ഇത് ഹനുമാന്റെ പുനർജന്മമോ ? ജനിച്ച ഉടൻ എഴുന്നേറ്റിരുന്നു, പാൽ കുടിച്ചു, അത്ഭുതങ്ങൾ തീരുന്നില്ല!!!
കുഞ്ഞ് ഹനുമാന്റ അവതാരമാണെന്നാണ് മാതാപിതാക്കൾ അവകാശപ്പെടുന്നത്. നിരവധി പേർ 'കുഞ്ഞ്' ഹനുമാനെ ആരാധിക്കാനായി എത്തി
കാണ്പൂര് : ബിത്തൂര് ബ്ലോക്കിലെ നവജാത ശിശുവിന്റെ രൂപം കണ്ട് നാട്ടുകാര് ഞെട്ടി. എന്താണെന്നോ, കുഞ്ഞിനെ കാണാന് ഹനുമാനെ പോലെ തന്നെ ഉണ്ടത്രേ... ദൈവത്തിന്റെ അവതാരമാണ് തങ്ങളുടെ നാട്ടില് പുനര്ജനിച്ചിരിക്കുന്നതെന്ന് വിശ്വസിച്ച് കുഞ്ഞിനെ ആരാധിയ്ക്കാനും തുടങ്ങി.
കുഞ്ഞിന്റെ അത്ഭുത പ്രവര്ത്തിയുടെ നിരവധി കഥകളാണ് പുറത്ത് വന്നത്. ജനിച്ച ഉടന് കുഞ്ഞ് എഴുന്നേറ്റ് ഇരിക്കാന് ശ്രമിച്ചു, കുഞ്ഞിന്റെ മുഖത്തിന് ഇടയ്ക്കിടെ നിറ വ്യത്യാസം വരുന്നു, തുടങ്ങിയ അവിശ്വസനീയമായ കഥകള്. തീര്ന്നില്ല, ജനിച്ച് രണ്ടാം ദിവസം തന്നെ കുഞ്ഞ് ഒരു പാത്രം പാല് കുടിച്ചത്രേ... അദ്യം ഒരു ഞെട്ടല് ഉണ്ടായെങ്കിലും തങ്ങളുടെ മകന് ദൈവം തന്നെയാണെന്ന് വിശ്വസിച്ചു അച്ഛനും അമ്മയും. പക്ഷേ ആ സന്തോഷത്തിന് അധികം ആയുസ്സ് ഉണ്ടായിരുന്നില്ല. കുഞ്ഞ് മരിച്ചു...!!!
ജനിതക തകരാറുകള് കൊണ്ടാണ് കുഞ്ഞിന്റെ മുഖത്തിന് പ്രത്യേക ആകൃതി വന്നതെന്ന് ഡോക്ടര്മാര് പറയുന്നു. ഇത്തരം കുഞ്ഞുങ്ങള് അധികം നാള് ജീവിച്ചിരിക്കാന് സാധ്യത ഇല്ല. പാല് കുടിച്ചെന്നും എഴുന്നേറ്റിരിക്കാന് ശ്രമിച്ചെന്നും ഉള്ളതെല്ലാം കെട്ടിച്ചമച്ച കഥകള് മാത്രമാണെന്ന് പൊലീസും വ്യക്തമാക്കി.
എന്തായാലും ദൈവം തന്നെയാണ് തങ്ങളുടെ നാട്ടില് വീട്ടില് പുനര്ജനിച്ചതെന്ന് വിശ്വസിച്ചിരിക്കുകയാണ് ഗ്രാമവിസികള്. ആര്ഭാടമായാണ് കുഞ്ഞിന്റെ ശവസംസ്ക്കാര ചടങ്ങുകള് നടത്തിയത്. അവിടെ ഹനുമാന് ക്ഷേത്രം പണിയുമെന്നും ഗ്രാമീണര് പറയുന്നു.