദേശ് ഷിയാ വഖഫ് ബോര്‍ഡ്. സുപ്രീം കോടതി വിധി സ്വാഗതം ചെയ്യുന്നതായി ബോര്‍ഡ് വ്യക്തമാക്കി. രാജ്യത്തുള്ള ഓരോ പൗരനെയും ഈ വേളയില്‍ അഭിനന്ദിക്കുന്നു. വളരെ അഭിമാനപൂര്‍വം നിയമപോരാട്ടം നടത്തിയ എല്ലാവരും അര്‍ഹിക്കുന്നതാണ് ഈ വിജയമെന്ന് ഷിയാ വഖഫ് ബോര്‍ഡ് ചെയര്‍മാന്‍ വസീം റിസ്‌വി പറഞ്ഞു.
ഷിയാ സെന്‍ട്രല്‍ വഖഫ് ബോര്‍ഡിന്റെ വാദങ്ങള്‍ തള്ളിയത് വലിയ കാര്യമല്ല. ഞങ്ങള്‍ ആകെ പറഞ്ഞത് രാമക്ഷേത്രം അയോധ്യയില്‍ നിര്‍മിക്കണമെന്നാണ്. അതുകൊണ്ട് തന്നെ ഇന്നത്തെ വിധി ഞങ്ങളുടെ വിജയമാണ്. സുപ്രീം കോടതി വിധി പറയുന്നതിനിടെ ഷിയാ ബോര്‍ഡിന്റെ അപ്പീല്‍ തള്ളുകയും ഭൂമി റവന്യൂ രേഖകള്‍ പ്രകാരം സര്‍ക്കാരിനുള്ളതാണെന്നും അഭിപ്രായപ്പെട്ടിരുന്നു. ഇതിന് പിന്നാലെയാണ് അയോധ്യയില്‍ രാമക്ഷേത്രം നിര്‍മിക്കാമെന്ന് കോടതി ഉത്തരവിട്ടത്.
അതേസമയം സുന്നി വഖഫ് ബോര്‍ഡില്‍ വിധിയില്‍ അപ്പീല്‍ പോകേണ്ടെന്ന് തീരുമാനിച്ചിട്ടുണ്ട്. ബോര്‍ഡ് അംഗങ്ങളുമായി ഇക്കാര്യം ചര്‍ച്ച ചെയ്യുമെന്ന് സുന്നി വഖഫ് ബോര്‍ഡ് ചെയര്‍മാന്‍ സഫര്‍ അഹമ്മദ് ഫാറൂഖി അഭിപ്രായപ്പെട്ടു. സുപ്രീം കോടതി വിധി സ്വാഗതം ചെയ്യുന്നുവെന്നും ഫാറൂഖി പറഞ്ഞു. സുപ്രീം കോടതി അനുവദിച്ച അഞ്ച് ഏക്കര്‍ ഭൂമിയിലാണ് സുന്നി വഖഫ് ബോര്‍ഡ് ചര്‍ച്ച നടത്തുന്നത്.
നേരത്തെ അസാദുദ്ദീന്‍ ഒവൈസി സുപ്രീം കോടതി വിധിയില്‍ അതൃപ്തി പ്രകടിപ്പിച്ചിരുന്നു. ഞങ്ങള്‍ക്ക് ഭരണഘടനയില്‍ വിശ്വാസമുണ്ട്. നിയമപരമായ അവകാശത്തിനായി പോരാട്ടം തുടരും. ഞങ്ങള്‍ക്ക് സംഭാവനയായി അഞ്ചേക്കര്‍ ഭൂമി വേണ്ടെന്നും ഒവൈസി പറഞ്ഞു. കുറച്ച് ഭൂമി തന്ന് ഞങ്ങളെ അനുനയിപ്പിക്കാന്‍ നോക്കേണ്ടെന്നും ഒവൈസി പറഞ്ഞു.
